Génesis 1:27 - Dios Iwene

²⁷ Ja̧danö, Diosma otidijetö jojodönö, itedadajayedönö, Diosdanö ichejekwadönö. Iso̧nöbi isujunöbi otidijetö.

Génesis 1:27 Referans Kwoze

Mateo 19:4

Atjebökwe, Jesúsma atadinobe: —¿Ökwödöma Dios iwene yöka̧linaduwökiji̧, Dios jojodönö iso̧nöbi, isujunöbi otidina wene laebi̧ma?

Efesios 2:10

Chömöledö, Diosma ökwödönö otiwanö pjabatijetö yemidanö do̧'wo̧ luwo̧nö 'yabibajadö badibanö. Ja̧danö, otiwanö pjabatijetö, Cristo Jesúskwö bakobe dötewadö badibanöma. Diosma jejenö pjabatijetö ökwödönöma, otiwanö ja̧bö dö̧jobö. Ajayitjöda omukwatijetö ökwödönöma, do̧'wo̧ luwo̧nö 'yabibajadö, Cristo Jesúskwö dötewadö otiwanö ja̧bö dö̧jakwa̧ma.

Marcos 10:6

Diosma ¿dakwö otidinada ajayinöma? Ajayinö otidinena, iso̧nöbi, isujunöbi otidijetö.

Efesios 4:24

Ja̧danö, ju'wi, 'yayi̧ jawa, otiwanö omukwataduwi chömöledö, Dios otiwanö omukwati̧danö. Dios otiwanö omukwati̧ma, isabenö suli̧ jwii̧ omukwati̧, wainö ji̧ jawa omukwati̧ma.

Isaías 43:7

Jau, okobe deinö ötjö chiminö ötjabawö̧, —Bidöma Isabenö Jo̧ ömöledö israel jojodö, —jö̧ba̧lö ötjabawö̧nö chichejebakwo̧sa. Ötjöda jobadönö dadö chotidijatö, ötjöda tjitebosaso batjibanö chotidijatö, ötjö Diosnö tjösödakobetjö̧. Jo̧kwajabetjö̧ jobekwö tjebatajö chichejebakwo̧sa, chömöledö pjelekwachibö ja̧dönö, jö̧ba̧lö yöawobe Diosma, israel jojodönö.

Colosenses 1:15

Jo̧ba Cristonö dedenama, öwawö̧kö̧ Diosnöbi dedobedanö ichejekwa, Cristoma okobe jwiinö Dios jawa i̧sekwobetjö̧. Ja̧danö, jo̧bama okobe deinö Dios otidinawö̧tjöbi, okobe jwiinö Dios otidina jawatjöbi la'aka luwo̧danö jo̧ma jo̧ba Cristoda,

Génesis 2:18

Jemi ikenama: —Chedemi otiwökö iso̧ jo̧dawa'ye öjoböma. Jo̧kwaobetjö̧ chotidakwo̧sa pjajatakwujunö, itedadanö ichejekwujunö— jö̧ba̧lijetö Isabenö Jo̧ Diosma.

Colosenses 1:26

Jau chömöledö, Dios la'akatjöda tojö ujunina wene yötawobe. Ajayima Diosma ja̧ wene tojö ujuninobe chömöledö, jo̧kwaijayonö babema iteda ömöledönö i̧sebinobe.

Colosenses 3:10

ja̧danö balekwado̧ 'yabayo̧ o̧'wo̧ luwo̧ ökamijido̧ 'dukawinaduwobe ichejekwa. Jau chömöledö, jo̧ba 'yabayo̧ kwo̧'wo̧ luwo̧duwima, Dios otidinökwe, ja̧danö jo̧banö otidobe Diosma, Diosdanö ichejekwo̧ baibanö, otiwanö Diosnö kwöwaisaduwakobetjö̧.

Génesis 9:6

Yötawaduwakwö. Jojodönö chotidinawö̧ma ötjödadanö tjichejekwobetjö̧ bakwo̧ jelo̧ jojonö kwabö loitjö̧ma jo̧banö kwabö lotjakwo̧— jö̧ba̧lijetö Diosma Noénöma.

Deuteronomio 4:32

Tupakwö yöawinobe Moisesma, israel jojodönö: —Chömöledö, Dios ökwödönö pjaatina jawa kwomukwataduwo. Dios jojodönö otidinemi möletjö, baikwö baibanö, Dios ökwödö israelnö pjaatinajaye, ju'wedö tjösödökwema ösödadönö Dios ökwödönö pjaatinadanö pjaatinaji̧? Bö̧je ba̧kwemeachibanö ju̧kwadö tjösödawö̧tjö bakwo̧bi deobe, Dios ökwödönö pjaati̧danö pjabato̧ma, jö̧tö?

Génesis 2:7

Ikenama Isabenö Jo̧ Diosma nijitjö jojodanö otidijetö. Otidajökwe isu̧nö ja̧kwawa imiyupjo pjubijetö jojo baibanö.

Jueces 21:22

Ja̧danö, bakwo̧ itjijuö̧kö̧, bakwo̧ öjawujuö̧kö̧ kwemiökwe, bakwo̧ öpöjödö, ökwödönö lȩekwa aebobö ichibitjö̧ma, baikwö datadakwedösa jo̧banö, –Dösölö̧jinö Benjaminsaso jojodönö ösödö kwomukwataduwo, kwömöledösujunö tjemobö öpöjödökönö. Jau, kwömöledösujunö tjö̧naukwaja̧ma, ökwödö israel jojodö jawada, belö dölakwabikwawenama tjilekwamu tjö̧jibökönö kwabö lodinobetjö̧. Ja̧danö, kwömöledösujunö Benjaminsaso jojo ilekwo bajibijayonö, wene jwiobe, ökwöda ilekwo bajibobö weköbokobetjö̧. Jau, ökwöda Benjaminsaso jojo ilekwo bajibanö kwömöledösujunö weköbinatjö̧ma, wene kwujuna̧lo jö̧ka̧lena, kwömöledösujunö weköboko jö̧ka̧lidanö weköbobetjö. Jo̧kwaijayonö ökwöda weköbokonö, naukwöda emobetjö̧, wene jwiköbobe, Benjaminsaso jojo kwömöledösujunö emijayonö, –jö̧ba̧lö lȩekwa abebo̧nö datadakobe, ökwödönö wene baibapji jö̧ba̧lö, —wetjinobe Benjaminsaso jojodönö.