Éxodo 40:9 - Dios Iwene

⁹ Ikenama tjoekwa o̧tesobuma emibö sa̧sa̧köbaduwo chejubi, ja̧danö okobe jwiinö cheju okwa ju̧kwi̧nöbi. Jejenö, jeju, jeju okwa ju̧kwi̧, Isabenö Jo̧ 'da̧batö ujunina ji̧ma, jö̧ba̧lö, kwi̧sebaduwakobe.

Éxodo 40:9 Referans Kwoze

1 Juan 2:20

Ja̧danö chö̧ja̧wo̧dö, ökwödöma Dios isabenö ji̧ iwene waisadöja. Jau chö̧ja̧wo̧dö, Jwiinö Otiwo̧ Cristoma Dios O̧'wo̧ Luwo̧nö ökwödö kwo̧'wo̧ luwo̧duwinö tebachibö ö̧jobö weinobe. Ja̧danö, Dios O̧'wo̧ Luwo̧ma ökwödö kwo̧'wo̧ luwo̧duwinö ö̧jobetjö̧ Dios isabenö ji̧ iwene waisadöja.

2 Corintios 1:22

Ja̧danö, iteda O̧'wo̧ Luwo̧ do̧'wo̧ luwo̧nö ö̧jobö weenama, ökwödönö seyu doinobedanö ichejekwa, bidöma ötjöda chömöledö jö̧ba̧lö. Ja̧danö, ja̧ iteda O̧'wo̧ Luwo̧nö iyinama öwaetjöda i̧sebobe, isabenö Dios ömöledösa jö̧ba̧lö. Isabenö okobe jwiinö jö̧a̧li̧danö ja̧bo̧ Duluwo̧ma chömöledö, jo̧kwajabetjö̧ jo̧ba webawo̧ ja̧nö, ötjöbi jweinö yötawobö jo̧be.

2 Corintios 1:4

Jau chömöledö, okobe jwiinö wene döbaledi̧ma, ökwödönö do̧'wo̧ tjo̧bekwö dö̧jajelö do̧'wo̧ ösöwachibanö pjabato̧ Dabe'do Diosma, chömöledö. Ja̧danö, jejenö ökwödönö pjaatenama, ökwödönöda omukwatöma pjaatokobe, ju'wedönöbi omukwatö pjaatobe ökwödönö chömöledö, ökwödönö pjaati̧danö, tupakwö ju'wedö tjo̧'wo̧ tjo̧bekwajadönö ökwödöbi pjadato jö̧ba̧lö. Jau chömöledö, ju'wedö tjo̧'wo̧ tjo̧bekwö tjö̧jenama, Dios ökwödönö pjaatinobetjö̧, jobadönö pjadatobö jo̧be, Dios ökwödönö pjaatinadanö.

Juan 3:34

Ja̧danö, Dios weinökwema Dios iweneda yöbawo̧. Ja̧danö, Diosma iyijetö weinökwenö iteda O̧'wo̧ Luwo̧nöma, jo̧ba ujulu okobe jwiinö iyö.

Mateo 3:16

Jesúsnö ojwenö ubu̧dataja̧ ikena, ojwetjö a̧laibinobe Jesúsma, ja̧danö a̧laibenama, möleje po̧ekwachibobe edinobe, ja̧danö mö köba̧lo̧ yunuku jwiachi̧danö Dios O̧'wo̧ Luwo̧ jwibachö Jesúsnö öjamatobe edinobe.

Isaías 61:1

Isabenö Jo̧ O̧'wo̧ Luwo̧ma ötjökwö jo̧, Isabenö Jo̧ Diosda ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, tjo̧'wo tjo̧bekwö ju̧kwadönö tjo̧'wo ösöwachibanö pjatatobö, ja̧danö ölakwabikwawö juluwajö do̧tja̧tajawönö tjetjatakwa̧ yötawobö, ja̧danö ka̧lena ba̧jadönö ka̧lenatjö tjö̧jibakwa̧ wene yötawobö.

Isaías 11:2

Jau, Isai itji̧ David itji̧ tupadanö jojoma yemidanö israel la'aka luwo̧ ö̧jakobe, ja̧danö Isabenö Jo̧ O̧'wo Luwo̧ma isabenö jo̧bakwö ö̧jakwo̧. Ja̧danö, Dios O̧'wo Luwo̧ jo̧bakwö ja̧nö, okwa jawa waisanö omukwatobö pjaatakobe, ja̧danö otiwanö otidakwa̧ yöbawö, inesö ujulu jo̧banö iyakobe, ja̧danö otiwanö Isabenö Jo̧nö öwaisobö pjaatakobe, otiwanö yebabinö Isabenö Jo̧nö ösödakobetjö̧.

Éxodo 39:39

Ja̧danö, juwö iyawapjo, broncetjö otikwapjo, Isabenö Jo̧ eju apetunö junawapjo ichejebijadötö. Japjo okwa ja'önö pjaeba̧laka broncetjö tjotidinaka ichejebijadötö. Ja̧danö japjo e'ewakwawa ö'iyabi ichejebijadötö. Ja̧danö, okobe jwiinö japjo wame juwawa tjotidakwa̧ jawabi ichejebijadötö, balde'diju, ja̧danö, palapibiya, ja̧danö ö̧ki̧ya̧. Ja̧danö, dichawa'do, ja̧'do la'aka sa'o ichejebijadötö.

Éxodo 37:29

Ja̧danö, söinö 'dö̧ekwi̧ jawakwö oliva o̧tesobukwö wiwodö söinö 'dö̧ekwasobu otidijetö. Jobuma inesö ji̧ jawasobu, Diostjö jojodötjö tjö'da̧denö pjabatadönö tjuunö totjebakwa̧sobu, jobadönö kabebö tjö̧wanakwa̧ mölȩma. Ja̧danö, towitjö isa'betjö otidijetö söinö 'dö̧ekwi̧ jawasa'be, tjujuwakwa̧'bema. Ja̧danö, totjebakwa̧sobubi, tjujuwakwa̧'bebi ja̧ otikwa waiso̧ otidi̧danö otidijetö.

Hebreos 9:21

Ja̧danö Dios ejunöbi, okobe jwiinö Dios eju okwa jawanöbi tjökwösobutjö liliobö weinobe.

Éxodo 40:8

Jemi ikenama, a̧petu tjöekwa̧linö o'wiju a̧kwa̧li̧nö kwönaduwo okwi'ijunö okobe jwiinö cheju a̧petube. Ja̧danö, a̧petu teachakwawemi apjude baibanö o'wijuma akwa̧li̧nö kwönaduwo okwi'ijunö.