Éxodo 8:11 - Dios Iwene

¹¹ Jwo̧i̧döma detjakobe ökwö kwö̧jelöma, ja̧danö kwömöayedö tjö̧jelöbi, kwömöledö tjö̧jelöbi. Nilo ojwe okwada batjibakobe— jö̧ba̧lijetö Moisésma faraónnöma.

Éxodo 8:11 Referans Kwoze

Éxodo 8:9

Jejenö jö̧a̧lökwe: —Jao otiwa, ökwöda webitjö dianö atebojobö Isabenö Jo̧nöma ökwönöbi, kwömöayedönöbi okobe deinö kwömöledönöbi pjaatobö. Atebocha Isabenö Jo̧nö ökwödö kwö̧jaduwelö jwo̧i̧dö debi batjibanö weobö, ojwenöda tjuju̧kwinö. Dianö atebobö weköbatjö— aeböke:

Éxodo 8:3

Nilo ojwetjöma jwo̧i̧döda tjuju̧kwakobe su̧'bȩ baibanö chömöledönö kakatakwawökötjö̧ma. Ja̧danö, jödötjö labekwö kweju okwa tjetjachakobe, kwö̧lȩko̧nöbi tebachö, ja̧danö ku̧kwa kamapjonö wa̧jö. Ja̧danö, kwömöayedö tjejunöbi, kwömöledö tjejunöbi tjetjachakobe jwoi̧döma. Ba̧i̧ toawakiju okwabi, pan yo̧awa'di̧ju okwabi tja̧jakobe jwo̧i̧döma.

Éxodo 8:13

Jejenö aebiökwe Isabenö Jo̧ma Moisés aebi̧danö weajabetjö̧ okobe deinö jwo̧i̧döma wobijadötö. Tjejunö tebachajadöbi, apetunö ju̧kwadöbi, mejenö ju̧kwadöbi.

Éxodo 8:12

Ikenama Moisés, Aarón faraón ö̧jelö labebajadö Isabenö Jo̧nö budekwa̧lö abebijetö Moisésmma, okobe deinö jwo̧i̧dönö faraón itebonö detjinö weobö.

Éxodo 4:21

Ja̧danö, Isabenö Jo̧ma webijetö Moisésnö: —Egiptonö ja̧nö faraón öbajale a'otjö kwö̧jena jo̧bama eda̧lonö okobe jwiinö juluwi̧ jawa kwi̧sebobö pjatati̧ma kwi̧sebo. Jo̧bama kwi̧sebobe edijayonö omajade 'diinö wetobetjö̧ Israel jojodönö kaatakwawökakobe.

Éxodo 7:13

Faraónma ja̧ baledi̧ edijayonö Isabenö Jo̧ yöa̧linadanö omajade 'diinö ö̧jobetjö̧ a̧ja̧kwijökötö.

Éxodo 7:14

Jemi tupakwöma Isabenö Jo̧ma Moisésnö jö̧ba̧lijetö: —Moisés, faraónma omajade 'diobetjö̧ kaatakwawökakobe Israel jojodönöma, Egiptotjö latjebobö.