Gálatas 4:15 - Dios Iwene

¹⁵ ¿Taji waekwinada chömöledö? Ökwödökwö chö̧jenama, jwiinö kwo̧'wo̧ ösöwanö kwö̧jinaduwobe, ¿jö̧tö? Babema ¿tajawedö jejenö kwo̧'wo̧ ösöwanöma kwö̧jaduwokobeda? Ju'wibi yötawaduwakwö, ökwödönö isabenö chöwaisa chömöledö, baikwö: Jwiinö ötjönö kwösödinaduwobetjö̧, ötjönö pjakataduwobö kwösödinaduwobe. Jau chömöledö, jwiinö ötjönö kwösödinaduwobetjö̧, ökwödö kwöbajaleduwi kelekwö ötjönö kwiyaduwo jö̧ka̧linaduwena, jejenö ja̧bö ötjönö pjakataduwobö ji̧natjö̧ma.

Gálatas 4:15 Referans Kwoze

Romanos 5:2

Ja̧danö, ju'wibi chömöledö. Jesúsda dö̧jibinö pjabato̧, jö̧ba̧lö dösödiökwe, Diosma mikwa jwiinö otiwa jawa iyinobe ökwödönöma. Ja̧danö, do̧'wo̧ ösöwanö dö̧jobe, isabenö Dios dewinö idejatena duju̧kwakwedösa jö̧ba̧lö. Ja̧bi Cristoda ja̧ina chömöledö.

Colosenses 4:13

Ötjöma jo̧banö chöwaisa chömöledö, Epafrasma isabenö 'diinö otidinobe ökwödönöbi, Laodicea comunidadnö ju̧kwadötjö Jesúsnö ösödadönöbi, Hierápolis comunidadnö ju̧kwadötjö Jesúsnö ösödadönöbi pjaatobö.

1 Tesalonicenses 5:13

Jobadö tjotidi̧ omukwatö, jobadönö otiwanö omukwatö kwösödaduwodönö. Ja̧danö, kwömöledöduwikwö wene jwiinö kwö̧jaduwo chömöledö.

1 Tesalonicenses 2:8

Jau chömöledö, ökwödönö ile nidebobetjö̧, Dios jawa otiwa jawa wene yödawijatö, ökwödönö pjabatö. Jau chömöledö, yöbawöbi yödawijatö ökwödönö, ja̧danö okobe jwiinö ju'wi jaye ökwödönö pjadato jö̧da̧lina jawabi, ja̧bö dö̧jijatö ökwödönö jwiinö dösödobetjö̧.

Gálatas 6:4

Baikwö ja̧köbaduwo chömöledö: Okobe deinö bakwo̧nökwena kwotidaduwi̧kwena kwedaduwo, otiwojobö, sulojobö jö̧ba̧lö. Ja̧danö otiwitjö̧ma, bakwo̧nökwena kwotidaduwi̧kwena ösödö yöka̧laduwo, chotidi̧ma otiwa jö̧ba̧lö, ju'wedö tjotidi̧ badedö edökönö.

Gálatas 5:22

Jo̧kwaijayonö Dios O̧'wo̧ Luwo̧ do̧'wo̧ luwo̧nö otidi̧ma wainö ji̧ chömöledö. Baikwö yötawa: Dios O̧'wo̧ Luwo̧ otidi̧ma chömöledö, biya̧: ösödabikwawi̧bi, tjo̧'wo̧ ösöwi̧bi, tjo̧'wo̧ luwo̧nö wene jwiinö ja̧kwawabi, tjo̧'wo̧ 'dibachibö ja̧kwawabi, jojodönö dösölö̧jinö ja̧danö otiwanö ja̧awabi, jö̧tja̧li̧danö ja̧awabi,

Gálatas 4:19

¡Ökwödö pebadö chi̧tji̧mudanöbedöwe! Wanedö yötawa chömöledö: Jitji̧nö jemakwuju jitji̧nö jemakwa̧ abönö usula jemawi̧danö, ötjöma ökwödönö omukwatö chi̧tji̧muwe jö̧ba̧lö yemidanö usula chemawobe chömöledö, Cristo omukwati̧danö omukwatadö bakibaduwenanö kabatö.

Gálatas 3:14

Cristoma jejenö Dios lȩebi̧tjö eminobe, Cristo Jesúsnötjö Dios Abrahamnö yöbawö ujunina jawama judío jojodöböködönöbi baibakobetjö̧, ja̧danö, Dios yöawi̧ dösödiökwe, Dios yöbawö ujuninadanö Diosma iteda O̧'wo̧ Luwo̧nö ökwödönö iyakobetjö̧.

2 Corintios 8:3

Isabenö otiwanö tjiyinobe chömöledö, ötjöma jobadö tjujuna̧li̧ edö waiso̧sa, ja̧danö jweinö yötawaduwakwö, jobadöma ja'yubeda balada tjujuna̧lijayonö, ja'yubedama tjiyinokobe, isabenö nöinö balada pjabatö tjiyinobe. Ja̧danö, jejenö tjiyinama, wedawö̧ma tjiyinokobe, idödada ösödö tjiyinobe chömöledö.

Romanos 15:13

Chömöledö, Diosma ökwödönö pjabato̧, Aaa, isabenö Dios jö̧a̧linadanö otiwanö ja̧akwo̧, jö̧ba̧lö domukwatobö. Jo̧banö ateba, kwo̧'wo̧ luwo̧duwi ösöwachibanö kwö̧jaduwobö, wene jwiinö kwö̧jaduwobö. Ja̧danö, jo̧banö kwösödaduwobetjö̧, jejenö kwö̧jaduwobö pjaatakwo̧ ökwödönöma chömöledö. Ja̧danö Dios O̧'wo̧ Luwo̧ ökwödönö pjaatobetjö̧, tupakwö kwo̧'wo̧ kwöwana̧laduwakwedöja, isabenö Dios jö̧a̧linadanö ja̧akwo̧ jö̧ba̧lö.

Romanos 10:2

Jweinö yötawaduwakwö chömöledö, isabenö isakwadö Israel jojodöma Dios ösödinö ja̧tjo jö̧ba̧lö. Jo̧kwaijayonö, Dios ösödi̧danö ja̧tjotö jö̧ba̧lö tjisakwijayonö, wajwibö isakwadö chömöledö.

Lucas 8:13

Ja̧danö inakoena meaja̧ ödebiyama baikwö badekwachobe, Dios iwene tja̧ja̧kwenama, tjo̧'wo̧ ösöwachibanö tja̧ja̧kwobe, otiwa jawa wene jö̧ba̧lö. Jo̧kwaijayonö, bö'dia jwibadödanö tjichejekwobe, tjomajade okwanö söibokobetjö̧, ja̧danö lekwema ösödöködö. Usula tjemawenama, juluwanö kabatibadö, tjösödi̧ la'aka jawa jwiobetjö̧.

Gálatas 4:14

Jau chömöledö, ökwödöma chö'wöchinama kwedinaduwobe, chiteba'o chö'wöchobetjö̧, sulabenö chichejekwijatö, ¿jö̧tö? Jo̧kwajabetjö̧ chiteba'otjö sulabo̧danö chichejekwobetjö̧, ötjönö kwedaduwoböma waiyijatö, ¿jö̧tö? Jo̧kwaijayonö Aaa, sulabo̧ jö̧ba̧löma kwöpöjödaduwijökötö ötjönöma chömöledö, ja̧danö öpöjödökönö, Dios weökwe ángelnö kwösödaduwo jö̧ka̧laduwi̧danö, ja̧danö Cristo Jesúsnö kwösödaduwo jö̧ka̧laduwi̧danö kwösödaduwijatö ötjönöma chömöledö.

Gálatas 4:16

¿Babeja? ¿Kwöpöjojoduwi batibinaji̧? Isabenö wene ökwödönö yötawobetjö̧, ¿kwöpöjojoduwi batibinaji̧?