Filipenses 2:26 - Dios Iwene

²⁶ Jo̧banö wetobö jö̧ta̧la chömöledö, nöinö ökwödönö edobö o̧'wo̧ tjo̧achobetjö̧. Jau chömöledö ökwödöma Epafrodito ö'wöchi̧ wene kwa̧ja̧kwinaduwobe, ja̧danö jejenö kwa̧ja̧kwaduwiökwe, Epafroditoma o̧'wo̧ tjo̧achobe, ja̧danö nöinö ökwödönö edobö ösödobe chömöledö, chömöledöma ötjönö tjo̧'wo̧ tjo̧achena jö̧ba̧lö.

Filipenses 2:26 Referans Kwoze

Filipenses 1:8

Jau chömöledö, isabenö ökwödönö chösödaduwakwö. Isabenö chösödi̧ edö waiso̧ma Diosda, Cristo Jesús ökwödönö ösödi̧danö chösödaduwakwö jö̧ba̧lö.

Efesios 3:13

Jo̧kwaobetjö̧ chömöledö, kwo̧'wo̧duwi tjo̧kekwaduwa ötjönöma, ka̧lena ba̧kwaweju okwa ba̧nö inia tjötinö baledi̧ma. Ökwödönö kwö̧jibaduwinö pjabato̧nö yötawinobetjö̧, inia tjötinö baledobe, chömöledö. Jau, inia tjötinö ötjönö baledijayonö, ji̧bakwawa wene yötawina kwa̧ja̧kwinaduwobetjö̧ jejenö baledobe. Chömöledö, kwo̧'wo̧duwi ösöwanö ju̧kwaduwi otiwanö kwa̧ja̧kwinaduwobetjö̧.

Romanos 12:15

Ja̧danö ju'wedö tjo̧'wo̧ ösöwanö tjö̧jenama, jobadökwö kwo̧'wo̧ ösöwanö ösödö kwö̧jaduwo, ja̧danö ju'wedö o̧'wo̧ tjo̧achö tjubudekwenama, jobadökwö kwubudekwaduwo.

Isaías 61:3

Jau, okobe deinö Jerusalen comunidadtjö budekwadönö, ökwölaso̧pja tjuunö tjöwanajelö, balekwaka o̧bubiyatjö otikwaka butjawaka tjubutjawobö chiyobö weökwesa, ja̧danö tjubudesobu ji̧nemi, balekwobu o̧'wo ösöwachibakwawa o̧te chiyobö weinökwesa, ja̧danö budekwadö 'dutjawa̧do̧ 'dutjawajemi, balekwa̧do̧ tjo̧'wo ösöwachibanö Diosnö ösödadö 'dutjawa̧do̧ chiyobö weinökwesa. Ja̧ möle 'diinö ja̧nö Dios wei̧ a̧ja̧kwö tjö̧jobetjö̧, —Isabenö Jo̧ wei̧ a̧ja̧kwi̧owi encina towibiya, —jö̧ba̧lö ötjabikwawö̧. Jobekwö 'diinö tjö̧jobö ujunakwo̧ Diosma, jobadönö edö, jo̧banö otiwanö omukwatö tjösödakobetjö̧.

Proverbios 12:25

Ja̧danö, ju'wibi yötawa: O̧'wo̧ tjo̧bekwö jo̧ma ime'dawachobe. Ja̧danö, o̧'wo̧ tjo̧bekwö ime'dawachijayonö ömöledöma pjabatö yötja̧lena jo̧banö o̧'wo̧ tjo̧bekwö ö̧jelö o̧'wo ösöwachibanö pjatjatobe.

Filipenses 4:1

Ökwödöma chösödawö̧ chö̧ja̧wo̧döja, ja̧danö ökwödönö chedowe jö̧ba̧lö chomukwatobe. Ökwödönö omukwatö, cho̧'wo̧ ösöwanö chö̧jobe, ja̧danö ökwödönö omukwatö, chömöledö otiwadö jö̧ba̧lö chösödaduwakwö chömöledö. Ja̧danö, yötawaja̧danö, mölejȩbe jojodösa ökwödöma chömöledö, jo̧kwajabetjö̧ Duluwo̧kwö dötewinö ja̧nö, pjolachibökönö jo̧bakwö kwö̧jaduwobö jo̧be.

Mateo 26:37

Ikenama, Pedronöbi, Zebedeo i̧tji̧mu Jacobonöbi, Juannöbi öbibö tupakwö i̧'yinobe. Ja̧danö, jobe ja̧nö, o̧'wo̧ tjo̧achö jwiinö o̧'wo̧ tjo̧achinobe Jesúsma,

Mateo 11:28

Tupakwö yöawinobe Jesúsma, jojodönö: —Okobe deinö ökwödö me'dawachibadö, nöinö ömöki̧ jawa kwe'ewaduwajabetjö̧ me'dawachibadöma, chö̧jobekwö ichaduwi, ja̧danö kwö̧'wachaduwobö ja̧takwo̧sa.

2 Samuel 13:39

Ja̧danö, ajayinö nöinö Amnonnö ubudekwinajayonö, lekwe möle baledajajabema David o̧'wo tjo̧achi̧ otiwachibinobe. Ja̧danö, Absalonnö edobö omukwatinobe Davidma, chitji̧ Absalonwe, jö̧ba̧lö.

1 Pedro 1:6

Ja̧ wene omukwatö, kwo̧'wo̧ luwo̧ ösöwachibanö ja̧döja chömöledö, babe usula emawö kwö̧jaduwijayonö. Jau chömöledö, babema isabenö ja'yubenö lekwe usula emawö nöinö kwöbaledaduwena,

Filipenses 1:3

Chömöledö, ba̧kwȩlö̧jatebö ökwödönö chomukwatenama, Chuluwo̧ Diosnö ösödö atebobe, jwiinö otiwa jö̧ba̧lö.

Gálatas 6:2

Ja̧danö, wanedö yötawa: Kwömöledöduwi tjo̧'wo̧ luwo̧nö ömöki̧ tje'ewi̧ma, pjabatö kwe'ewaduwo chömöledö, bidönötjö o̧penönö jo̧sa ötjöma, bidönö pjatatökö jö̧ba̧löma omukwatökönö. Jau chömöledö, bakwo̧ jo̧kwadabo̧ma, Aaa, ju'wedönötjö o̧penönö jo̧sa jö̧ba̧lö omukwatitjö̧ma, jweinöma omukwatökena, isabenö jo̧kwadabo̧obetjö̧, ¿jö̧tö? Jo̧kwajabetjö̧, o̧penönö jo̧sa jö̧ba̧lö omukwatökönö, Cristo wei̧ ja̧bö kwömöledöduwinö pjabatö kwö̧jaduwo chömöledö.

2 Corintios 9:14

Ja̧danö, wanedö yötawa: Diosma ökwödönö su̧'bȩ baibanö welachajinö otiwanö ökwödönö iyobetjö̧, jobadöma ökwödönö ösödö, Diosnö atjebakobe ökwödönö chömöledö.

1 Corintios 12:26

Ja̧danö, diteba'o jawatjö bakwöta jawa usula emawitjö̧ma, okobe jwiinö diteba'oma usula emawobe chömöledö. Ja̧danö wanedö yötawa: Bakwöta jawa Aaa, ja̧ma otiwa jö̧ba̧lö tjomukwatenama, okobe jwiinö diteba'oma o̧'wo̧ ösöwanö ösödö jo̧be ichejekwa.

Romanos 1:11

Jau chömöledö, isabenö ökwödönö pjatatobö chösödobetjö̧, ökwödönö edö chichobö jö̧ta̧la. Ja̧danö, O̧'wo̧ Luwo̧ Dios pjaatakobetjö̧ ökwödönö Dios iwene yöbawö pjatatobö jö̧ta̧la, kwo̧'wo̧ luwo̧duwi ujuluwachibanö tupakwö kwa̧ja̧kwaduwobö.

Hechos 21:13

Jejenö lȩdeabijayonö Pabloma jö̧a̧lijatö: —Kwubudekwabiduwatjö chömöledö. Jejenö kwubudekwabiduwobema jwiinö cho̧'wo̧ tjo̧tekwobe. Ötjöma Duluwo̧ Jesús ja̧ina yötawobetjö̧ jobetjö Jerusalénbetjö ötjönö do̧tjatitjö̧ma wainö do̧tjatakwo̧sa. Jesús ja̧ina yötawobetjö̧ kwabö lotjitjö̧bi wainö kwabö lotjakwo̧sa. Jejenö ötjönö baleditjö̧ma ötjöma, Jau kwatjö̧ma, do̧tjatena, kwabö lotjena, jö̧ba̧lo̧sa— jö̧a̧lijatö Pabloma.

Diosnö ösödo̧ Job mikwo̧ usula emawina jawa 9:27

—Chuluwo̧ Dios, ötjöwe! Sulabenö ja̧tinököjayonö, usula emawo̧sa. Chomukwatena, –Aaa, usula chemawijayonö, Diosnö budekwö kabatibö, cho̧'wo ösöwanö chöjocha, –jö̧ba̧lö̧.

2 Samuel 24:17

Davidma kwabawö lobo̧ angelnö edinobe, ja̧danö edö Isabenö Jo̧nö aebinobe, —Isabenö Jo̧, ötjödasa sulabenö ja̧binama, ötjönöda lȩkebobö jo̧be. Jau chuluwo̧, chömöayedö israel jojodöma, sulabenö ja̧böködö obejadödanö ichejekwadö, jobadöma sulabenö ja̧tjinokobe. Ötjödasa sulabenö ja̧binama chuluwo̧, jo̧kwajabetjö̧ atebakwö, ötjönöda, ja̧danö yöne chömöledönöda lȩkebobö, ju'wedö israel jojodönö lȩbebökönö, —jö̧ba̧lö aebinobe Davidma.

Filipenses 2:25

Ja̧danö, Timoteonö wetakwa̧ abönö chöjawo̧ Epafroditonö wetobö jo̧be chömöledö, belö Romatjö kwiteboduwibe ȩwa̧jo jö̧ba̧lö. Jo̧ba Epafroditoma bakobe ötjökwö otidajabe chömöledö, ja̧danö ötjökwö bakobe otiwa jawa wene tjöbeba̧lö usula emawajabe. Jau chömöledö, ötjönö pjaato jö̧ba̧lö weköbinaduwökwema, ötjönö pjabatö ö̧jinobe.

Filipenses 2:27

Isabenö kwa̧ja̧kwinaduwadanö ö'wöchinobe chömöledö, ja̧danö ö'wö baibo jö̧a̧linobe, nöinö ö'wöchobetjö̧. Jo̧kwaijayonö Diosma jo̧banö lȩlö̧jinö edö pjaatinobe chömöledö, ja̧danö ötjönöbi lȩlö̧jinö edö Epafroditonö pjaatinobe chömöledö, ö'wö baibitjö̧ ajayinö cho̧'wo̧ tjo̧achi̧tjö bajalekwönönö cho̧'wo̧ tjo̧achapji jö̧ba̧lö.