Filipenses 3:1 - Dios Iwene

¹ Chömöledö, böja kwialusöja wȩyudö katatakwa̧ abönö, baikwö yötawaduwakwö: Duluwo̧kwö dötewanö ja̧nö, kwo̧'wo̧duwi ösöwachibanö kwö̧jaduwo. Jejenö ba̧kwȩlö̧jatebö wȩyudajichobe chömöledö, ja̧danö jejenö wȩyukwama chöpöjödachibokobe chömöledö, isabenö ökwödönö pjaati̧ jö̧ba̧lö.

Filipenses 3:1 Referans Kwoze

Filipenses 4:4

Chömöledö, Duluwo̧nö omukwatö, kwo̧'wo̧ ösöwanö kwö̧jaduwo. Yötawaja̧danö yemidanö inesö mikwawi̧ jawa yötawaduwakwö, ba̧kwȩlö̧jatebö kwo̧'wo̧ ösöwanö kwö̧jaduwo jö̧ba̧lö.

Romanos 5:11

Ja̧danö, ju'wibi chömöledö, babema jwiinö do̧'wo̧ ösöwanö dö̧jobe, Babema Dios ömöledösa jö̧ba̧lö. Jau chömöledö, ja̧ Dios ömöledö dö̧ji̧ma, Dios ja̧inada chömöledö, Duluwo̧ Jesucristoda midawö woinobetjö̧.

Santiago 1:2

Chö̧ja̧wo̧dö yötawaduwakwö. Böjȩnö dö̧jenama nöinö sulabe wene baledobe okobe deinö ökwödönöma. Usula demawinö, ja̧danö, inia tjödinö, yelösöda ju'wi jawabi sulabe wene baledobe chö̧ja̧wo̧dö. Ja̧danö chö̧ja̧wo̧dö, wene ökwödönö baledena ¿dakwö dö̧jobö jo̧beda? Sulabe baledena ¿do̧'wo̧ tjo̧bekwö dö̧jobö jo̧beji̧? Do̧'wo̧ tjo̧bekwökönö dö̧jaduwo chö̧ja̧wo̧dö. Baikwö domukwatobö jo̧be: Sulabenö baledijayonö do̧'wo̧ ösöwanö dö̧jobö jo̧be, jö̧ba̧lö. Jau chö̧ja̧wo̧dö. Ökwödönö wene baledijayonö do̧'wo̧ ösöwanö dö̧jaduwo. Ja̧danö chö̧ja̧wo̧dö, wene ökwödönö baledena baikwö kwomukwataduwo. Diosma ökwödönö wene baledi̧ma webo̧, söbebö lobökönö. Ja̧danö ¿tajawedö söbebö lookobeda ökwödönö wene baledi̧ma? Biya̧ chö̧ja̧wo̧dö: Ökwödönö wene baledena Diosma, Ötjönö tjo̧'wo̧ wana̧lö, jwaikwöda tji̧'yojobö chedo, jö̧ba̧lö, edobe. Chö̧ja̧wo̧dö, wene ökwödönö baledijayonö do̧'wo̧ ösöwanö dö̧jobö jo̧be. Ja̧danö kwo̧'wo̧duwi ösöwanö, Diosnö kwo̧'wo̧duwi wana̧lö kwö̧jaduwobetjö̧, wene baledijayonö, kwo̧'wo̧duwi 'dibachibö jwaikwöda kwi̧'yadaduwakwedöja.

1 Pedro 4:13

Jau chömöledö, kwo̧'wo̧ tjo̧bekwökönö, kwo̧'wo̧ luwo̧ ösöwachibanö kwö̧jaduwobö jo̧be, Cristokwö bakobe usula emawadösa, jö̧ba̧lö. Jau chömöledö, jo̧bakwö bakobe usula emawadöja babema, tupakwö iteda ujulu öwawachibenama, kwo̧'wo̧ ösöwaduwachibanö kwö̧jaduwakobetjö̧.

1 Tesalonicenses 5:16

Ba̧kwȩlö̧jatebö kwo̧'wo̧ luwo̧duwi ösöwanö kwö̧jaduwo,

Filipenses 4:8

Bajaleapo yötawi̧ma baikwö yötawaduwakwö, otiwi̧ jawada, jojodö biya̧ma otiwa jö̧ba̧lö tjomukwato jö̧tja̧li̧ jawada kwomukwataduwo jö̧ba̧lö. Jau chömöledö, isabenö ji̧ jawada, ja̧danö otiwanö tjomukwati̧ jawada, ja̧danö jwei̧ jawada, ja̧danö bakwainö wene jwii̧ jawada, ja̧danö tjo̧'wo̧ ösöwi̧ jawada, ja̧danö jojodö tja̧ja̧kwobö otiwi̧ jawada omukwatö kwö̧jaduwo.

1 Pedro 3:8

Ja̧danö, bajaleapo okobe deinö ökwödönö baikwö yötawa chömöledö: Bakwainö omukwatö, lȩlö̧jinö kwomukwatakwawaduwo. Jau chömöledö, kwömöledöduwinö ösödabikwawö kwö̧jaduwo, ja̧danö, Aaa, otiwo̧sa, jö̧ba̧lö omukwatökönö, dösölö̧jinö ja̧bö kwö̧jaduwo kwömöledöduwinö.

2 Corintios 13:11

Tjo̧wi̧ta chömöledö, böja kwialusöja katatakwa̧ abönö, baikwö bajaleapo bakwamu jawa yötawiba chömöledö. Kwo̧'wo̧ luwo̧ ösöwachibanö kwö̧jaduwo, ja̧danö sulabenö ja̧bö kwö̧jaduwi̧ jwekekwaduwo, ja̧danö bakwo̧nökwena kwujuluwachibaduwobö pjakatakwawaduwo, ja̧danö kwömöledö Jesúsnö ösödadökwö bakwainö omukwatö kwö̧jaduwo, ja̧danö wene jwiinö kwö̧jaduwo chömöledö. Jau chömöledö, jejenö ja̧bö kwö̧jaduwo, ja̧danö jejenö ja̧bö kwö̧jaduwiökwe isabenö Diosma ökwödökwö ö̧jakwo̧. Jau chömöledö, Diosda dömöledönö ösödabikwawö dö̧jobö pjabato̧ma, ja̧danö dömöledökwö wene jwiinö dö̧jobö pjabato̧ma chömöledö, ja̧danö jo̧bama ökwödökwö ö̧jakwo̧.

2 Pedro 3:1

Chösödawö̧ chömöledö, belö ökwödönö kwialusöja chiwȩyudijatö, ja̧danö babe yemidanö ökwödönö chiwȩyudobe. Ja̧danö ajayisöjabi, böja ikenasöjabi, damötjö baledina jawa kwomukwataduwobö yötawa, bakwainö otiwanö kwomukwataduwobö chömöledö.

Efesios 6:10

Babema bajaleapo yöbawö chiwȩyuda, chömöledö. Duluwo̧ma jwiinö juluwo̧ ¿jö̧tö? Ja̧danö, iteda ujulunö pjaatobetjö̧ kwo̧'wo̧ luwo̧duwinö jemi tupakwö juluwachibanö kwi̧'yaduwo.

Lucas 1:47

ja̧danö cho̧'wo̧ luwo̧ma chö̧jibinö pjabato̧ Diosnö omukwatö o̧'wo̧ ösöwachibanö ö̧jobe,

Diosnö ösödo̧ Job mikwo̧ usula emawina jawa 22:26

Jejenö ja̧köbitjö̧ma, kwo̧'wo ösöwanö Okobe Jwiinö Juluwo̧nö ösödö kwö̧jakwo̧ja, ja̧danö tabakwökönö Dios ö̧jobe mölȩjȩbe edö,

1 Crónicas 29:22

Ja̧danö, ja̧ möle Isabenö Jo̧ öba a'o ba'ali junö, tjo̧'wo ösöwachibanö kwanöbi, owöbi ba'ali tjujuninobe. Jemi ikenama, yemidanö David itji̧ Salomonnö tji̧sȩbinobe, —Isabenö bite Salomonda israel la'aka luwo̧ yabayo̧ ö̧jakwo̧, —jö̧ba̧lö. Jobe Isabenö Jo̧ öba a'otjö, o̧te totjebinobe Salomon uunö, —Biteda la'aka luwo̧ baibanö dujunökwe, —jö̧ba̧lö. Ja̧danö ju'wibi Sadoc mikwo̧ uunöbi o̧te totjebinobe, —Bite Sadocda inesö Diostjö jojodötjö ö'weje pjabato̧, —jö̧ba̧lö.

Isaías 61:10

Jwiinö cho̧'wo ösöwachibanö chösödobe Isabenö Jo̧nö, —Chösödökwe Diosma otiwanö pjabato̧, —jö̧ba̧lö. Jau, baikwö wanedö yöta̧la, ji̧ikwa jawa kamisinö 'duatajabe ötjönö, ja̧danö otiwanö ja̧bö ja̧kwawa jawa wamesa̧do̧nöbi 'duatajabe. Jobekwö 'duatajökwe, ö'weje pjabato̧bi, ilekwonö emakwo̧bi jwiinö otiwaka butjawaka tjubutjawi̧danö, ja̧danö jilekwenö jemakwuju sasiyu jöni̧danö, otiwanö 'dubawö jo̧sa, chösödökwe Diosma otiwanö pjaatobetjö̧.

Isaías 41:16

Jau, trigo chabö lotji̧danö ja̧köbaduwakwedöja kwöpöjojodöduwinö, ja̧danö jwa̧le'epjo sula'wo e'ewö loi̧danö, jelobekwö e'ewö loakwawö̧ kwöpöjojodöduwinö. Ja̧danö, jobekwö kwujuluwaduwobö pjatatiawö̧, kwo̧'woduwi ösöwachibanö ötjö Isabenö Jo̧nö kwösödaduwakwedöja, ötjö Israel jojodö tjösödökwe Suli̧ Jwibo̧ Diosnö ösödö yöka̧laduwakwedöja, —Dösödökwe Diosma isabenö juluwo̧, —jö̧ba̧lö.

1 Crónicas 16:10

Isabenö Jo̧ ömöledö dö̧jobetjö̧, do̧'wo ösöwachibanö yöda̧laduwo, —Otiwanö Isabenö Jo̧ ömöledösa, —jö̧ba̧lö. Okobe deinö Isabenö Jo̧nö isakwö ösödadöma, do̧'wo ösöwachibanö dö̧jaduwo.

1 Crónicas 15:28

Ja̧danö okobe deinö israel jojodö Isabenö Jo̧ iteapjo wei̧ wȩyukwaba döbölataja a̧ja̧pjo kwetjatonö, tjo̧'wo ösöwachibanö jwötjeba̧li̧ ökwöinobe, ja̧danö trompeta jawabi, ju'wi pjuawa jawabi, cimbalos jawabi, arpa jawabi, lira jawabi, labinö lo̧awa jawa ökwöinö tjo̧'wo ösöwachibanö tjichejebinobe Jerusalen comunidadbe.

1 Samuel 2:1

Jejenö jitji̧nö Dios ömöayo̧ baibanö iyaju, Anama Diosnö ösödö yöja̧linobe baikwö: —Isabenö Jo̧nö omukwatö chomajadenö cho̧'wo ösöwachibobe, Isabenö Jo̧ma isabenö chujuluwachibanö pjaatajabe. Isabenö Jo̧ Chuluwo̧, chö̧jibinö pjakatobetjö̧ chöpöjojodönö otobe, juluwöködö jö̧ba̧lö.

Deuteronomio 16:11

Ja̧danö, kwuluwo̧duwi Isabenö Jo̧ Dios öba a'obe ichibajadö, jo̧ba öba a'otjö kwo̧'wo ösöwanö ba'ali kwujunaduwo, kwi̧tji̧muduwikwöbi, kwömöayedöduwikwöbi, kwitebo comunidadnö ju̧kwadö Levisaso jojodöbi, jeleobetjö ichajadö ökwödökwö ju̧kwadöbi, löyödöbi, tjilekwamu wobekwinadöbi. Okobe deinö kwuluwo̧duwi Isabenö Jo̧ Dios iteda eju comunidad baibanö omudawö ujunakwemibe ichibö, jejenö ba'ali junö kwo̧'woduwi ösöwanö Diosnö kwösödaduwobö ja̧kobe.

Deuteronomio 12:18

Ja̧ jaye kwuluwo̧duwi Isabenö Jo̧ Dios omudawö ujunakwa̧ comunidadtjöda kwukwaduwobö ja̧kobe, kwuluwo̧duwi Isabenö Jo̧ Dios öba a'otjö. Jau chömöledö, Diosnö ösödö, jo̧ba öba a'o kwo̧'woduwi ösöwachibanö kwukwaduwobö ja̧kobe chömöledö, –Okobe jwiinö dotidi̧tenia otiwanö pjabato̧ Diosma, –jö̧ba̧lö, ökwödöbi, kwi̧tji̧muduwibi, kwömöayedöduwibi, kwitebo comunidadnö ju̧kwadö Levisaso jojodöbi.

1 Tesalonicenses 4:1

Chömöledö, belö ökwödönö yödawijatö, Dios ösödi̧danö ja̧kwawama, baikwö ja̧bö kwö̧jaduwo jö̧ba̧lö, ¿jö̧tö? Ja̧danö babema Duluwo̧ Jesús iminö budekwödanö wedaduwakwö, yödawinadanö ja̧bö kwö̧jaduwo jö̧ba̧lö. Isabenö jejenö ja̧bö ju̧kwadöja ida̧ökö chömöledö, jo̧kwaijayonö jemi tupakwöbi jejenö ja̧bö kwö̧jaduwo chömöledö.

Isaías 65:14

Ja̧danö chömöayedö tjo̧'wo ösöwachibanö jwötjeba̧lonö, ökwödöma kwo̧'woduwi tjo̧bekwö budekwö jwökeba̧laduwakwedöja, —Dakwö ja̧dakwajö, —jö̧ba̧lö.