Filipenses 4:9 - Dios Iwene

⁹ Ökwödöma chöba̧ja̧dina jawa kwöwaisachibinaduwobe chömöledö, yötawina jawabi kwa̧ja̧kwinaduwobe, ja̧danö chi̧sebina jawabi kwedinaduwobe, ¿jö̧tö? Jejenö yötawinadanö, ja̧danö chi̧sebinadanö ja̧bö kwö̧jaduwo chömöledö. Ja̧danö, tjo̧'wo̧ ösöwachibanö pjabato̧ Diosma ökwödökwö ö̧jakobe chömöledö.

Filipenses 4:9 Referans Kwoze

Santiago 1:22

Ja̧danö chö̧ja̧wo̧dö, Dios iwene kwa̧ja̧kwaduwaja̧ ikena ¿dakwö ja̧köbaduwakwa̧da? Kwomukwataduwena, Dios iwene da̧ja̧kwobetjö̧ tjo̧wi̧ otiwa. Ja̧ da̧ja̧kwi̧ di̧sekwobö, ja̧danö Dios weina ja̧doböma jwiobe. Chö̧ja̧wo̧dö yötawaduwakwö. Dios iwene kwa̧ja̧kwaduwijayonö iwenetjö weina ja̧bö kwö̧jaduwökötjö̧ma mikwawokobe. Ja̧danö, kwomukwataduwitjö̧ma, A̧ja̧kwöda da̧ja̧kwobö otiwa. Dö̧ji̧ di̧sekwoböma jwia, jö̧ba̧lö, ökwödöda omöna yöba̧lö jelobekwö omukwatö ökikwaduwena. Chö̧ja̧wo̧dö, böjȩnö ja̧nö Dios iwenetjö yöawakwawa, iteda wei̧ma a̧ja̧kwö dö̧jobö jo̧be.

Filipenses 3:17

Chömöledö, ökwödöma okobe deinö ötjö ja̧bö chö̧ji̧danö ja̧bö kwö̧jaduwo. Ja̧danö, ötjö ja̧bö chö̧ji̧danö ja̧badönöbi kwedaduwo, ökwödöbi jobadö ja̧tji̧danö ja̧bö kwö̧jaduwo jö̧ba̧lö.

2 Pedro 1:10

Jau chömöledö, ajayitjö o̧penönö jwaikwöda isakwö kwö̧jaduwo, yötawaja̧danö otiwanö ja̧bö kwöjaduwobö, Dios ömöledö kwö̧jaduwi̧ öwaetjöda kwi̧sebaduwakobetjö̧. Jau chömöledö, Diosma ökwödönö jwöinobe, ja̧danö ökwödönö omudawö ujuninobe, ¿jö̧tö? Ja̧danö yötawaja̧danö otiwanö ja̧bö kwö̧jaduwitjö̧ma, Dios ömöledö kwö̧jaduwi̧ öwaetjöda kwi̧sebaduwena. Jau chömöledö, jejenö ja̧bö kwö̧jaduwitjö̧ma, Jesúsnö ösödö kwö̧jaduwi̧ma la'akatjöda waekwökakobe.

Juan 13:17

Ina yöawinobe: —Ötjö, ökwödö kwuluwo̧duwima, kwömasapaduwibiya chidicha̧laja̧ma kwomukwataduwobö chidicha̧latö, Ökwödöbi jejenö pjakataduwobö jo̧be, jö̧ba̧lö. Babema kwöwaisaduwobe pjakataduwobö ji̧ma. Jo̧kwaobetjö̧ jejenö pjakataduwitjö̧ma kwo̧'wo̧duwi ösöwanö kwö̧jaduwena—yöawinobe Jesúsma—.

Filipenses 4:7

Jejenö akebaduwitjö̧ma, Diosma kwo̧'wo̧ luwo̧duwi ösöwachibanö pjaatakwo̧ chömöledö. Wanedö yötawa: Cristo Jesúskwö dötewanö kwö̧jaduwobetjö̧, Diosma kwomajadeduwibi, kwomukwataduwi̧bi tjöbeba̧lö ite'ada̧lakobe kwo̧'wo̧ tjo̧kekwaduwapji jö̧ba̧lö. Jejenö Dios iyi̧jaye tjo̧'wo̧ luwo̧ ösöwachibi̧ma jojodö wajwitjobe, dakwö jejenö tjo̧'wo̧ luwo̧ ösöwawö̧jö jö̧ba̧lö, Diostjöda ichobetjö̧.

Romanos 16:20

Jau chömöledö, do̧'wo̧ luwo̧nö wene jwiinö dö̧jobö pjabato̧ma Diosda, ja̧danö juluwanö söbebö loakobe döpöjojo Awetja ujuluma. Jejenö söbebö loenama, Awetjanö kwömasapaduwinö kwöja̧taduwobedanö ja̧kobe chömöledö, ökwödönö ujuluwokobetjö̧. Ja̧danö, Duluwo̧ Jesús kabatökönö mikwa jwiinö otiwa jawa iyö ökwödökwö ja̧nö pjaatobö ateba Diosnö chömöledö.

2 Corintios 13:11

Tjo̧wi̧ta chömöledö, böja kwialusöja katatakwa̧ abönö, baikwö bajaleapo bakwamu jawa yötawiba chömöledö. Kwo̧'wo̧ luwo̧ ösöwachibanö kwö̧jaduwo, ja̧danö sulabenö ja̧bö kwö̧jaduwi̧ jwekekwaduwo, ja̧danö bakwo̧nökwena kwujuluwachibaduwobö pjakatakwawaduwo, ja̧danö kwömöledö Jesúsnö ösödadökwö bakwainö omukwatö kwö̧jaduwo, ja̧danö wene jwiinö kwö̧jaduwo chömöledö. Jau chömöledö, jejenö ja̧bö kwö̧jaduwo, ja̧danö jejenö ja̧bö kwö̧jaduwiökwe isabenö Diosma ökwödökwö ö̧jakwo̧. Jau chömöledö, Diosda dömöledönö ösödabikwawö dö̧jobö pjabato̧ma, ja̧danö dömöledökwö wene jwiinö dö̧jobö pjabato̧ma chömöledö, ja̧danö jo̧bama ökwödökwö ö̧jakwo̧.

Lucas 6:46

Tupakwö yöawinobe Jesúsma: —Chömöledö, ökwödöma ötjönö duluwo̧ jö̧ba̧lö öbabidöja ötjönö, ¿jö̧tö? Ja̧danö, jejenö duluwo̧ jö̧ba̧lö ötjönö ökabiduwitjö̧ma, ¿tajawedö yötawi̧danö ja̧bö kwö̧jaduwokobeda? Isabenö yötawi̧danö ja̧bö kwö̧jaduwobö jo̧be.

Mateo 28:20

Ja̧danö, jobadö 'yabayedö chöba̧ja̧di̧ waisachadönö ba̧ja̧daduwi, okobe jwiinö ökwödönö wetinama, jobadöbi ja̧bö tjö̧jakobetjö̧. Ja̧danö chömöledö, isabenö ökwödökwö chö̧jakwo̧sa, böjȩ 'dö̧ibenanö kabatö— jö̧ba̧lö weinobe Jesúsma.

Mateo 7:21

Tupakwö yöawinobe Jesúsma: —Chömöledö, ju'wedöma ötjönö Duluwo̧ jö̧ba̧lö ötjabijayonö, chömöayedöböködö, ja̧danö ötjönö Duluwo̧ jö̧ba̧lö ötjabijayonö, mölejȩbe jo̧ Dios la'aka luwo̧ ö̧jakwa̧ tetjachökakwedö. Jau chömöledö, sule mölejȩbe jo̧ Chabe'do ösödi̧danö ja̧badöda jobe tetjachakwedö.

2 Tesalonicenses 3:4

Ja̧danö, Duluwo̧nö do̧'wo̧ döwana̧lobe, isabenö ökwödö Tesalónicanö ju̧kwadönö pjabato̧ jö̧ba̧lö, wedina jawa ja̧bö kwö̧jaduwobö. Ja̧danö, tupakwöbi jejenö pjaatakwo̧ jö̧ba̧lö Duluwo̧nö do̧'wo̧ döwana̧lobe chömöledö.

1 Tesalonicenses 1:6

Ja̧danö, ökwödö ja̧bö di̧sebi̧danö ja̧bö, ökwödödanö ichejekwadö bakibinaduwobe chömöledö, ja̧danö Duluwo̧danö ichejekwadö bakibinaduwobe. Jau chömöledö, usula kwemawaduwijayonö, Dios O̧'wo̧ Luwo̧ pjaatawö̧, kwo̧'wo̧ luwo̧duwi ösöwachibanö kwösödinaduwobe otiwa jawa wenema.

1 Tesalonicenses 5:23

Chömöledö, do̧'wo̧ luwo̧nö wene jwiinö dö̧jobö pjabato̧ Diosnö ateba, kwiteba'oduwitjöbi, kwomajadeduwitjöbi, kwo̧'wo̧ luwo̧duwitjöbi bakwainö sulabe jwibadö bakibaduwanö ja̧o jö̧ba̧lö. Ja̧danö, jejenö ja̧obetjö̧, Duluwo̧ Jesucristo ichakwa̧ möle badekwachenama, ja'yubebi wene jwiinö kwö̧jaduwakwedöja.

Romanos 15:33

Chömöledö, Diosda pjabato̧, do̧'wo̧ luwo̧nö wene jwiinö dö̧joböma, ja̧danö jo̧banö ateba ökwödönö pjaatobö chömöledö, biya̧da atebanö chömöledö, tjo̧wi̧ta.

Juan 2:5

Jejenö jö̧a̧lijayonö Jesús ojo'doma wejinobe jobe otidadönö: —Chitji̧ wei̧ma okobe jwiinö kwa̧ja̧kwaduwo— wejinobe.

Lucas 8:21

Jejenö yöa̧liökwe, Jesúsma atadinobe: —Baikwö yötawaduwakwö ötjö isabenö yöne chömöledönöma chömöledö: Dios iwene a̧ja̧kwö, laebi̧danö ja̧bö ju̧kwadöma yöne chömöledö tjö̧jobe. Jau chömöledö, Dios iwene a̧ja̧kwö ja̧badöda chojo'dobi chö̧ja̧wo̧döbi tjö̧jobe— jö̧ba̧lö atadinobe Jesúsma.

1 Tesalonicenses 2:14

Chömöledö, ökwödöma Dios ömöledö Judea nijinö ju̧kwadö Cristo Jesúsnö ösödadödanö ichejekwadöja, jobadödanö ökwödöbi kwiteboduwi jojodötjö usula kwemawinaduwobetjö̧. Jau chömöledö, ökwödö kwiteboduwi jojodötjö usula kwemawaduwi̧danö, jobadö judío jojodötjö Cristo Jesúsnö ösödadöma tjitebo ju̧kwadö judío jojodötjö usula tjemawinobe, ¿jö̧tö?

1 Corintios 10:31

Jau chömöledö, baikwö yötawa kwomukwataduwo jö̧ka̧laduwi̧ma: Kwukwaduwi̧bi, kwowaduwi̧bi okobe jwiinö ju'wi jaye ja̧köbaduwi̧bi, okobe deinö otiwanö Diosnö tjomukwato jö̧ba̧lö kwisakwaduwo chömöledö.

Deuteronomio 5:1

Ja̧danö, jobe Jordan ojwetjö jawo̧ ichobekwöchobe ja̧nö, Moisesma okobe deinö israel jojodönö o̧ko̧kodinobe, ja̧danö ko̧ko̧dajo̧, jobadönö yöawinobe: —Chömöledö israel jojodö, otiwanö kwa̧ja̧kwaduwo, Dios ökwödönö wei̧, ja̧bö kwö̧jaduwobö wei̧ma, babe ökwödönö chö̧ba̧jadonö. Ja̧ wei̧ma otiwanö kwöwaisachaduwo, ja̧danö waisachibajadö, jwaikwöda otiwanö wei̧danö a̧ja̧kwö kwö̧jaduwo.

Hechos 9:6

Ja̧danö, a̧laibö 'ya̧wi Damascobe. Jobe jo̧ma yöawakobe ja̧köbakwa̧ma— yöbawijetö Jesúsma Saulonöma.

Isaías 41:10

Yekabiduwoko ökwödö israel jojodö, ötjöda ökwödökwö jo̧chobetjö̧, ja̧danö kwo̧'wo tjo̧bekwö kwö̧jaduwoko, ötjöda kwösödaduwökwe Dioschobetjö̧. Jau, ötjöda kwujuluwaduwachibanö pjatatakwo̧sa, meköbaduwapji jö̧ba̧lö, ötjöda chömamu juluwamu chöwaisobekwöchobesamunö do̧balö pjatatakwo̧sa.

2 Timoteo 4:22

Duluwo̧nö ateba, ökwökwö ja̧nö kwo̧'wo̧ luwo̧nö pjaatobö. Duluwo̧ ökwönöbi, ökwökwö ju̧kwadönöbi lȩlö̧jinö edobö chösöda. Biya̧data.

1 Corintios 14:33

Jau chömöledö, aliyadakwawö ja̧doböma ösödö̧kö̧ Diosma, dösölö̧jinö wene jwiinö ja̧bö dö̧jobö ösödo̧. Ja̧danö, okobe deinö ko̧ko̧kwö tjö̧baji̧tenia Jesúsnö ösödadö ja̧tji̧danö,

Juan 15:14

Ina yöawinobe: —Ja̧danö, ökwödöma ötjö weti̧ ja̧bö kwö̧jaduwitjö̧ma ökwödönö ötabiwö̧ja, Chömöledöja, jö̧ba̧lö.

1 Juan 3:22

Ja̧danö chö̧ja̧wo̧dö, Dios wei̧ a̧ja̧kwö, jo̧ba ösödi̧danö ja̧bö dö̧jobetjö̧, jo̧banö adebena ökwödönö iyobe.

Mateo 1:23

Yötawaduwakwö, ina iso̧nö ja̧bökujuma, metu'wo jö̧jakobe, ja̧danö jitji̧nö jemakobe, ja̧danö jo̧banö Emanuel jö̧ba̧lö ötjabikobe, Diosma ökwödökwö jo̧, jö̧ba̧lö laebobe Dios iwene.

Isaías 8:10

Jau, waisanö ölakwabikwawö kwö̧jaduwakwa̧ omukwatö kwujunaduwakwedöja, –Baikwö baikwö ölakwabikwawö dujuluwakwedösa, –jö̧balö. Jo̧kwaijayonö, waekwakobe, omukwatö kwujunaduwaja̧ma badekwachökakobe, Diosma ökwödö Juda jojodökwö ja̧nö pjaatobetjö̧, jö̧ba̧lö yöta̧la döpöjojodönö.

1 Corintios 4:16

Ja̧danö, kwabe'dodanö chichejekwobetjö̧ wetaduwakwö, ötjö ja̧bö chö̧ji̧danö ökwödöbi ja̧bö kwö̧jaduwo jö̧ba̧lö.