Éxodo 8:25 - Dios Iwene

²⁵ Jejenö balediökwe faraónma jwöbijetö Aarónnö, Moisésnö tjichobö. Ichajadönö jö̧ba̧lijetö: —Jao otiwa, ökwödö Israel jojodöma kwuluwo̧duwi Diosnö juwö kwiyaduwo. Jo̧kwaijayonö chitebotjöda kwiyaduwo—

Éxodo 8:25 Referans Kwoze

Éxodo 9:27

Ikenama faraónma jwöbijetö Moisésnö Aarónnö tjichobö. Ichajadönö jö̧ba̧lijetö: —Babema yöta̧lakwö: Jweinö chomukwatokobe. Isabenö Jo̧ma jweinö omukwatö lȩebonö ötjö, chömöledö jelobekwö domukwatobe, Israel jojodönö latjebobö wedökö, jö̧ba̧lö.

Éxodo 8:8

Ikenama faraónma jwöbijetö Moisésnö, Aarónnö ichobö. Ichajadötjö Moisésnö webijetö: —Abebi Isabenö Jo̧nöma bidö jwo̧i̧dönö wei̧ kaatakwawo, ötjönöbi, chömöledönöbi. Jejenö kaatakwawena wetocha kwömöledönö jo̧banö juwö iyö tji̧'yobö— jö̧ba̧lijetö faraónma Moisésnöma.

Éxodo 12:31

Jo̧kwaiökwe Moisésnö Aarónnö tjichobö jwöbijetö faraónma, ina yö̧te. Ichajadönö: —Tjo̧wi̧, ökwödöma kwömöledö Israel jojodökwö okobe deinö te'ada̧lökönö chitebotjö labebajaduwi. Akebaduwi̧danö Isabenö Jo̧nö ösödö iyö 'ya̧jaduwi.

Éxodo 10:16

Jejenö balediökwe juluwanö jwöbijetö faraónma Moisésnö Aarónnö tjichobö. Ichajadönö: —Ötjöma sulabenö ja̧tobe Isabenö Jo̧nö, Kwuluwo̧duwi Diosnöma, ja̧danö ökwödönöbi.

Apocalipsis 3:9

A̧ja̧kwaduwitjö. Kwo̧'wo̧ tjo̧kekwaduwa ökwödönö inia tjököbaduwinö ja̧badönö, judío jojodönöma. Jobadö tjo̧'wo̧ luwo̧ okwanö chöwaisawö̧. Jobadöma judío jojodö tjöbötjachinajayonö, judío jojodöböködödanö babibinadö tjo̧'wo̧ luwo̧nöma, Dios ömöledö batjibinokobetjö̧. Awetja ömöayedöda babibinadö, jo̧ba wei̧ a̧ja̧kwö. Chömöledö, ju'winö ökwödö kwöba a'oduwi ichö, tju̧yu̧ju̧ki̧junö bamatö, tjuu nijakwö bȩbachibö tjubudekwobö ja̧takwo̧sa jobadönöma. Ja̧ mölema jobadöma, ökwödönö edö waisachibö tjubudekwakobe,¡Ayö! Isabenö bidöma Dios ile niebawö̧, jö̧ba̧lö.

Éxodo 9:28

¡Ayö, Isabenö Jo̧ ökwödönö lȩebi̧ma do̧'wo 'dibachibö dö̧jökenanö. Abebinö tjoduwi̧bi, böbanöbi weökönö. Kaatakwawena wetocha betjö lakebaduwobö, benada Egiptonö kwö̧jaduwokobö— jö̧ba̧lijetö faraónma.

Éxodo 10:8

jwöbijetö Moisésnö Aarónnö yemidanö tjichobö. Ichajadönö jö̧ba̧lijetö: —Jao kwatjö̧ma kwi̧'yaduwobö weta Isabenö Jo̧nö, Kwuluwo̧duwi Diosnö ösödö iyö. Kwi̧'yaduwakwedöma ¿tidöda?— jö̧a̧lökwe:

Éxodo 10:24

Jejenö balediökwe faraónma Moisésnö ichobö jwöbijetö. Ichajo̧nö jö̧ba̧lijetö: —Jao kwatjö̧ma, Isabenö Jo̧nö ösödö iyö kwi̧'yaduwobö weta, kwilekwoduwikwö, kwi̧tji̧mu̧duwikwö. Jo̧kwaijayonö kwa̧jwi̧mu̧duwinöma, o̧bȩja̧dönöbi, chi̧wo̧dönöbi, pa̧ka̧yö̧nöbi benada junibö kwi̧'yaduwo— jö̧a̧lökwe:

Isaías 28:22

Jau chömöledö, Isabenö Jo̧ Okobe Jwiinö Juluwo Diosma ötjönö yöawajabe, ditebo niji suli̧ tjöwaedobö weakwa̧ma, ja̧ yöawina cha̧ja̧kwajabe. Jo̧kwajabetjö̧ baikwö atebaduwakwö, Dios yöawi̧ a̧ja̧kwö, oköbaduwoko, oköbaduwiökwe ajayitjö bajalekwönönö ökwödönö tjunu'yakwa̧ tjunu'yobö weapji jö̧ba̧lö.