Génesis 1:12 - Dios Iwene

¹² Ja̧danö, nijitjö okobe jwiinö pokwi̧ma pokwijetö. Ja̧ pokwi̧ma önebiya opijutjö libö i̧ya̧jakwada pokwijetö. Towibiya wa̧ji̧owibiyabi opo okwa a̧ji̧ önebiyatjö pokwijetö, i̧ya̧jakwada. Diosma ja̧ pokwaja̧ edinö ösödijetö, otiwa jö̧ba̧lö.

Génesis 1:12 Referans Kwoze

Marcos 4:28

A̧dekwanö niji okwatjö pokwobe. Ajayima pokwi̧. Jemi ikena ida̧ökö ö̧bubiya bo̧bö, ochobiya wa̧ji̧. Jemi ikena ida̧ökö yȩi̧.

Lucas 6:44

Jau chömöledö, opobiya wa̧jina edö, ja̧ towi kwöwaisachibaduwena, Aaa, ajayinö bowitjö wa̧jinobe jö̧ba̧lö. Jau chömöledö, higos ötjabi̧ wa̧ji̧ma sȩötjetjöma la'akatjöda 'dötjokobe, sule higos towitjöda 'dötjobe, ja̧danö na̧i̧ma sȩowitjöma la'akatjöda 'dötjokobe, sule na̧i̧nutjöda 'dötjobe, ¿jö̧tö?

Gálatas 6:7

Chömöledö, omukwatökönaduwi, Aaa Diosnö odijayonö wene jwiena jö̧ba̧lö. Bakwo̧bi Diosnö ooböma jwia chömöledö. Baikwö wanedö yötawa batjo jawa chömöledö: Bakwo̧ ödebiya öditjö̧ma, iyakwa̧da pokwakobe, ja̧danö iyakwa̧da wa̧ji̧ emakwo̧, ¿jö̧tö?

2 Corintios 9:10

Chömöledö, Diosda önebiya lödo̧nö iyo̧ma, ödobö, ja̧danö Diosda ja̧ ödaja̧tjö kwakwawa ukwobö iyo̧, ¿jö̧tö? Ja̧danö, baikwö wanedö yötawa: Ökwödö pjabatö kwiyaduwi̧ma, önebiyadanö ji̧ chömöledö, ja̧danö Diosma önebiya lödo̧nö iyi̧danö, ökwödönö iyakwo̧, ju'wedönö pjabatö kwiyaduwo jö̧ba̧lö, ja̧danö, wanedö yötawa: Kwiyaduwi̧ pokwö nöinö wa̧jobö ja̧akwo̧ Diosma.

Isaías 61:11

Isabenö otiwanö pjabato̧ Diosma, baikwö yöta̧la: Pokwi̧ jawa nijitjö pokwö öwawi̧danö, ja̧danö batjonö tjödaja̧ jawa öwawi̧danö, Isabenö Jo̧ Dios iteda ujulunö dö̧jibanö pjaatakwa̧ öwawinö i̧sȩbakobe, tjitebotenia jojodö tjöba a'otjö, ja̧danö jobekwö pjaatiawö̧, okobe deinö Diosnö tjösödakwedö, —Ökwöma otiwanö pjabato̧ja, —jö̧ba̧lö.

Hebreos 6:7

Chömöledö, wanedö yötawaduwakwö, batjonö wanedö, bakwo̧ Jesúsnö kabatibö 'yo̧ma yemidanö tjeachajoböma jwiobe, jö̧ba̧lö: Ja̧danö, bakwo̧ omukwati̧ balewachökönö tjebachajö̧kö̧ma batjonö pokwi̧nö wanekwachobe. Ju'wedöma batjo tjujuwinobe. Ikenama tjujuwinayu tjö'dawödinobe. Jemi ikenama tjö'dawödajayu sotjinobe tjujunobö. Jemi ikenama, jayu otiwanö tjujuninayunö ojwiyo nöinö o̧binobe. Ja̧danö, jemi tupakwö otiwanö pokwinobe, jojodö tjukwakwa̧ma. Ja̧danö Diosma, jayu otiwanö pokwayu edö ösödo̧, Biyu batjoma otiwa, jö̧ba̧lö.

Génesis 1:11

Ikenama: —Nijitjö okobe jwiinö pokwi̧ma pokwinö babibi. Ja̧ pokwi̧ wa̧aja̧ma önebiya opijutjö libö i̧ya̧jakwada pokwinö babibi. Towibiya wa̧ji̧owibiyabi opo okwa a̧ji̧ önebiyatjö i̧ya̧jakwada pokwinö babibi— jö̧ba̧lö webijetö Diosma. Jejenö baibijetö, Dios wei̧danö.

Génesis 1:13

Ikenama yi̧böbi yi̧bijetö. Ja̧danö dewachöbi dewachijetö. Jejenö baibijetö wa̧pötakwa mölema.