Éxodo 40:16 - Dios Iwene

¹⁶ Ja̧danö, Moisésma okobe jwiinö Isabenö Jo̧ wei̧danö a̧ja̧kwinobe.

Éxodo 40:16 Referans Kwoze

Deuteronomio 4:1

Moises ina yöawinobe israel jojodönö: —Jobekwö Dios ökwödönö pjaatina jawa yötawajabe chömöledö. Ja̧danö, babema baikwö yötawaduwakwö: Ökwödönö chö̧ba̧jadobe Dios ökwödönö wei̧, ja̧bö kwö̧jaduwobö wei̧ma. Ja̧ chöba̧ja̧di̧ jawama otiwanö a̧ja̧kwö kwö̧jaduwo, ina 'yaka̧laduwayi Dios iyakwa̧ nijibe tekachaduwakobetjö̧, ja̧danö kwiteboduwi baibanö kwemaduwakobetjö̧. Jau chömöledö, kwa'dödö tjösödinökwe Isabenö Jo̧ Diosma ja̧ niji iyobe, jo̧kwajabetjö̧ isabenö jo̧ba wei̧ a̧ja̧kwö kwö̧jaduwo.

1 Corintios 4:2

Ja̧danö, bakwo̧ iteda ömöayo̧nö te'ada̧lo̧ baibanö ujunitjö̧ma, jwaikwöda uluwo̧ wei̧ ja̧bö ö̧jobö jo̧be, ömöayo̧ma, ¿jö̧tö?

Mateo 28:20

Ja̧danö, jobadö 'yabayedö chöba̧ja̧di̧ waisachadönö ba̧ja̧daduwi, okobe jwiinö ökwödönö wetinama, jobadöbi ja̧bö tjö̧jakobetjö̧. Ja̧danö chömöledö, isabenö ökwödökwö chö̧jakwo̧sa, böjȩ 'dö̧ibenanö kabatö— jö̧ba̧lö weinobe Jesúsma.

Isaías 8:20

Dios wei̧ jawabi, ju'wi Dios yöawi̧ jawabi kwaja̧kwaduwo chömöledö, i̧ya̧da mikwawi̧ma. Ja̧danö baikwö yötawaduwakwö, ju'wedöma Dios yöawinatjö wainö yötjawitjö̧ma, ja̧danö Dios weinatjö wainö wetjitjö̧ma, isabenö wajwibadö jobadöma. Wanedö yöta̧la, tjo̧'wo luwo̧ jawama: Jobadöma bakwainö yȩa'wo jȩmida, la'akatjöda dewi̧ dewachokobeda ju̧kwadö.

Deuteronomio 12:32

—Jobekwö laebobe Dios ökwödönö wei̧ma chömöledö, ja̧danö teada̧lönö kwö̧jaduwo, okobe jwiinö bakwainö webö yötawaja̧danö ja̧bö kwö̧jaduwakobetjö̧ chömöledö. Jau chömöledö, bakwainö yötawaja̧danö ja̧bö kwö̧jaduwo, baikwö yötawa: Yötawaja̧ jawatjö ja'yebi söbebö loköbaduwoko chömöledö, ja̧danö ju'wibi yötawaja̧ jawakwö ju'wi jayekwö pjabata̧lö ja̧köbaduwoko, —jö̧ba̧lö yöawinobe Moisesma, israel jojodönö.

Hebreos 3:2

Isabenö chömöledö, Jesús, Dios ökwödönö pjaatobö weinökwema jwaikwöda, okobe jwiinö Dios wei̧ a̧ja̧kwö ö̧jinobe. Ja̧danö, damötjö da'dömine Moisésbi Dios wei̧ jwaikwöda a̧ja̧kwö ö̧jinobe, iteda ömöledönö te'ada̧lö, Dios jo̧banö ite'ada̧lobö weinawö̧nöma.

Hebreos 3:5

Ja̧danö chömöledö, Moisésma Dios ömöayo̧bina. Jo̧bama Dios wei̧ a̧ja̧kwö, okobe deinö Dios ömöledönö te'ada̧lö ö̧jinobe. Ja̧danö, Moisés yöawina Dios ju'wi möle yöawakwa̧ yöawinobe. Jejenö Moisés, Dios ömöayo̧ma otiwanö ö̧jinobe, Dios wei̧ a̧ja̧kwö.

Éxodo 40:15

Ja̧danö, jobadönöbi tjuunö o̧tesobunö tokebo, tjabe'do uunö tokebaja̧danö. Jejenöma ötjötjö jojodötjö dö̧'da̧denö pjabatadö batjibanö tjotidakwedö, ötjö weti̧danö a̧jakwö otidö. Ja̧danö, ja̧ mölȩtjö tupakwö ba̧kwȩlö̧jatebö jobadötjö tupadanö jojodönöbi, bakwainö totjebakwawö̧ batjibanö tjö̧jakwedö, ötjötjö jojodötjö dö'da̧denö pjabatadö batjibanö.

Génesis 6:22

Ja̧danö, Noéma okobe jwiinö Dios weaja̧danö a̧ja̧kwijetö, ja'yubebi ji̧bökönö.

Éxodo 7:6

Ja̧danö Moisés, Aarón Isabenö Jo̧ wei̧danö a̧ja̧kwijadötö.