Éxodo 8:3 - Dios Iwene

³ Nilo ojwetjöma jwo̧i̧döda tjuju̧kwakobe su̧'bȩ baibanö chömöledönö kakatakwawökötjö̧ma. Ja̧danö, jödötjö labekwö kweju okwa tjetjachakobe, kwö̧lȩko̧nöbi tebachö, ja̧danö ku̧kwa kamapjonö wa̧jö. Ja̧danö, kwömöayedö tjejunöbi, kwömöledö tjejunöbi tjetjachakobe jwoi̧döma. Ba̧i̧ toawakiju okwabi, pan yo̧awa'di̧ju okwabi tja̧jakobe jwo̧i̧döma.

Éxodo 8:3 Referans Kwoze

Éxodo 12:34

Jo̧kwaobetjö̧ juluwanö latjebobö Israel jojodöma pansa'be, 'ye'yeachi̧ pjaatakwawökö ö'bebiya emibö anijadötö deja'di̧ju yo̧awa'di̧junö. Ja o'di̧ju kamisi jwabibö tjubube'onö wanawö e'ewijadötö.

Éxodo 8:2

Kakatakwawökötjö̧ma ¡ayö! ötjö chujulu i̧sebö lȩtebokwöcha, jwo̧i̧dönö webö kwitebonö okobe jwiinö batjibanö.

Éxodo 8:4

Ja̧danö, jwo̧i̧döma ökwönöbi, kwömöledönöbi, kwömöayedönöbi tjö̧nöchawakobe. Jejenö jö̧ba̧lö yöawobe Isabenö Jo̧ma ökwönöma. Moisés, jejenö yökawo faraónnö— webijetö Isabenö Jo̧ma Moisésnöma.

Éxodo 10:6

Faraón, ökwö kwejubiyanöbi, okobe deinö kwömöayedö tjejunöbi okobe deinö Egipto jojodö tjejunöbi su̧'bȩ baibinö tetjachakwedö. Faraón ökwö ajayinö jinadöbi la'akatjöda, kwitebonö ajayinö tjö̧jinemitjö̧ babe baibanö edaitjökenanö jejenö ba̧jȩkwadö ma̧la̧ka̧yö̧ metji̧ma. Jejenö yöawobe Isabenö Jo̧ma ökwönöma, faraón— yöbawijetö Moisésma faraónnö. Ikenama jalachibö labebijetö Moisésma, Aarónkwö.

Éxodo 7:11

Jo̧kwaiökwe faraónma jwöbijetö ömöayedö mea boawa waisadönö, ja̧danö, malimunö tjichobö. Jobadöma bakwainö i̧sebijadötö idöda mea boawa tjöwaisi̧tjö̧.

Éxodo 8:11

Jwo̧i̧döma detjakobe ökwö kwö̧jelöma, ja̧danö kwömöayedö tjö̧jelöbi, kwömöledö tjö̧jelöbi. Nilo ojwe okwada batjibakobe— jö̧ba̧lijetö Moisésma faraónnöma.