Éxodo 5:5 - Dios Iwene

⁵ ¡A̧ja̧kwaduwitjö! Babema bemi nijima Israel jojodöma tjö̧ba̧jekwachinobe yelösöda. Ba̧jekwadö otidadö tjuju̧kwobe. Ju'wi jawa omukwatö tjotidokobö ja̧köbaduwa — yöba̧lijetö faraónma Moisésnö, Aarónnö.

Éxodo 5:5 Referans Kwoze

Proverbios 14:28

Ja̧danö, ju'wibi yötawa: Inesö la'aka luwo̧ iteda weawö̧ma, itebonö ju̧kwadöma ba̧jȩkwadö tjö̧jitjö̧ma jojodöma jo̧banö otiwanö tjedökwe, jwiinö inesö la'aka luwo̧, jö̧ba̧lö. Jobekwö tjedokobe inesö la'aka luwo̧nö, weawö̧ ba̧jȩkwadönö debo̧nöma. Weawö̧ma ba̧jȩkwadö deobetjö̧ ¿dakwö otiwanö tjedakwa̧jö? Tjedokobe otiwanö. Ja̧danö, jo̧ba la'aka luwo̧ma juluwö̧kö̧.

Éxodo 2:11

Ju'wi möle Moisés pöe babiböma iteda ömöledö hebreo jojodö tjotidobe edö 'yi̧jetö. 'Ya̧jo̧ ja̧nö eda̧lemi jwiinö usula emawö tjotidobe edijetö, webadö wetji̧ otidö. Ja̧danö, edijetö egipto jojo webo̧ma hebreo jojonö kwakwaobe, Moisés ömöledöso̧nö.

1 Reyes 12:14

möayedödanöbedö waisanö omukwatobö pjabatö yötja̧linada ösödö, labinö yöa̧linobe jojodönö: —Chabe'doma ömöki̧ jawa kwotidaduwobö weinobe, jokwaijayonö ötjöma ja̧tjö bajalekwönönö ömöki̧nö kwotidaduwobö wetakwo̧sa. Ja̧danö ju'wibi, chabe'do ökwödönö lȩebitjö̧ bajalekwönönö labinö lȩtebakwo̧sa, baikwö wanedö yötawa, Chabe'do ökwödönö lȩebenama, ba̧kwelöjatebö kwakwabajitjadanö ökwödönö kwakwainobe, jo̧kwaijayonö ötjö kwakwachakwa̧ma, itiyu ömadeba ji̧ kwakwaakanö ökwödönö kwakwachakwo̧sa, —jö̧ba̧lö labinö atadinobe Roboanma.