Éxodo 6:12 - Dios Iwene

¹² Jejenö weijayonö: —Atebökena. Israel jojodöbi ötjö yötawi̧ tja̧ja̧kwokobe. Jo̧kwaobetjö̧, ¿dakwö a̧ja̧kwobö faraónma ötjö yötawi̧ma? Otiwanö yöba̧lö̧kö̧sa ötjöma—

Éxodo 6:12 Referans Kwoze

Éxodo 4:10

—Chuluwo̧ jweinö yöta̧lakwö: Ötjöma otiwanö yöba̧lö̧kö̧sa jojodönöma. Ajayinö chöbötjachinemi baikwö yemidawo̧sa. Ja̧danö ina, babebi yöka̧lajemitjö̧ tupakwöbi ja̧danö. Juluwanö yöba̧lökösa, dakwö yöta̧lajö, jö̧ba̧lö. Wajwibo̧sa— jö̧ba̧lijetö Moisésma Isabenö Jo̧nöma.

Éxodo 6:30

Jo̧kwaijayonö Moisésma baikwö atadijetö Isabenö Jo̧nö: —Yöta̧lökena. Otiwanö yöba̧lö̧kö̧sa ötjöma. ¿Dakwö a̧ja̧kwobö faraónma ötjö yöta̧li̧ma?— jö̧ba̧lö.

Hechos 7:51

Ina yöbawijetö: Ökwödöma kwuuduwi 'dibadöja. Kwomajadeduwinö do̧batökönö kwö̧jaduwobe. Kabatökönö kwa̧ja̧kwaduwokobe Dios O̧'wo̧ Luwo̧ öba̧jadi̧ma, da'dödömine tja̧ja̧kwinöködanö.

Éxodo 6:9

Ja̧danö, Moisésma Israel jojodönö okobe jwiinö Dios yöawi̧ yöa̧lijayonö öpöjödijadötö. Egipto jojodö juluwanö tjotidobö wetjajiawö̧ tjo̧'wo tjo̧bekwöda ju̧kwijadötö, jo̧kwada, jö̧ba̧lö. Jo̧kwaobetjö̧ Moises yöawi̧ma a̧ja̧kwakwawa öpöjödijadötö.

Éxodo 3:13

Ja̧danö, jö̧ba̧lijetö Moisésma Diosnö: — ¡Jao kwatjö̧ma! Egiptobe 'ya̧nö Israel jojodönö yöta̧locha, da'dödö tjuluwo̧ Diosma ötjönö weijatö ökwödönö pjabatö, jö̧ba̧lö. Jejenö yöta̧lawö̧ abebö tja̧ja̧kwena, jo̧ba Diosma ¿dakwö mikwo̧da? jö̧ba̧lö. Jejenö abebö tja̧ja̧kwena ¿dakwö chatadakwa̧da?— abebö a̧ja̧kwijetö Moisésma Diosnö.

Isaías 6:5

Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.

Deuteronomio 30:6

—Ju'wibi kwuluwo̧duwi Isabenö Jo̧ Dios ökwödönö pjaatakwa̧ yötawaduwakwö chömöledö, okwanö kwöbalewachaduwinö pjaatakwo̧, wanedö yötawa, kwomajadeduwi wamesa̧do̧, Diosnö kwösödaduwapji jö̧ba̧lö tjöekwa̧do̧ma, ökwödö kwomajadeduwitjöbi, kwitji̧muduwi tjomajadetjöbi 'wibebö loakobe, jwaikwöda okobe jwiinö kwomajadeduwinöbi, kwo̧'woduwinöbi kwuluwo̧duwi Isabenö Jo̧ Diosnö ile nibebö kwösödaduwakobetjö̧. Jejenö ökwödönö pjaatakwo̧ Diosma chömöledö, 'ya̧ba̧ladö kwö̧jaduwakobetjö̧.

Éxodo 3:11

Jejenö yöa̧liökwe atadijetö Diosnö: —Ötjöma webö̧kö̧sa. ¿Dakwö abebö chi̧'yobö jo̧banöma, webitjö Israel jojodönö belö labeibö chi̧'yo, jö̧ba̧löma? Abebö chi̧'yökena— atadijetö Moisésma.

Éxodo 4:1

Ja̧danö, Isabenö Jo̧ma jejenö yöa̧liökwe atadijetö Moisésma: — ¡Tjöpöjödena! Chömöledöma ötjö yötawi̧ a̧ja̧kwö, Omöna yöka̧la, jö̧ba̧lö, tja̧ja̧kwökena weköbi̧ yötawi̧ma. Yötja̧lena, Isabenö Jo̧ma öwawachinökena ökwönöma, jö̧ba̧lö.

Éxodo 6:13

jö̧a̧liökwe Isabenö Jo̧ma Moisésnö, Aarónnö webijetö: —Yöbawajaduwi Israel jojodönöbi, Egipto inesö la'aka luwo̧ faraónöbi ökwödönö 'da̧batö chujunijatö Israel jojodönö Egiptotjö labebö ökibaduwobö— webijetö Isabenö Jo̧ma Moisésnö, Aarónnö.