Éxodo 40:33 - Dios Iwene

³³ Ja̧danö, jeju a̧petube tjöbebijadötö, jejubi, jeju a̧petubi, juwö iyawapjo jemi. Ja̧danö, a̧petu teachakwawemi apjudedanö o'wiju debatö nönijadötö o'kwijunö. Jejenö Moisésma otidö kabatijetö.

Éxodo 40:33 Referans Kwoze

Éxodo 40:8

Jemi ikenama, a̧petu tjöekwa̧linö o'wiju a̧kwa̧li̧nö kwönaduwo okwi'ijunö okobe jwiinö cheju a̧petube. Ja̧danö, a̧petu teachakwawemi apjude baibanö o'wijuma akwa̧li̧nö kwönaduwo okwi'ijunö.

2 Timoteo 4:7

Dios wei̧ otidö chö̧ji̧ma baikwö wanedö yötawa: Otiwanö döpöjojonö ölakwabikwawö kwakwaakwawama otiwanö kwakwachakwawajabe. Ja̧danö ju'wibi wanedö yötawa: Ö'öbakwawadö ö'ötjakwawi̧ma otiwanö ö'öchakwawajabe, bajalebe chichibenanö kabatö, ja̧danö Dios yöawi̧ ösödöma kabatibökönö jwaikwöda otiwanö chösödajabe.

Efesios 2:18

Chömöledö, Jesúsma midawö woinobetjö̧, ökwödö judío jojodönöbi ökwödö judío jojodöböködönöbi, Dios O̧'wo̧ Luwo̧ma, bakwo̧da tebachibö öjamatinawö̧sa. Ja̧danö, bakwo̧da tebachibö öjamatinawö̧dobetjö̧ ökwödöma okobe deinö Dabe'do Diosnö abebadösa.

1 Corintios 12:28

Ja̧danö, okobe deinö iteda ömöledö, Cristo iteba'obedönö otidö ujuninobe Diosma, baikwö yötawa: Abönö Jesús webawedönö ujuninobe, ikenama Dios yöawi̧ yöbawadönö ujuninobe, ikenama Jesúsnö ösödadönö ba̧ja̧dadönö ujuninobe, ikenama jojodö edajitjökö jawa ja̧badönö ujuninobe. Ikenama jojodö tjö'wöchi̧ otidö lobadönöbi, ja̧danö jojodönö pjabatadönöbi, ja̧danö luwedö baibanö otidadönöbi, ja̧danö ju'wedö tjiwenenö yöba̧ladönöbi ujuninobe.

1 Corintios 12:12

Chömöledö, baikwö wanedö yötawa: Jojodö tjiteba'oma, bakwa'oda tjujuna̧ljayonö, nöinö tjujuna̧lobe tjiteba'o jawa, tjömamijubi, tjömasapiyabi, ju'wibi nöinö tjujuna̧lobe, ¿jö̧tö? Ja̧danö, okobe jwiinö tjiteba'o jawama, nöinö tjujuna̧lijayonö, bakwa'oda tjujuna̧lobe, ¿jö̧tö? Ökwödö Cristo iteba'obedöbi ja̧danö chömöledö.

Juan 17:4

Ötjöma böjȩnö ja̧nö ökwö kwotiwi̧ma chi̧sebijatö. Ja̧danö, ökwö weköbina okobe jwiinö chotidijatö.

Juan 14:6

—Ötjödasa Dios ö̧jobekwö 'ya̧kwawa manama— yöawinobe Jesúsma—. Ja̧danö, ötjödasa jweinö yöbawo̧ma jweinö jo̧chobetjö̧. Ja̧danö, ötjödasa ba̧kwȩlö̧jatebö ja̧kwawa iyo̧ma. Ja̧danö, ötjöma Dios ö̧jobekwö 'ya̧kwawa manachobetjö̧, ötjönöda 'yo̧ma Dabe'do Dios ö̧jobekwö ichibakwo̧.

Juan 10:9

Ötjödasa apjudedanö jo̧ma. Ja̧danö, ötjönö tebachadönöma tjö̧jibinö pjabato̧sa. Ja̧danö, ötjönö tebachadöma ötjö chite'ada̧lawö̧ o̧bȩja̧dödanöbedö. Ja̧danö, chite'ada̧lawö̧ o̧bȩja̧dödanöbedöma ötjönö tebachöbi tebachadö, labeböbi labebadö. Ja̧danö, ötjö apjudedanö jo̧nö labebajadö meje'ye kwanö otiwanö ja̧dödanö otiwanö ja̧dö— wanedö yöawinobe Jesúsma—.

Juan 4:34

Ja̧danö Jesúsma yöawinobe jobadönö: —Ötjö chukwi̧ kwakwawama biya̧: Ötjönö webo̧ ösödi̧ma, iteda wei̧ a̧ja̧kwo̧sa. Jejenö iteda wei̧ a̧ja̧kwö chö̧jena, otiwanö chö̧ja, jojodö tjukwaja̧ ikena otiwanö tjö̧ji̧danö— yöawinobe.

Mateo 16:8

Jesúsma jobadö tjomukwati̧ öwaisinobe, jo̧kwajabetjö̧ jobadönö yöawinobe: —Ökwödöma ja'yubeda chujulu ösödadöja chömöledö. ¿Tajawedö pan jwiköbaduwi̧ yöka̧lakwawaduwobeda?

1 Reyes 6:9

Ja̧danö, Salomon o̧do isaka otidö kaatenama, mö otidinobe. Ja̧ mö otidinama, cedro okwi'ijutjöbi, ösötetjöbi otidinobe.

Éxodo 39:32

Jejenö Israel jojodöma idöda tjotidawatjö okobe jwiinö kabatakwawijadötö, Isabenö Jo̧ inesöeju, jobadökwö tjö̧'da̧denö ö̧jakweju otikwa jawama. Okobe jwiinö Isabenö Jo̧ Moisésnö iteda eju tjotidobö weinadanö otidijadötö Israel jojodöma.

Éxodo 40:32

Isabenö Jo̧ eju tetjachakwa̧ abönöbi, ja̧danö juwö iyawapjo tjujuwobö tjichakwa̧ abönöbi. Isabenö Jo̧ Moisésnö weinadanö dichawijadötö.

1 Reyes 6:14

Ja̧danö, o̧dosaka kabatibajo̧, okwa jawabi otidinobe Salomonma.