Génesis 11:3 - Dios Iwene

³ Jobe ja̧nö yöba̧lakwawijadötö: —Bloke dotido letiyatjö. Ja̧danö, 'diiachibanö dujuwo ja̧ blokema— yöba̧lakwawijadötö. Ikenama jobadöma bloke otidijadötö. Bloketjöda otidijadötö, ju'wedö inawiyatjö otidiatjidanöma otidökönö. Ja̧danö isa'be wanaba̧lö otidijadötö, tö'awa'be, yȩa'be. Ja'bema letiyama wiwokwökö'be, ju'wedö letiyakwö wiwodö otidiatjidanö. Ja'be tö'awa'be yȩa'bema wa̧naba̧lö otidijadötö bloke wanabinö.

Génesis 11:3 Referans Kwoze

Génesis 14:10

Ja̧danö, jobe Sidim nijima nöinö lajubiya ju̧kwijetö, madi'odanö tö'awi̧ a̧ji ojubiya. Sodoma la'aka luwo̧ tjömöayedö guardia jojodö ju'wedö, ja̧danö Gomorra la'aka luwo̧ tjömöayedö guardia jojodö ju'wedö jobetjö dötjibajemi jobadötjö ju'wedöma mebijadötö laju okwa. Ja̧danö, ju'wedöma mö'ösa'obekwö 'döbibajijadötö.

Éxodo 2:3

jitji̧nöma ida̧ökö tojawa jwiioko, dakwö ja̧takwajö, jö̧ba̧lö wi̧lȩyu̧ ö̧jiyatjö bu̧kwawayu̧ emijotö, wa̧chadanö ichejekwi öjiyatjö. Jayu̧ma wamenö pialidanö tö'awitjö dadijotö ojwiyo okwatapji jö̧ba̧lö. Ja̧ tö'awitjö dadajaju jitji̧nö anijotö ja̧yu̧ okwa. Anajaju wi̧lȩyu̧ma nönijotö ojwenö, Nilo mikwödö ö'öbö isa'baena.

Éxodo 1:14

Israel jojodöma usula emawöda ju̧kwijadötö juluwanö tjotidobö le jwiinö wetjobetjö̧. Bloke junö, letiyakwö pjabatö, okobe jwiinö batjo otikwa, sobö, junö, 'wibö tjotidobö webijadötö.

Santiago 5:1

Ja̧danö, juna̧ladönö yötawa, A̧ja̧kwaduwitjö, jö̧ba̧lö. Ju'winö jwiinö usula kwemawaduwakobe. ¡Ayö! ja̧ baledakwa̧ omukwatö budekwabinö jwöbeba̧laduwi, ¡Ökwödöwe! jö̧ba̧lö.

Hebreos 10:24

Ja̧danö chö̧ja̧wo̧dö, ökwödöma dömöledökwö ja̧nö domajadenö budekwabinö yödawakwawobö jo̧be, Dömöledönö ösödabikwawö dö̧jaduwo, bakwelajatebö pjabatö, jö̧ba̧lö.

Hebreos 3:13

Isabenö, tjöbebalö̧jönö ökwödödada kwite'ada̧laduwobö jo̧be chömöledö. Ja̧danö, bakwöta mölekwena dö̧ja̧wo̧dönö pjabatö yödawobö jo̧be, ina böjȩnö dö̧jayi. Pjabatö yödawo tjo̧'wo̧ tjujuluwachibanö, ökwödötjö ju'wedöma, tjuubiya 'dibö ja̧nö, jelobekwö idöda sulabenö tjomukwati̧da omukwatö tji̧'yapji jö̧ba̧lö. Chömöledö, wanedö yötawaduwakwö, suli̧ wanedöma: Suli̧ma omöna yöbawo̧ yöa̧li̧danö ji̧, jojodönö öbibö jelobekwö omukwatö tji̧'yobö. Jo̧kwaobetjö̧ kwö̧ja̧wo̧dönö yöbawö pjakataduwobö jo̧be, suli̧ma ökwödötjö ju'wedönö tjo̧'wo̧ luwo̧nö jelobekwö tjomukwatobö öibapji jö̧ba̧lö, Diosnö katjatibobö.

Isaías 9:10

Bloketjö otikwejubiya meijayonö, wene jwia, o̧penönö otiwejubiya dotidakwedösa. Bloke ji̧nemi, inawiya nöinö mikwawawa dotidinawatjö balekwejubiya dotidakwedösa, ajayitjö bajalekwönönö otiwejubiyama. Ja̧danö ditebotjö pokwina towibiya sicamoro towibiya juwö lotjinajayonö, wene jwiya, ja̧ towibiya ji̧nemi bajalekwönönö otiwowibiya Cedro towibiyada dujunakwedösa, —jö̧ba̧lö sulabenö tjomukwati̧ balewachökönö yöba̧ladö.

2 Samuel 12:31

Ja̧danö, okobe deinö Raba comunidad jojodönö iteda ömöayedö batjibanö ujuninobe, ja̧danö 'diinö tjotidobö weinobe. Towi ötebiya löawakwöbi, picokwöbi, o̧tomo'akwöbi, 'diinö tjotidobö weinobe, ja̧danö ju'wibi bloke juwawemi tjotidobö weinobe. Jejenö weinobe Davidma, amonita jojodö tjitebo ba̧kwemeachibanö, tjitebokwena ju̧kwadönö. Ja̧danö, amonita jojodönö juluwajo̧, Davidbi, okobe deinö ömöayedö ölakwabikwawa jojodöbi Jerusalenbe tjȩwa̧jinobe.

Santiago 4:13

Chö̧ja̧wo̧dö a̧ja̧kwaduwitjö. Ökwödötjö bakwo̧ jö̧ka̧lena, Aaa, makökö̧ itekwayikö̧ jelobe chi̧'yakwo̧sa o̧ba bakwaba baledinö chö̧jobö, jö̧ba̧lö. Ja̧danö jö̧ka̧lena, Jobe ja̧nö, iyöbi emöbi chö̧jakwo̧sa, baladanö nöinö emö, jö̧ba̧lö, kwomukwataduwena.

Isaías 65:3

Isabenö chödameakwinö ja̧tjotö jö̧ba̧lö, jwaikwöda chöba a'otjö sulabenö ja̧bö ju̧kwadö. Batjotjö sulabenö o̧'wo jawa ösödö, kwabö juwö iyadö, bloquetjö otikwemi iyawemitjö̧, ju'wedö tjösödawö̧nö kwabö juwö iyadö.

Isaías 5:5

—Ja̧danö, jobekwö suli̧ jawada pokwobetjö̧, baikwö yötawaduwakwö chöbatjo ja̧takwa̧ma: Chöbatjo ö'öbö tjöekwi̧, ja̧danö inawatjö otikwemi tjöekwemibi 'dobö lotocha, tebonö ju̧kwadö chöbatjo tebachö, ja̧tö lotjakobetjö̧.

Proverbios 1:11

Jao chitji̧, jobadö sulabenö omukwatadöma ökwönö jelobekwö omukwatö ötjibotö jö̧ba̧lö yötja̧lena: —Ökwödökwö ichi ju'wedönö kwabö lodo, mana ö’öbö ju̧kwawö dite’ada̧lo. Ikenama, jamanö kwebachadönö, sulabenö ja̧böködönöbi jo̧kwadanö kwabö lodo.—

Génesis 11:7

Jejenö jö̧ba̧lö ȩwa̧jo̧: —Jobekwö di̧'yo, tjiwene balewö lodo wainö tjiweneda yöba̧ladö batjibanö, bakwo̧ jelo̧ yöa̧li̧ma a̧ja̧kwökakobetjö̧— jö̧ba̧lijetö Isabenö Jo̧ma.

Génesis 11:4

Ikenama yöba̧lakwawijadötö: —Duju̧kwemi comunidad dotido. Ja̧danö, comunidadnö o̧do möeju dotido mölejȩbe ichibanö. Jejenö dotiditjö̧ma okobe deinö böjȩnö ju̧kwadöma ökwödönö tjöwaisakobe, otiwanö tjotidinobe möejuma, jö̧ba̧lö. Ja̧danö, jejenö otidö ökwödöma bakwainö omukwatadö babibajadö benada otiwanö bakobe duju̧kwakobe. Jejenö dö̧jo böjȩ bakwemeachibanö wainökwena duju̧kwökakobetjö̧, ökwödötjö ju'wedö jelobe, ökwödötjö ju'wedö jelobebi— yöba̧lakwawijadötö.