Éxodo 7:9 - Dios Iwene

⁹ —Faraónma ökwödönö aebakobe, juluwi̧ jawa i̧sebaduwi chöwaisachibobö, kwuluwo̧duwi Diosma isabenö ökwödönö weinajobö, jö̧ba̧lö. Ikenama Moisés, weköbo Aarónnö otokwa'o do̧batibö nijakwö jao faraón öbajale a'otjö, a̧ko'dada baibanö— webijetö Isabenö Jo̧ma.

Éxodo 7:9 Referans Kwoze

Juan 2:18

Ikenama judío jojodötjö la'aka luwedöma jö̧tja̧linobe Jesúsnö: —¿Ti weaja̧da bidönö a'dewö loköbobö?— abebö tja̧ja̧kwinobe—. Ökwödönö i̧sebi kwujuluma, dedo, Diosda weajabe ökwönö, jö̧ba̧lö, döwaisobö— judío jojodöma wetjinobe Jesúsnöma.

Isaías 7:11

—Acaz, isabenö ökwödönö pjatatakwa̧ wene chi̧sȩbakwo̧sa, jokwajabetjö̧ ötjö kwuluwo̧ Isabenö Jo̧ Diosnö akebo, isabenö pjatatakwa̧ i̧sȩkwa baibanö chi̧sȩbakobetjö̧. Jau Acaz, ökwöda kwedobö kwösödi̧danö akebo, isabenö waiyi̧ jawa jojodö edajitjökö jawa kwedobö jö̧ka̧litjö̧ma akebo, jadanö isabenö akebaja̧danö chi̧sȩbakwo̧sa, isabenö yötawaja̧danö pjatatakwo̧sa, —jö̧ba̧lö Isaias Dios weaja̧ yöawinobe Acaznö.

Éxodo 4:2

Jejenö atadiökwe: —Moisés ¿taji do̧ka̧lobeda kwömamunöma?— abebö a̧ja̧kwökwe: —Chotokwa'o— atadökwe:

Juan 6:30

Jejenö atadawö̧: —Jo̧kwaobetjö̧, kwujulu i̧sebi edö döwaisobö, Bitema Dios weinökwe, jö̧ba̧lö. Jejenö kwi̧sebitjö̧ma dösödena ökwönöma. I̧sebi— wetjinobe Jesúsnö—.

Éxodo 4:17

Ja̧danö Moisés, kwotokwa'o do̧ba̧lö kwi̧'yo, kwo̧'wo jwibibökönuwi, juluwi̧ jawa kwi̧sebakwa̧ma— webijetö Isabenö Jo̧ma Moisésnöma.

Éxodo 10:13

otokwa'o do̧ba̧lö ömamu kabebö i̧sebijetö, okobe jwiinö Egipto nijinö i̧sebi̧danö baibanö. Jejenö i̧sebena Isabenö Jo̧ma webijetö jwa̧lȩ'ȩpjo ja̧wo̧ laebobekwötjö ichobö. Japjoma yö̧tebi mölebi baledibanö jwa̧lȩ'ȩwijetö. Ja̧danö, ju'wi dewachö yȩayi ida̧ökö mebijadötö ma̧la̧ka̧yö̧ma ja̧wo̧ laebobekwötjö ichajapjo jwa̧lȩ'ȩpjonö.

Juan 10:38

Jo̧kwaijayonö Chabe'do wei̧ chotiditjö̧ma chotidobe edö kwösödaduwobö jo̧be. Ökwödöma ötjö yötawi̧ a̧ja̧kwö, Wajwita, jweinö yöba̧lö̧kö̧ena, jö̧ba̧lö, kwomukwataduwena. Jo̧kwaijayonö Chabe'do wei̧ chotidobe edö kwöwaisachibaduwinö baibanö kwomukwataduwo, Bite Jesúsma abe'do Dioskwö ja̧nö juluwi̧ jawa i̧sebo̧, jö̧ba̧lö. Ja̧danö, kwomukwataduwo, Diosma Jesúskwö ja̧nö juluwi̧ jawa i̧sebo̧, bakwainöda ja̧nö i̧sebadö, jö̧ba̧lö, kwöwaisachibaduwinö baibanö kwomukwataduwo— yöawinobe Jesúsma judío jojodönöma.

Mateo 12:39

Jejenö atjebökwe, Jesúsma atadinobe: —Ökwödö babe möle ju̧kwadöma sulabedöja, ja̧danö Diosnö kabatibadö kwö̧jaduwobetjö̧, ja̧ jojodö edajitjökö jawa i̧sekwa abebadöja. Jo̧kwaijayonö akebaduwi̧danöma chi̧sebökö. Dios weökwe chö̧ji̧ i̧seböma sule bakwöta jawada chi̧sebocha, Dios yöawi̧ yöbawo̧ Jonás mikwo̧nö baledinadanö baledakwa̧da chi̧sebocha. Baikwö yötawa:

Éxodo 9:23

Weökwe Moisésma otokwa'o do̧ba̧lö ömamiju kabebö i̧sebemi Isabenö Jo̧ma webijetö mölejebetjö böjekwö ojwiyo o̧bi̧danö inawi̧ya̧ tjoduwi̧nö. Ja̧danö böbabi webijetö Isabenö Jo̧ma, ja̧danö, böba nei̧bi webijetö bö̧jekwö labinö kwaawinö.

Éxodo 4:20

Jo̧kwaobetjö̧ Moisésma ilekwonö, i̧tji̧munö bu̧lu̧dö tjoma'a wamenö wanibö öbibö ȩwa̧jijetö Egiptobe. Ja̧danö, otokwa'o, Dios, do̧balö kwi̧'yo, jö̧ba̧lö weina'o ömamunö do̧ba̧lö ȩwa̧jijetö Moisésma.

Éxodo 7:8

Ja̧danö, Isabenö Jo̧ma Moisésnö, Aarónnö jö̧ba̧lijetö:

Éxodo 4:3

—Ja'o nijakwö labinö jabi— weökwe otokwa'o nijakwö jaemi a̧ko'dada baibijetö. Baibiökwe yebaibö jelobekwö pjolachibijetö Moisésma.