Génesis 1:30 - Dios Iwene

³⁰ Ja̧danö, okobe deinö ju'wedö böjȩnö 'yaba̧lö ju̧kwadönö, tebonö ju̧kwadönöbi, mö köba̧lö ju̧kwadönöbi, nijinö töbawadönöbi meje'ye 'yaya'ye jobadö tjukwa'ye baibanö chiya— jö̧ba̧lijetö Diosma. Jejenö baibijetö Dios jö̧a̧li̧danö.

Génesis 1:30 Referans Kwoze

Diosnö ösödo̧ Job mikwo̧ usula emawina jawa 40:20

Mösa'iju ju'wedö tebonö jukwadö tjalewemima, jo̧ba u̧kwa pokwobe,

Diosnö ösödo̧ Job mikwo̧ usula emawina jawa 40:15

Tupakwö yöa̧linobe Diosma, Jobnö: —Ju'wibi yöta̧lakwö Job, hipopotamo ötjabökwenö kwomukwato. Hipopotamobedöma, pakayadö tjukwi̧danö meje'ye kwadö, jadanö ökwönö chotidinadanö, ötjöda jo̧banöbi chotidijatö.

Génesis 9:3

Ja̧danö, babema baikwö weta: Okobe deinö böjȩnö 'yaba̧ladö tebonö ju̧kwadönöbi, mejenö ju̧kwadönöbi, mö köba̧lö ju̧kwadönöbi, nijinö töbawadönöbi, ojwenö ju̧kwadönöbi kukwaduwobö jo̧be, kukwaduwakwawö̧ batjibanö. Ajayinöma kwakwawama tebonö ji̧da chiyijatö. Jo̧kwaijayonö babema böjȩnö 'yaba̧ladönöbi chiya, kukwaduwakwawö̧, jö̧ba̧lö— jö̧ba̧lijetö Diosma—.

Diosnö ösödo̧ Job mikwo̧ usula emawina jawa 39:30

Ja̧danö ukwakwo̧nö juluwajo̧, wiyuli itji̧muma ujuluwajökwe ökwösobu owadö. Jau, wobiya bȩmima, wiyulibi jobe jo̧, jö̧tö? Ökwöda jejenö weköbajawö̧, wiyulima jejenö tju̧ju̧kwobeji̧? —jö̧ba̧lö abebö a̧ja̧kwinobe Diosma, Jobnö.

Diosnö ösödo̧ Job mikwo̧ usula emawina jawa 39:8

Jobe ja̧nö, mösa'ijunö kwebachö, tjukwakwa̧ isakwadö, okobe jwiinö ö̧'dö̧wi pokwi̧ jawa tjukwotö jö̧ba̧lö, mösa'ijunö kwebachö isakwadö, ökwöda jejenö tjö̧jobö weköbinaji̧?

Diosnö ösödo̧ Job mikwo̧ usula emawina jawa 39:4

ja̧danö tjemajawö̧, meje'yenö ja̧nö da̧peachadö tji̧tji̧muma. Ja̧danö da̧peachajadö, jelobekwö labebadö, ajayinö tjöjinobe ȩwa̧jöködö, ja̧ baledi̧ edö waiso̧köbobeji̧?

Génesis 6:21

Ja̧danö, kwakwawa okobe jwiinö isowi okwa tebatö kwoko̧ko̧do, jobadö tjukwakwa̧bi ökwödö kwukwaduwakwa̧bi— webijetö Diosma Noénöma.