Génesis 1:31 - Dios Iwene

³¹ Diosma okobe jwiinö otidaja̧ edinö jwiinö ösödijetö, otiwa, jöba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö jelemutjö bakwöta mölema.

Génesis 1:31 Referans Kwoze

1 Timoteo 4:4

Jau Timoteo, okobe jwiinö Dios otidinama otiwa, döpöjödoböma jwia. Ja̧danö, Diosnö ösödö, otiwanö kwiyajabe jö̧ba̧lö dukwobö jo̧be.

Éxodo 20:11

Ötjö, Isabenö Jo̧ma jelemutjö bakwöta mölȩ baledibanö mölejȩ mölejȩnö lö̧jadönö, ja̧danö böjȩ böjȩnö ju̧kwadönö, ja̧danö ojwe nöödö, ojwe nöödönö ju̧kwadönö chotidijatö. Ja̧danö, chotidawatjö okobe jwiinö katatakwawajabetjö̧ ju'wi dewachö möle, jelemutjö dötölataja mölema chö'wachijatö ötjöma, otidökönö. Jo̧kwaobetjö̧ ja̧ mölȩma omukwatö dösölö̧jinö edö jö̧ta̧lijatö̧, Biya̧ mölȩma wainö chujuna inesö mölȩ baibanö, jö̧ba̧lö.

Diosnö ösödo̧ Job mikwo̧ usula emawina jawa 38:7

Jawa lödawobe tjedinobe angeledöma, ja̧danö edö, tjo̧'wo ösöwachibanö jwötjeba̧linobe, ti inawa ödiniawö̧ jejenö jwötjeba̧linada?

Génesis 2:2

Ja̧danö, iteda otidawatjö okobe jwiinö kaatakwawabetjö̧ ju'wi dewachö möle, jelemutjö dötölataja mölema ö'wachijetö Diosma, otidökönö.

Génesis 1:23

Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö bakwamu mölema.

Génesis 1:8

Ja̧danö, Diosma öbabijetö wa̧jo̧emima mölejȩ, jö̧ba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö dötölataja mölema.

Génesis 1:5

Ja̧danö, dewi̧ma möle jö̧ba̧lö öbabijetö. Ja̧danö, yȩi̧ma yö̧te jö̧ba̧lö öbabijetö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö ajayinö mölema.

Génesis 1:19

Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö ö'wejemu mölema.

Génesis 1:13

Ikenama yi̧böbi yi̧bijetö. Ja̧danö dewachöbi dewachijetö. Jejenö baibijetö wa̧pötakwa mölema.

1 Timoteo 4:5

Jau Timoteo, Dios iwenenö biya̧ma otiwa jö̧ba̧lö laebobe, ja̧danö otiwanö kwiyajabe jö̧ba̧lö Diosnö ösödö dukwitjö̧ma, Diosma ösödo̧, otiwanö kwadö jö̧ba̧lö.

Éxodo 31:17

Jejenö jelemutjö dötölataja mölȩ baibena kwö'wachaduwobetjö̧ kwi̧sekwaduwakobe, Isabenö Jo̧ ö'wachinadanö ö'wachadösa, iteda wei̧danö, jö̧ba̧lö. Jao chömöledö, jelemutjö bakwöta mölȩ chotidijatö böjȩbi mölöjȩbi. Ikenama, chotidawatjö okobe jwiinö katatakwawajabetjö̧ ju'wi dewachö möle, jelemutjö dötölataja mölema chö'wachijatö, otidökönö. Cho'wonö emawö̧, otiwa jö̧ba̧lö, chö'wachijatö. — jejenö yöba̧lijetö Isabenö Jo̧ma Moisésnö, jobetjö Sinai mö'ösa'onö.

Proverbios 16:4

Ja̧danö, ju'wibi yötawa: Isabenö Jo̧ma iteda okobe jwiinö otidinabi, okobe deinö otidinawö̧nöbi baledakwa̧ma ajayitjöda omukwatö ujuninobe. Ja̧danö, sulabenö omukwatadönö baledakwa̧bi ajayitjöda omukwatö ujuninobe Isabenö Jo̧ma, jobadönö lȩebakwa̧ mölȩ baibena.

Génesis 2:3

Ja̧ möle, jelemutjö dötölataja mölema omukwatö dösölö̧jinö edö jö̧ba̧lijetö Diosma: —Biya möle, jelemutjö dötölataja mölema inesö möle baibanö chujuna— jö̧ba̧lijetö Diosma, ja̧ mölema iteda otidawatjö ö'wachö kaatakwawina mölȩobetjö̧.

Deuteronomio 32:4

Jo̧ba Diosma inesö tjöeba̧la̧wa inawadanöbo̧, ja̧danö okobe jwiinö ja̧bö ö̧ji̧ma, otiwanö ja̧bö jo̧. Jojodönö wainökwena edökönö, bakwainö jweinö edo̧ jojodönö. Jo̧ba dösödökwe Diosma omöna yöba̧lö̧kö̧, ba̧kwelöjatebö jö̧a̧li̧danö ja̧bo̧, ja̧danö la'akatjöda sulabenö ja̧bö̧kö̧.