Filemón 1:10 - Dios Iwene

¹⁰ atebakwö chitji̧danö chösödökwe Onésimonö. Jau Filemón, ka̧lena ba̧nö, Onésimo abe'dodanö batibijatö, ötjönötjö Jesúsnö ösödo̧ baibinobetjö̧, ja̧danö abe'dodanö ja̧nö atebakwö jo̧banö.

Filemón 1:10 Referans Kwoze

Colosenses 4:9

Ja̧danö, jo̧ba Tíquicokwö jelo̧bi i̧'yakobe, Onésimo mikwo̧ma. Jo̧ba Onésimoma jö̧a̧li̧danö ja̧bo̧, ja̧danö dösödökwe döjawo̧, ja̧danö ju'wibi jo̧bama ökwödö Colose jojodötjö jojo. Jobadöma okobe jwiinö bai baledi̧ wene yötjawakobe ökwödönö.

1 Corintios 4:15

Jau chömöledö, ökwödönö ba̧ja̧dadöma ba̧jekwadö tjö̧jena, wanedö yötawa, ba̧jekwadö diez mil jenanö ba̧ja̧dadö ökwödö Cristonö ösödadönö Dios iwene tjöba̧ja̧dena, jo̧kwaijayonö jobadötjö kwabe'dodanöbo̧ma ötjödasa chömöledö. Jau chömöledö, ötjö Pabloda ajayinö otiwa jawa wene ökwödönö yötawinobetjö̧, kwabe'dodanö chichejekwa chömöledö.

1 Timoteo 1:2

Ja̧danö, böja kwialusöja chiwȩyuda ökwönö Timoteo. Ökwöma ötjöda chitji̧danöbo̧ja bakobe Jesúsnö ösödö dö̧jobetjö̧. Dabe'do Diosnöbi, Duluwo̧ Cristo Jesúsnöbi ateba, mikwa jwiinö otiwa jawa iyö ökwönö pjatjatobö, ja̧danö lȩlö̧jinö edö ökwönö pjatjatobö, ja̧danö kwo̧'wo̧ luwo̧nö wene jwiinö kwö̧jobö pjatjatobö.

Gálatas 4:19

¡Ökwödö pebadö chi̧tji̧mudanöbedöwe! Wanedö yötawa chömöledö: Jitji̧nö jemakwuju jitji̧nö jemakwa̧ abönö usula jemawi̧danö, ötjöma ökwödönö omukwatö chi̧tji̧muwe jö̧ba̧lö yemidanö usula chemawobe chömöledö, Cristo omukwati̧danö omukwatadö bakibaduwenanö kabatö.

Tito 1:4

Tito, ökwöma ötjöda chitji̧danöbo̧ja bakobe Jesúsnö ösödö dö̧jobetjö̧. Ja̧danö, böja kwialusöja wȩyudö wetakwö. Dabe'do Diosnöbi, dö̧jibinö pjabato̧ Cristo Jesúsnöbi ateba, ökwönö lȩlö̧jinö edö, kwo̧'wo̧ luwo̧ ösöwachibanö tupakwö pjatjato jö̧ba̧lö.

2 Samuel 18:5

Ja̧danö latjebonö, la'aka luwo̧ Davidma ölakwawabikwawadö tjuluwedönö weinobe, Joabnöbi, Abisainöbi, Itaynöbi, —Ötjönö omukwatö, chitji̧ Absalonnö lȩlöinö edö, kwabö lobökönaduwinö, —jö̧ba̧lö. Ja̧danö okobe deinö jojodöma ja̧ weawa tja̧ja̧kwinobe.

Marcos 9:17

Jejenö abebö a̧ja̧kwiökwe jelo̧ma jö̧ba̧lijetö: —Ba̧ja̧dakwawa jojo, ötjö chitji̧ma, o̧'wo̧ luwo̧nö sulabo̧ ö̧jökwenö chichejebatö, sulabo̧nö a'dewö loköbiotjö̧bö.

Romanos 12:1

Chömöledö, Diosma ökwödönö lȩlö̧jinö edinobetjö̧, yötawaduwakwö, Diosnö kwiyawaduwo, Diosnö iyawadö, ina 'yaba̧ladö iyawadö bakibaduwanö. Jejenö kwiyawaduwobö chösöda chömöledö. Ja̧danö, Diosnö iyawadö kwö̧jaduwobema, jo̧ba wei̧da jwaikwöda ja̧bö kwö̧jaduwo chömöledö, Dios ösödi̧danö. Jejenö Diosnö kwösödaduwobö otiwa chömöledö.

1 Corintios 4:14

Biya̧ sulabenö kwomukwataduwi̧ chiwȩyudaja̧ma, tabatjö kwo̧'wo̧ tjo̧acho jö̧ba̧löma chiwȩyudökö chömöledö, ökwödönö jwebebö chiwȩyudajabe chömöledö. Jau chömöledö, ökwödöma chösödawö̧ chi̧tji̧mudanöbedöja chömöledö, jo̧kwajabetjö̧ ökwödönö pjatato jö̧ba̧lö ba̧ja̧dö chiwȩyudajabe chömöledö.

Filemón 1:11

Jo̧ba Onésimonö kwöwaisökwe Filemón, jo̧bama ökwöda midö kweminökwe kwömöayo̧obetjö̧. Isabenö ajayinöma kwömöayo̧ sulabo̧ ö̧jinobe Onésimoma, jo̧kwaijayonö sulabö̧kö̧ babema, isabenö ötjönöbi mikwawo̧ baibajabe, ja̧danö ökwönöbi mikwawo̧ baibajabe.

3 Juan 1:4

Isabenö chi̧tji̧mu, Dios isabenö ji̧ iwene a̧ja̧kwö tji̧'yobe, jö̧ba̧lö, yötjawi̧ cha̧ja̧kwena cho̧'wo̧ ösöwanö chö̧jobe. Jejenö cho̧'wo̧ ösöwanö chö̧jemitjö o̧penönö cho̧'wo̧ ösöwanö chö̧joböma jwiobe.