Génesis 1:7 - Dios Iwene

⁷ Ja̧danö, Diosma jwai balawa 'da̧batijetö ö'weje wa̧jo̧ baibanö. Jejenö wa̧jo̧emi wame ojwiyoma li̧nö nönijetö Diosma. Ja̧danö wa̧jo̧emi teebe jwai balawa lijetö. Jejenö baibijetö, Dios wei̧danö.

Génesis 1:7 Referans Kwoze

Mateo 8:27

Jejenö balediawö̧, Jesús öba̧ja̧di̧ waisachadöma tjöbajale jalaka baibanö yötja̧linobe: —Ayö, bitema ¿ditejayo̧jö? Jwa̧lȩ'epjobi, balawabi bite wei̧ a̧ja̧kwobe— jö̧ba̧lö.

Génesis 1:9

Ikenama: —Niji öwawachö, jwai balawa öibajinö babibi, bakwödöda baibanö— jö̧ba̧lö webijetö Diosma. Jejenö baibijetö, Dios wei̧danö.

Diosnö ösödo̧ Job mikwo̧ usula emawina jawa 26:8

Ja̧danö, ojwiyo ko̧ko̧dö 'di̧batö ojwiyo'wo böa'wonö ano̧, ja̧danö yelösöda nöinö ojwiyo a̧ji̧jayonö, kȩachibökö'wo, di̧ataja̧ ojwiyoma.

Génesis 1:15

Ja̧danö, mölejȩbetjö böjȩkwö kwidejataduwakobetjö̧ babibaduwi— jö̧ba̧lö webijetö Diosma. Jejenö Dios wei̧danö babibijadötö, möle jawo̧bi yö̧te ja̧wo̧bi si̧li̧'i̧döbi.

Génesis 1:24

Ikenama: —Nijitjö̧ babibaduwi böjȩnö kwebachadö a̧ji̧kwakwawedöbi, tebonö ju̧kwadöbi, nijinö töbawadöbi okobe deinö ökwödödada yebawö kwuju̧kwaduwo— jö̧ba̧lö webijetö Diosma. Jejenö Dios wei̧danö babibijadötö.

Génesis 1:11

Ikenama: —Nijitjö okobe jwiinö pokwi̧ma pokwinö babibi. Ja̧ pokwi̧ wa̧aja̧ma önebiya opijutjö libö i̧ya̧jakwada pokwinö babibi. Towibiya wa̧ji̧owibiyabi opo okwa a̧ji̧ önebiyatjö i̧ya̧jakwada pokwinö babibi— jö̧ba̧lö webijetö Diosma. Jejenö baibijetö, Dios wei̧danö.

Génesis 1:8

Ja̧danö, Diosma öbabijetö wa̧jo̧emima mölejȩ, jö̧ba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö dötölataja mölema.