Filipenses 4:12 - Dios Iwene

¹² Jau chömöledö, jwibö ja̧kwawabi, nöinö juna̧lö ja̧kwawabi chöwaisa, ja̧danö ida̧ökö chöwaisachibinobe, chomeawitjö̧bi, a̧wi̧chi̧ tötitjö̧bi cho̧'wo̧ ösöwanö chö̧jo jö̧ba̧lö, ja̧danö nöinö juna̧lo̧ chö̧jitjö̧bi, jwibo̧ chö̧jitjö̧bi cho̧'wo̧ ösöwanö chö̧jo jö̧ba̧lö chöwaisachibinobe chömöledö.

Filipenses 4:12 Referans Kwoze

Mateo 11:29

Jau chömöledö, ötjö weti̧ ja̧badö bakibaduwo, ja̧danö ötjö chöba̧ja̧di̧ kwöwaisachaduwo chömöledö, ötjöma isabenö dösölö̧jinö ja̧bo̧chobetjö̧. Jau chömöledö, isabenö ökwödönö pjatatocha. Wanedö yötawa: Kwo̧'wo̧ luwo̧duwitjö kwö̧'wachaduwobö pjatatocha,

2 Corintios 11:27

Ja̧danö, nöinö usula emawö otidiachijatö, ja̧danö nöinö yö̧te abökönö ji̧achijatö, ja̧danö a̧wi̧chi̧tjöbi ojwiyotjöbi, o̧ti̧ tjöbö ji̧achijatö, ja̧danö nöinö kwakwawabi jwibö ji̧achijatö, ja̧danö chejubi jwibö, kamijido̧ otiwado̧bi jwibö, tiyuwobe ji̧achijatö chömöledö.

2 Corintios 11:9

Jau chömöledö, ökwödönö yöbawö chö̧jayi, Jesúsnö ösödadö Macedonia nijitjö ichajadöma ötjönö pjabatö tjichinobe, jo̧kwajabetjö̧ jwiti̧ jawama jobadöda tjiyinobe, ökwödö Corintio jojodötjö chemapji jö̧ba̧lö. Jau chömöledö, jejenö pjatjatinobetjö̧, ökwödökwö chö̧jayi la'akatjöda ja'yubebi ökwödötjö ateba̧lijökötö chömöledö, ja̧danö ju'wibi yötawaduwakwö, la'akatjöda ökwödötjö ateba̧lökakwo̧sa chömöledö.

Deuteronomio 32:10

Ja̧danö, israel jojodöma, jojodö deobe inesö labobe tjö̧jenama, ökwödönö tjöbeba̧lö iteada̧linobe, bakwo̧ iteda öbajale iteada̧li̧danö, otiwanö tjöbeba̧lö iteada̧linobe.

Isaías 8:11

Chömöledö, Isabenö Jo̧ma iteda ujulunö labinö weinobe ötjönö, bidö Juda jojodö sulabenö jabö tjö̧ji̧danö ötjö Isaiasbi sulabenö ja̧bö chö̧japji jö̧ba̧lö, baikwö:

2 Corintios 11:7

Ökwödönö Dios jawa otiwa jawa wene yötawenama, balada abeba̧lökönö mikwa jwiinö yötawijatö, ¿jö̧tö? Jau chömöledö, ötjöda labinö chotidijatö, mikwa jwiinö ökwödönö yötawobö, ja̧danö jejenö mikwa jwiinö yötawinama, baikwö wanedö yötawa: Ötjöda jo̧kwadabo̧danö babibö, ökwödönö mikwawadö bakibaduwanö kabebö chujuninobedanö ichejekwa, ¿jö̧tö? ¿Dakwö kwomukwataduwa chömöledö? jejenö jo̧kwadabo̧danö chotidinobema, ¿sulabenö ja̧tinaji̧? Ja̧maökö chömöledö.

2 Corintios 10:10

Jau chömöledö, ju'wedöma baikwö yöba̧ladö: Aaa, Pabloma sule yebeabinöda yebeabo̧. Jelobetjö kwialusöja iwȩyudenama, juluwo̧danö labinö lȩbebö iwȩyudijayonö, ökwödökwö ö̧jenama, juluwö̧kö̧, ja̧danö yöawi̧ma mikwawökö, ujulu jwibo̧ jö̧ba̧lö.

2 Corintios 10:1

Chömöledö, Cristoma lȩlö̧jinö ja̧danö dösölö̧jinö ja̧bö jo̧, ¿jö̧tö? Ja̧danö, ötjö Pabloma jo̧ba Cristo iminö dösölö̧jinö abebö wetaduwakwö, ökwödönö wȩyudö yötawi̧ kwa̧ja̧kwaduwobö, kwiteboduwibe chichibena ökwödönö lȩtebapji jö̧ba̧lö. Jau chömöledö, ju'wedö ötjönö yötja̧lena, Aaa, Pablo ökwödökwö ö̧jenama, labinöma yöba̧lö̧kö̧, sule jelobetjö iwȩyudenada labinö yöbawö wȩyudo̧ Pabloma, jo̧kwajabetjö̧ ichakwa̧ yedabökö jö̧ba̧lö yötja̧lena.

Mateo 13:52

Tupakwö yöawinobe Jesúsma: —Chömöledö, Moisés iwȩyudina jawa ba̧ja̧dadötjö mölejȩbe jo̧ yöbawö weena jawabi waisachibajadöma, isabenö otiwanö tjöba̧ja̧dakwedö, damötjö tjiwȩyudina jawa nöinö mikwawi̧ jawakwö, 'yayi̧ jawa tja̧ja̧kwaja̧ jawakwö otiwanö tjöba̧ja̧dobetjö̧— jö̧ba̧lö.