Filipenses 2:10 - Dios Iwene

¹⁰ Ja̧danö jejenö inesö otiwi̧ imi imidinobetjö̧, Jesús imi a̧ja̧kwö okobe deinö mölejȩbe ju̧kwadöbi, böjȩnö ju̧kwadö ina 'yaba̧ladöbi, wobinadöbi

Filipenses 2:10 Referans Kwoze

Mateo 28:18

Ikenama Jesúsma jobadö tjö̧jobekwö ichö yöawinobe: —Mölejȩtjöbi, böjȩtjöbi okobe deinö la'aka tjuluwo̧ batibanö ja̧ajabe Diosma,

Hebreos 1:6

Ja̧danö chömöledö, ángelesdönö yötawaduwakwö. Ju'wi Dios yöawina laebobe iteda iwenetjö, Dios ángelesdönö yöawinama. Chömöledö Diosma ángelesdönö yöawinobe, Ángelesdöma ötjö Chitji̧ abönö pöenö tjösödakobe yemidanö böjȩkwö, balekwöjȩnö ichakwo̧nö, jö̧ba̧lö. Baikwö laebobe Dios iwenetjö: Chömöayedö ángelesdönö okobe deinö, Chitji̧ yemidanö ichakwo̧nö tjösödobö weta, Jwiinö inesö jo̧, jö̧ba̧lö. Jejenö laebobe Dios iwenetjö. Isabenö chömöledö, Diosma jejenö, Chömöayedö ángelesdönö okobe deinö Chitji̧nö tjösödobö weta, jö̧ba̧lö, yöawinobetjö̧ döwaisachibobö jo̧be, Dios Itji̧ma ángelesdönötjö o̧penönö inesö jo̧, jö̧ba̧lö.

Efesios 3:14

Jo̧kwaobetjö̧ Diosma ökwödönö jwiinö otiwanö pjaatinobetjö̧ chu̧yu̧ki̧junö bamatö chösödobe Dabe'do Diosnöma.

Apocalipsis 4:10

damö la'aka luwedöma, veinticuatronö jojodöma, inesö la'aka luwo̧ ö̧bemi badeibö tju̧yu̧ju̧ki̧junö bamatö, tjuu nijakwö bȩtjachibijatö, ba̧kwȩlö̧jatebö jo̧nö ösödö. Ja̧danö, jobadö veinticuatro damö la'aka luwedöma, bakwo̧nökwena tjuunö tjubutjawi̧ ökiya inesö la'aka luwo̧ ö̧bobekwö tjikwijatö, jo̧banö iyö. Iyö lo̧tjijatö:

Efesios 1:10

Ja̧danö, Diosma baikwö omukwatö webijetö Jesúsnöma. Ju'winö, okobe jwiinö ajayinö omukwatö chösödina badekwachena, Cristoma okobe jwiinö böjȩ jawabi, mölejȩ jawabi, mölejȩnö ju̧kwadöbi, böjȩnö ju̧kwadöbi tjuluwo̧ baibakwo̧. Jejenö omukwatö webijetö Diosma, Cristonöma.

Mateo 27:29

Ja̧danö, la'aka luwedö tjubutjawaka ichejekwakadanö sȩö'itjö butjawaka sȩaka bukwajadö, Jesús uunö tjöwaninobe. Ja̧danö la'aka luwo̧ orotjö otikwö̧'a do̧ali̧danö, ö̧sö̧'a Jesús ömamunö tjo̧pedinobe. Jejenö ja̧bajadö, Jesúsnö obö jo̧ba öba a'otjö bȩbachibö yötja̧linobe: —¡Bite judío jojodö la'aka tjuluwo̧nö dösödonö!— jö̧ba̧lö.

Efesios 4:9

Chömöledö, ja̧ iwȩyudina ¿dakwö jö̧ba̧lö iwȩyudinada? Biya̧ chömöledö. Mölejȩbe kaekwajakwo̧ma, abönöma böjȩ teebenö baledibijetö.

Romanos 11:4

Jejenö yöawiökwe, ¿dakwö atadinada Diosma chömöledö? Baikwö laebobe Dios Elíasnö atadinama: Ökwödamaökö Elías, ju'wedöbi tjuju̧kwobe chiwene yöbawadöma. Ötjöma ömadö siete milnö 'da̧batö chujunijatö, chömöayedönöma. Jobadöma jojodö tjösödökwe o̧'wo̧ jawa Baal mikwo̧nö, bȩbachibö ösödöködö, jö̧ba̧lö laebobe Dios Elíasnö atadinama.

Mateo 12:40

Jonás mikwo̧ma wa̧pötakwa mölebi wa̧pötakwa yö̧tebi baledibanö ba̧i̧so̧ nöbo̧ ukwa'wo okwa a̧jö öbaledinobe, ¿jö̧tö? Ja̧danö, ötjö jojo baibanö jeminökwebi wa̧pötakwa mölebi, wa̧pötakwa yö̧tebi baledibanö, nijinö tjo̧tjajökwe niji okwa ba̧nö chöbaledakwo̧sa— jö̧ba̧lö yöawinobe Jesúsma.

Génesis 41:43

Ikenama ka̧ba̧yu̧dö tötjaka koluka otiwaka iyijetö, iteda u̧kwa kolukiyatjö, iteda ökömanö kweachakwawaka. Ja̧danö José kolukanö ja̧nö i̧'yena faraón ömöayedötjö ju'wedöma jo̧ba abönö jwöbö 'yi̧jadötö, pjolachibö ja̧wi, la'aka luwo öbaleda, jö̧ba̧lö. Jejenö faraónma Josénö junijetö Egipto jojodö tjuluwo̧ baibanö.

Apocalipsis 5:3

Jejenö abebö a̧ja̧kwijayonö bakwo̧bi deijatö mölejȩnö ju̧kwadötjöbi, böjȩnö ju̧kwadötjöbi, böjȩ teebe ju̧kwadötjöbi, jwiinö mikwawo̧ma, jöja pöekwöja kabebö edo̧ma.