Génesis 10:6 - Dios Iwene

⁶ Ja̧danö, Noé itji̧ Cam i̧tji̧mu ömadöma bidö: Cus, Mizraim, Fut, Canaán.

Génesis 10:6 Referans Kwoze

Isaías 11:11

Ja̧danö, damötjö iteda ömöledö israel jojodönö pjaatinadanö, ja̧ möle chuluwo̧ Diosma yemidanö iteda ömamu deatakobe, iteda ömöledö israel jojodötjö ina 'yaba̧ladönö ko̧ko̧dibö israel nijibe tjeatakobetjö̧. Jau, Dios lȩebinatjö ji̧binadö Asiria nijinö ju̧kwadönöbi, Egipto nijinö ju̧kwadönöbi, Patros nijinö ju̧kwadönöbi, Etiopia nijinö ju̧kwadönöbi, Elam nijinö ju̧kwadönöbi, Sinar nijinö ju̧kwadönöbi, Hamat nijinö ju̧kwadönöbi, jwaibalawa ö'öbötenia niji ju̧kwadönöbi o̧ko̧ko̧dakobe, yemidanö tjitebo israel nijinö tjö̧jakobetjö̧.

1 Crónicas 4:40

ja̧danö jobe meje'ye otiwa'ye tjöbadekwajinobe, jalobe, ölakwabikwawa jwibö wene jwiobema. Ajayinö Noe itji̧ Cam itji̧mu tupadanö jojodöma ja̧ nijinö tjö̧jinobe,

Génesis 9:22

Ja̧danö, Noé itji̧ Camma, Canaán abe'do, eju tebachö abe'do kamisi jwibo̧ ö̧lobekwö edijetö. Edajo̧ labebijetö öpöedönö yöbawö, apetube ja̧dönö. Labebajo̧ma öpöedö Semnö, Jafetnö yöbawijetö tjabe'do 'dukwachökwe a̧do̧ jwibö ö̧lobema.

Génesis 9:18

Ja̧danö, Noé i̧tji̧mu isowitjö labebinadöma bidö: Sem, Cam, Jafet. Camma Canaán abe'do.

Génesis 10:5

Ja̧danö, jobadö Jafettjö tupadanö jojodöma ojwe ö'öbönö jelobe, jelobebi ja̧danö, ö'wejesa'onö jelobe, jelobebi ju̧kwijadötö wainökwena tjitebokwena. Ja̧danö, bakwasokwena ju̧kwijadötö, idöda yö̧ne tjömöledökwö. Ja̧danö, bakwasokwena idöda tjiwenekwena yöba̧lö ju̧kwijadötö Jafettjö tupadanö jojodöma.

Génesis 2:13

Jemi ikenasödöma mikwijetö Guihón. Jödöma Cus nijinö wi̧so̧inö li̧jetö.

Génesis 5:32

Ja̧danö, Lamec itji̧ Noé mikwo̧ma quinientos a̧yo bo̧ itji̧ Sem mikwo̧nö 'yabebijetö. Ja̧danö, ju'wedö i̧tji̧munöbi, ömadönö 'yabebijetö Noéma, Cam mikwo̧nö, Jafet mikwo̧nö.