Gálatas 6:16 - Dios Iwene

¹⁶ Okobe deinö yötawaja̧danö omukwatö ju̧kwadönö, Dios isabenö ömöledönöma, Dios jobadönö lȩlö̧jinö edobö chösöda, tjo̧'wo̧ luwo̧ ösöwachibanö.

Gálatas 6:16 Referans Kwoze

Gálatas 3:29

Ja̧danö Cristobedö kwö̧jaduwitjö̧ma, Abraham i̧tji̧mu tupadanö jojodöbedöja, ja̧danö Dios chiyocha jö̧a̧linama kwemaduwakwedöja.

Juan 1:47

Ja̧danö, Jesúsma jobadö yöneawinö tjichibajena ju'wedönö yöawinobe Natanaelnöma: —Edaduwi. Bite Natanaelma inesö Israel jojo, Israel jojodö tjö̧jo jö̧tja̧li̧danö omukwatö jo̧. Isabenö otiwanö omukwato̧ itema. Omöna yöba̧lö̧kö̧— yöawinobe Jesúsma Natanaelnöma.

Isaías 45:25

Jo̧kwaijayonö ökwödö israel jojodönö baikwö yötawa, Isabenö Jo̧ Diosma dö̧jibanö pjaatakwo̧, döpöjojodönö dujuluwakobetjö̧. Ja̧danö jobekwö pjaatawö̧, do̧'wo ösöwachibanö yöda̧lakwedösa, —Ökwödö Israel jojodö dösödökwe Isabenö Jo̧ma, isabenö juluwo̧, —jö̧ba̧lö.

Filipenses 3:16

Ja̧danö chömöledö, baikwö yötawaduwakwö, ja̧bö dö̧jo jö̧ba̧lö döwaisachibinama, okobe deinö bakwo̧nökwena, ja̧ ida̧ökö döwaisachibina jawa ja̧bö dö̧jobö jo̧be.

Gálatas 5:25

Dios O̧'wo̧ Luwo̧ma ökwödönö ja̧kwawa iyinobe, ¿jö̧tö? Jo̧kwajabetjö̧ ju'wibi jo̧ba öibi̧danö ja̧dobö jo̧be chömöledö.

Gálatas 5:16

Baikwö yötawaduwakwö chömöledö: Dios O̧'wo̧ Luwo̧ yöawi̧danö ja̧bö kwö̧jaduwo, sulabenö kwösödaduwi̧ jawa ja̧bökönö.

Juan 16:33

Ja̧danö, babe yötawaja̧ma kwo̧'wo̧ luwo̧duwi tjo̧bekwökönö kwö̧jaduwobö yötawajabe. Chömöledö, böjȩnö ja̧nö usula kwemawaduwakobe. Jo̧kwaijayonö, kwo̧'wo̧duwi̧ ösöwanö kwö̧jaduwo, ötjöma böjȩnö jawa okobe jwiinö chujuluwobetjö̧— yöawinobe Jesúsma öba̧ja̧di̧ waisachadönöma.

Juan 14:27

Chi̧'yajabe okobema kwo̧'wo̧duwi ösöwanö kwö̧jaduwobö pjatatakwo̧sa. Jejenö pjatati̧ma kwo̧'wo̧duwi ösöwanö kwö̧jaduwobö pjatati̧, böjȩ jawamaökö. Tjo̧'wo̧ luwo̧ okwa jawa, ba̧kwȩlö̧jatebö ji̧ jawama. Chöba̧ja̧di̧ waisachadö, kwo̧'wo̧duwi tjo̧kekwaduwa, ja̧danö yekabiduwa.

1 Crónicas 12:18

Jobekwö yöa̧liökwe, Dios O̧'wo Luwo̧ma treintabedötjö luwo̧ Amasai mikwo̧kwö ichibinobe, ja̧danö Dios O̧'wo Luwo̧ weonö yöa̧linobe: —Duluwo̧ Isai itji̧ David, ökwödöma ökwöda kwömöledösa, isabenö ökwönö pjadatobö jö̧ba̧ladösa. Jau David kwuluwo̧ Diosma isabenö ökwökwö pjabatö jo̧, jo̧kwajabetjö ökwönöbi, okobe deinö ökwönö pjabatadönöbi Dios pjaatobö dösöda, —jö̧ba̧lö atadinobe Amasaima. Ja̧danö, jobekwö yöa̧liökwe, ösödinobe Davidma, ja̧danö jo̧bakwö batjibobö weinobe, ja̧danö jobadönö ujuninobe, iteda ömöayedö ölakwabikwawa jojodötjö luwedö batjibanö.

Filipenses 4:7

Jejenö akebaduwitjö̧ma, Diosma kwo̧'wo̧ luwo̧duwi ösöwachibanö pjaatakwo̧ chömöledö. Wanedö yötawa: Cristo Jesúskwö dötewanö kwö̧jaduwobetjö̧, Diosma kwomajadeduwibi, kwomukwataduwi̧bi tjöbeba̧lö ite'ada̧lakobe kwo̧'wo̧ tjo̧kekwaduwapji jö̧ba̧lö. Jejenö Dios iyi̧jaye tjo̧'wo̧ luwo̧ ösöwachibi̧ma jojodö wajwitjobe, dakwö jejenö tjo̧'wo̧ luwo̧ ösöwawö̧jö jö̧ba̧lö, Diostjöda ichobetjö̧.

Gálatas 1:3

Dabe'do Diosbi, Duluwo̧ Jesucristobi ökwödönö lȩlö̧jinö tjedobö chösöda, kwo̧'wo̧ luwo̧duwi ösöwachibanö.

Efesios 6:23

Chömöledö, Dabe'do Diosnöbi, Duluwo̧ Jesúsnöbi atebobe ökwödönöma, kwo̧'wo̧ ösöwanö kwö̧jaduwobö. Ja̧danö, Jesúsnö kwo̧'wo̧duwi kwöwana̧laduwobetjö̧, kwömöledökwö otiwanö ösödabikwawö kwö̧jaduwobö atebobe Dabe'do Diosnöbi, Duluwo̧ Jesúsnöbi.

1 Pedro 1:3

Dösödaduwo Diosnö, Duluwo̧ Jesucristo Abe'donö chömöledö, jo̧bama isabenö lȩlö̧jinö edö ökwödönö pjaatinobetjö̧. Jau chömöledö, Jesucristo wobajaletjö tjeachajinobetjö̧, ökwödönö 'yayinö bötjachibadö badibanö pjaatinobe. Jo̧kwajabetjö̧, babema isabenö inesö ja̧kwawa jawa do̧'wo̧ wana̧lö te'ada̧ladösa,

Judas 1:2

Böjatjö jamatö wȩyudö yötawaduwakwö chömöledö, Dios ajayitjö bajalekwönönö ökwödönö lȩlö̧jinö iyobö chösöda, ja̧danö ajayitjö bajalekwönönö kwo̧'wo̧ luwo̧ ösöwachibanö kwö̧jaduwobö Dios pjaatobö chösöda, ja̧danö ajayitjö bajalekwönönö kwömöledönö ösödabikwawö kwö̧jaduwobö Dios pjaatobö chösöda.