4 Diosma dewobe edinö ösödijetö, otiwa jö̧ba̧lö. Ikenama ja̧ dewi̧ma wainö ji̧nö, yȩi̧bi wainö ji̧nö junijetö Diosma.
Ja̧danö, bakwo̧nöma möleda idejatobö ja̧danö, jelo̧nöma, si̧li̧'i̧dönöbi yö̧teda tjidejatobö nönijetö Diosma. Mölebi yö̧tebi wainö ja̧kobetjö̧ nönijetö. Ja̧danö, Diosma önajawö̧nö edinö ösödijetö, otiwadö jö̧ba̧lö.
Ja̧danö, nijitjö okobe jwiinö pokwi̧ma pokwijetö. Ja̧ pokwi̧ma önebiya opijutjö libö i̧ya̧jakwada pokwijetö. Towibiya wa̧ji̧owibiyabi opo okwa a̧ji̧ önebiyatjö pokwijetö, i̧ya̧jakwada. Diosma ja̧ pokwaja̧ edinö ösödijetö, otiwa jö̧ba̧lö.
Diosma okobe jwiinö otidaja̧ edinö jwiinö ösödijetö, otiwa, jöba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö jelemutjö bakwöta mölema.
Ja̧danö, öibajemima niji jö̧ba̧lö öbabijetö Diosma. Ja̧danö, öbibajö lamatajödöma jwai balawa jö̧ba̧lö öbabijetö. Ja̧danö, Diosma öibajemi, ja̧danö, öbibajö lamatajödö edinö ösödijetö, otiwa, jö̧ba̧lö.
Okobe deinö tebonö ju̧kwadönöbi, a̧ji̧kwakwawedönöbi, nijinö töbawadönöbi otidijetö Diosma, idödada yetjawobö. Ja̧danö, Diosma otidajawö̧nö edinö ösödijetö, otiwadö, jö̧ba̧lö.
Jau, ötjödasa dewi̧ otido̧ma, ja̧danö yȩa'wobi otido̧ma ötjödasa. Ötjödasa wene jwiinö tjö̧jobö pjabato̧ma, ja̧danö ju'wibi suli̧ waekwö wene tjujuna̧lobö webo̧bi ötjödasa. Okobe jwiinö ja̧ jawa otido̧ma, ötjö Isabenö Jo̧ Diosda, jö̧ba̧lö yöa̧lobe Diosma, omudawö ujuninökwe Cironö.