Génesis 1:5 - Dios Iwene

⁵ Ja̧danö, dewi̧ma möle jö̧ba̧lö öbabijetö. Ja̧danö, yȩi̧ma yö̧te jö̧ba̧lö öbabijetö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö ajayinö mölema.

Génesis 1:5 Referans Kwoze

Isaías 45:7

Jau, ötjödasa dewi̧ otido̧ma, ja̧danö yȩa'wobi otido̧ma ötjödasa. Ötjödasa wene jwiinö tjö̧jobö pjabato̧ma, ja̧danö ju'wibi suli̧ waekwö wene tjujuna̧lobö webo̧bi ötjödasa. Okobe jwiinö ja̧ jawa otido̧ma, ötjö Isabenö Jo̧ Diosda, jö̧ba̧lö yöa̧lobe Diosma, omudawö ujuninökwe Cironö.

1 Tesalonicenses 5:5

Chömöledö, wanedö yötawa: Okobe deinö ökwödöma dewi̧ jojodöja, möle jojodöja. Jau chömöledö, ökwödö Jesúsnö ösödadöma yö̧te jojodöböködösa, ja̧danö yȩa'wo okwa jö̧ködösa.

Génesis 8:22

Ina jö̧ba̧lijetö: —Böje ötjö chotidinöjema 'dö̧ibajenanö baibanö baikwö jobö webo̧sa: Jojodöma batjo junawa tjujunakwedö ja̧danö, batjo 'wiawa 'witjakwedö. Ja̧danö, tiyuwi̧bi, tubi̧bi, o̧babi, imiyamebi baledakobe. Ja̧danö, mölebi, yö̧tebi baledakobe. Böjȩma jejenö baledobö wetakwo̧sa böje 'dö̧ibajenanö baibanö— jö̧ba̧lijetö Isabenö Jo̧ma.

Efesios 5:13

Jo̧kwaijayonö ökwödö jweinö yökawaduwitjö̧ma, Sulabenö ja̧köbaduwobe, jö̧ba̧lö, dewinö dejati̧danö kwidejataduwakobe, jobadö taba̧lö̧ji jawa ja̧tji̧ma öwaitjöda öwawinö. Ja̧danö, sulabenö ja̧badöma tjöwaisachibena, Aaa ja̧di̧ma sulabe, jö̧ba̧lö.

Génesis 1:8

Ja̧danö, Diosma öbabijetö wa̧jo̧emima mölejȩ, jö̧ba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö dötölataja mölema.

Génesis 1:31

Diosma okobe jwiinö otidaja̧ edinö jwiinö ösödijetö, otiwa, jöba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö jelemutjö bakwöta mölema.

Génesis 1:23

Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö bakwamu mölema.

Génesis 1:19

Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö ö'wejemu mölema.

Génesis 1:13

Ikenama yi̧böbi yi̧bijetö. Ja̧danö dewachöbi dewachijetö. Jejenö baibijetö wa̧pötakwa mölema.