Filipenses 1:23 - Dios Iwene

²³ Dötölataja jawa chomukwatobetjö̧, chomukwati̧ biya̧ chömöledö, baikwö yötawa: Inesö chösödi̧ma ö'wö babibö, mölejȩbe Cristokwö chö̧jobö chömöledö, ja̧da inesö otiwi̧ma.

Filipenses 1:23 Referans Kwoze

2 Corintios 5:8

Ja̧danö, jejenö döwaisobetjö̧, do̧'wo̧ tjo̧ekwokobe, do̧'wo̧ ösöwanö dö̧jobe, isabenö Duluwo̧kwö dö̧jakwedösa jö̧ba̧lö. Jau chömöledö, inesö dösödi̧ma biya̧: Bi'otjö 'da̧bachibö ja̧nö, isabenö ditebobe mölejȩbe Duluwo̧kwö dö̧jo jö̧ba̧lö.

Apocalipsis 14:13

Ikenama iwene cha̧ja̧kwijatö mölejȩbetjö, baikwö: —Juan, biya̧ yötawi̧ wȩyudi. Babe möle, inia tjötji̧ baledi̧ möletjö tupakwö, Jesúsnö dötewinö ju̧kwadöma tjo̧'wo̧ ösöwanö tjö̧jakwedö— jejenö chiwȩyudobö wei̧ cha̧ja̧kwijatö. Ikenama Dios O̧'wo̧ Luwo̧ma jö̧a̧lijatö: —Jau, jweinö yöawa. Jobadöma, Jesúsnö dötewinö ju̧kwadöma tjo̧'wo̧ ösöwanö tjö̧jakwedö. Yelösöda, tjime'dawachibanö otidinadöma bajaliyanö tjö'wachibakwedö, otidökönö. Ja̧danö, jobadö mölejȩbenö ja̧nö böjȩnö otidiatjinama i̧sebakobe, Bidöma jweinö Jesúsnö o̧'wo̧ wa̧na̧lö 'yi̧nadö, jö̧ba̧lö— jö̧a̧lijatö Dios O̧'wo̧ Luwo̧ma.

Hechos 7:59

Tjikwawökwe Estebanma Uluwo̧nö jwöbijetö, Chuluwo̧ Jesús, cho̧'wo̧ luwo̧nö emi, jö̧ba̧lö.

Lucas 23:43

Yöa̧lökwe Jesúsma atadinobe: —Chömöledöso̧ isabenö yötawakwö, babe möleda Diosnö ösödadö otiwobe tjö̧jena, ökwöbi ötjökwö jobe kwö̧jakwo̧ja— jö̧ba̧lö.

2 Timoteo 4:6

Jau Timoteo, ajayinö otidö chö̧jinama, ökwöda otidö kwö̧jobö badekwachobe babema, ötjöma juluwanö debö chi̧'yakobetjö̧. Jau Timoteo, ida̧ökö ötjönö kwabö lotjakwa̧ jawa jamatö ja̧tjobe, ja̧danö ida̧ökö böjȩtjö latebobö baibajabe.

Juan 17:24

Ina aebinobe: —Chabe'do, bidö ökwö kwiyinawö̧ma, ökwö kwö̧jobe, ötjökwö tjö̧joböma jwiinö chösöda. Ja̧danö, jobetjöma ötjö chotiwi̧ tjedobö chösöda, ajayinö kwiyina chotiwi̧ma— aebinobe—. Ajayinö, böjȩ ina jwiayi ötjö chotiwi̧ kwiyijatö ötjönöma, ötjönö jwiinö ile nikebobetjö̧— aebinobe—.

Juan 12:26

Ja̧danö, ötjö chöba̧ja̧di̧ waisachadö tjö̧jo jö̧ba̧ladöma ötjökwö tjichobö jo̧be. Jejenö, ötjö chö̧jobema chöba̧ja̧di̧ waisachadöbi tjö̧jakwedö. Ja̧danö, Chabe'do Diosma ötjö chöba̧ja̧di̧ waisachadönö edö, Bidöma jwiinö mikwawadö, jö̧ba̧lö, omukwatakwawö̧— yöawinobe Jesúsma.

1 Tesalonicenses 4:17

Jemi ikenama ökwödö ina 'yaba̧ladöbi kadekwajachakobe, ja̧danö ja'ö ojwiyo'woelö jobadökwöbi, Duluwo̧kwöbi bakobe dediakwawakobe, ja̧danö jemi tupakwö ba̧kwȩlö̧jatebö Duluwo̧kwö dö̧jakwedösa.

Juan 14:3

Jau, kwuju̧kwaduwakwa̧ omudawö chujunobö chi̧'yakobe yemidanö bai ichö, ökwödönö öbibö chitebobe chȩwa̧jobö, ökwödöma ötjö chö̧jobe kwö̧jaduwobö ba̧kwȩlö̧jatebö.

1 Tesalonicenses 2:13

Ja̧danö, ju'wibi yötawaduwakwö chömöledö. Ökwödönö Dios iwene yödawenama, Aaa, jojodö yötjawi̧ jö̧ba̧löma kwöpöjödinaduwokobe, Dios iwene jö̧ba̧lö kwösödinaduwobe chömöledö. Ja̧danö, jejenö kwösödinaduwobetjö̧, Diosnö kabatökönö ösödö adebobe, otiwanö Tesalónicanö ju̧kwadönö pjabato̧ja jö̧ba̧lö. Jau chömöledö, yödawina wenema isabenö Dios iwene, ja̧danö ja̧ wenetjö Diosma ina ökwödö Jesúsnö ösödadönö kwöbalewachibaduwanö ja̧bo̧.

Juan 13:1

Ja̧danö, Dios mönö öbaledina tjomukwati̧ pjiesta möle baledakwa̧ abönö möle yi̧bena baibena Jesúsma omukwatinobe, Tjo̧wi̧ böjȩtjö labebö Chabe'do ö̧jobe chȩwa̧jakwa̧ma lekwökö, jö̧ba̧lö. Jo̧bama iteda öba̧ja̧di̧ waisachadö batjibakwedönö ile nibebö ji̧ainobe, ajayinö ichinatjö tupakwö baibanö. Ja̧danö, jobadönö jwiinö ile niebi̧ma i̧sebö, midawö woakwo̧ Jesúsma.

Lucas 8:38

Ju'wedö Jesúsnö yetjaibijayonö, o̧'wo̧ luwo̧nö sulabedö tjö̧jajökwema Jesúskwö i̧'yobö ösödinobe, ja̧danö Jesúsnö aeba̧linobe, Jesúskwö i̧'yobö. Jo̧kwaijayonö aebökwe, Jesúsma atadinobe,

1 Tesalonicenses 2:1

Chömöledö, ökwödöma kwöwaisaduwa, ökwödönö yöbawö di̧'yinama waekwinokobe jö̧ba̧lö.

2 Corintios 6:12

Chömöledö, ökwödö Corintio jojodönö ösödöma kadatibokobe chömöledö, jo̧kwaijayonö ökwödöda ökwödönö ösödö kabatibadöja,

2 Samuel 24:14

Yöawökwe, Davidma Gadnö atadinobe, —Jwiinö cho̧'wo tjo̧acha, isabenö waiya omudawö chujunobö. Jo̧kwaijayonö, Isabenö Jo̧nö chöwaisa, jo̧bama inesö lȩlöjinö edo̧, jö̧ba̧lö. Jo̧kwajabetjö̧ bö̧jȩ jojodö ötjönö lȩtjebobö omudawö chujunökö, Isabenö Jo̧ Diosda wapötakwa möle baledibanö dö'wöchinö ökwödönö lȩebobö omudawö chujuna, jo̧bama inesö lȩlöjinö edo̧ jö̧ba̧lö chöwaisobetjö̧, —jö̧ba̧lö atadinobe Davidma, Gadnö.

Filipenses 1:24

Jo̧kwaijayonö ökwödönö tupakwö pjatato jö̧ba̧lö, ina böjȩnö chö̧jobö otiwena jö̧ba̧lö chomukwatobe.