Gálatas 4:17 - Dios Iwene

¹⁷ Ju'wedö sulabenö yöbawadöma isabenö ile nibebö tjedobe ökwödönö chömöledö, jo̧kwaijayonö ökwödönö pjatjatotö jö̧ba̧löma isakwöködö chömöledö. Jobadöma sule ötjötjö 'da̧bachibö kwö̧jaduwobö tjisakwobe chömöledö, jobadönöda kwösödaduwo jö̧ba̧lö.

Gálatas 4:17 Referans Kwoze

Romanos 16:18

Jau chömöledö, jejenö ja̧badöma Duluwo̧ Cristo wei̧ma ja̧böködö chömöledö, sule idöda tjösödi̧da ja̧bö ju̧kwadö. Jobadöma wajwibadönö dösölö̧jinö yöba̧ladö, ja̧danö, jojodö tjösödi̧ jawa yöba̧ladö jojodö jobadö omöna yötja̧li̧ a̧ja̧kwö tjösödobö.

2 Pedro 2:3

Ja̧danö, idöda tjemotö jö̧ba̧lö tjösödobetjö̧, jobadö sulabenö yöbawadöma ökwödönö omöna yötja̧lakobe, ökwödötjö balada tjemo jö̧ba̧lö. Jo̧kwaijayonö Diosma damötjö jobadönö lȩebobö omukwatö ujuninobe chömöledö, ja̧danö isabenö jobadönö lȩebakobe.

1 Corintios 4:8

Chömöledö, wanedö yötawa: Ökwödö Corintio jojodöma kwomukwataduwobe, ida̧ökö okobe jwiinö do̧'wo̧ luwo̧ jawama juna̧ladösa jö̧ba̧lö. Ja̧danö Dios ökwödönö iyobö jö̧a̧li̧ma, ida̧ökö okobe jwiinö juna̧ladösa jö̧ba̧lö kwomukwataduwobe. Ja̧danö, ökwödö ökwödönö yöbawinadöma luwedö badibököjayonö, ida̧ökö la'aka luwedö babibadösa jö̧ba̧lö kwomukwataduwobe chömöledö. Jejenö kwomukwataduwi̧ma, sulabenö omukwatadöja chömöledö. Isabenö la'aka luwedö bakibinaduwatjö̧ma, chösödo jö̧ta̧linena, ökwödöbi ökwödökwö la'aka luwedö badibo jö̧ba̧lö.

Romanos 10:2

Jweinö yötawaduwakwö chömöledö, isabenö isakwadö Israel jojodöma Dios ösödinö ja̧tjo jö̧ba̧lö. Jo̧kwaijayonö, Dios ösödi̧danö ja̧tjotö jö̧ba̧lö tjisakwijayonö, wajwibö isakwadö chömöledö.

Mateo 23:15

¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma ojwenö kwebachö, ja̧danö niji bakwameachibanö kwebachö isakwadöja, bakwo̧nö ökwödö yökawaduwi̧ ösödo̧nö kwöba̧ja̧di̧ waisacho̧ baibanö ja̧köbaduwobö. Ja̧danö, jejenö badekwajadö, jo̧banö ba̧ja̧dadöja, ökwödö sulabenö ja̧köbaduwi̧tjö nöinö bajalekwönönö jwaikwöda sulabenö ja̧bö ö̧jobö.

2 Pedro 2:18

Ja̧danö ju'wibi yötawa jobadö tjo̧'wo̧ jwibadö sulabenö yöbawadönö chömöledö. Jobadöma labinö waisadösa yöba̧lö, iya̧nö Dios iwene a̧ja̧kwö sulabenö ja̧bö ja̧kwawatjö ji̧bajadönö yötjawobe, böjȩ jojodö sulabenö tjösödi̧ma otiwa jö̧ba̧lö, ja̧danö jobadönö ötjibobedanö ichejekwa, 'daliwanö tjö̧libobö. Jejenö sulabenö ötjibobe jojodönö chömöledö, jo̧kwajabetjö̧ Diosma isabenö jobadönö lȩebakobe.

Filipenses 2:21

Ju'wedö okobe deinö Jesucristo jawa junibö, idöda jawada omukwatadö chömöledö,

1 Corintios 11:2

Chömöledö, ökwödöma otiwanö kwomukwataduwobe ötjö ja̧bö chö̧jinama, ja̧danö ökwödönö wetina jawama otiwanö ja̧bö kwö̧jaduwobe, baikwö ja̧bö kwö̧jaduwo jö̧ba̧lö ökwödönö wetina jawama. Ja̧danö, jejenöobetjö̧, otiwa jö̧ba̧lö yötawaduwakwö chömöledö.

1 Corintios 4:18

Ökwödötjö ju'wedöma, Aaa, ökwödöma juluwadödobetjö̧, Pabloma baikwö ichökö jö̧ba̧lö kwomukwataduwobe.

Gálatas 4:16

¿Babeja? ¿Kwöpöjojoduwi batibinaji̧? Isabenö wene ökwödönö yötawobetjö̧, ¿kwöpöjojoduwi batibinaji̧?

Gálatas 4:18

Isabenö yötawaduwakwö chömöledö, isabenö jojodönö pjatjatotö jö̧ba̧lö ile nibebö tjomukwatitjö̧ma, otiwena. Ja̧danö, ökwödökwö chö̧jitjö̧böbi, detitjö̧böbi jejenö ile nibebö omukwatakwawama otiwena chömöledö, pjatjatotö jö̧ba̧lö tjomukwatobetjö̧.