Gálatas 4:7 - Dios Iwene

⁷ Jo̧kwajabetjö̧, babema tjömöayedöböködöja chömöledö, Dios i̧tji̧mubedöja. Ja̧danö, Dios i̧tji̧muköbaduwobetjö̧, okobe jwiinö iteda i̧tji̧munö iyakwa̧ma, ökwödöbi kwemaduwakwedöja chömöledö.

Gálatas 4:7 Referans Kwoze

Gálatas 3:29

Ja̧danö Cristobedö kwö̧jaduwitjö̧ma, Abraham i̧tji̧mu tupadanö jojodöbedöja, ja̧danö Dios chiyocha jö̧a̧linama kwemaduwakwedöja.

Gálatas 3:26

Jau chömöledö, Cristo Jesúskwö bakobe dötewinö ja̧nö, okobe deinö Dios i̧tji̧mubedöja, Jesúsnö kwösödaduwobetjö̧.

Gálatas 4:31

Ja̧danö, baikwö wanedö yötawaduwakwö chömöledö: Ökwödöma midö emawuju ji̧tji̧muböködösa ökwödöma, midö emawökuju ji̧tji̧mubedösa ökwödöma chömöledö.

Génesis 15:1

Jemi ikenama Isabenö Jo̧ Diosma Abramnö i̧sebijetö, i̧'wi̧didanö. Ja̧danö, Abramma Isabenö Jo̧ Dios yöawobe a̧ja̧kwijetö, baikwö yöawi̧ma: —Abram yekabi. Ötjöma ökwönö tjöbeba̧lo̧sa, sulabe baledokobö. Ja̧danö Abram, ötjöma ökwönö jwiinö mikwawinö chiyakwo̧sa— yöbawijetö.

Apocalipsis 21:7

Ja̧danö, sulabetjö juluwinadö, chö̧jobekwö ichibadönö jwiinö otiwi̧ jawa iyabo̧sa. Ja̧danö, ötjödasa, sulabetjö juluwinadö tjo̧'wo̧ tjöwana̧lökwe Diosma. Jobadönöma, Chi̧tji̧mu, jö̧ba̧lö, öbabo̧sa.

Mateo 6:24

Tupakwö yöawinobe Jesúsma: —Chömöledö, du̧ju̧taja tjömöayedö kwö̧jaduwoböma jwiobe. Du̧ju̧taja tjömöayedö kwö̧jaduwitjö̧ma, kwuluwo̧ bakwo̧nö kwösödaduwonö, jelo̧nö kwöpöjödaduwena, ja̧danö bakwo̧ wei̧ ja̧bö kwö̧jaduwonö, jelo̧nö kwöpöjödaduwena, mikwawö̧kö̧ jö̧ba̧lö. Jau chömöledö, jwaikwöda balada kwemaduwotö jö̧ba̧lö kwisakwaduwitjö̧ma, balada kwemobö kwösödi̧ ömöayedödanö kwö̧jaduwena. Ja̧danö, balada kwemobö kwösödi̧ ömöayedöbi, Dios ömöayedöbi kwö̧jaduwoböma jwiobe. Jau chömöledö, balada kwemaduwotö jö̧ba̧lö isakwö kwö̧jaduwitjö̧ma, Dios wei̧ ja̧bö kwö̧jaduwi̧ma waekwakobe.