Éxodo 4:21 - Dios Iwene

²¹ Ja̧danö, Isabenö Jo̧ma webijetö Moisésnö: —Egiptonö ja̧nö faraón öbajale a'otjö kwö̧jena jo̧bama eda̧lonö okobe jwiinö juluwi̧ jawa kwi̧sebobö pjatati̧ma kwi̧sebo. Jo̧bama kwi̧sebobe edijayonö omajade 'diinö wetobetjö̧ Israel jojodönö kaatakwawökakobe.

Éxodo 4:21 Referans Kwoze

Romanos 9:18

Jau chömöledö, Diosma iteda ösödi̧danö ja̧bo̧. Lȩlö̧jinö edobö jö̧a̧litjö̧ma, lȩlö̧jinö edo̧, ja̧danö ju'wedönö tjuubiya 'dibadö batjibanö ja̧obö jö̧a̧litjö̧ma, tjuubiya 'dibadö batjibanö ja̧bo̧, Dios wei̧ tja̧ja̧kwökönö.

Isaías 63:17

Chuluwo̧ Isabenö Jo̧, tajawedö weköbi̧ a̧ja̧kwökönö dö̧jobö weköbaja̧da? Tajawedö domajade 'diachibanö, ökwönö yebabökönö dö̧jobö weköbaja̧da? Tjebachajö, yemidanö ökwödö, ökwöda kwömöledö badibanö kweminawö̧nö pjakatobö atebakwö. Ökwödö kwömöayedönö omukwatö, yemidanö pjakatobö atebakwö.

Josué 11:20

Jejenö baledinama, Isabenö Jo̧ Diosda baledobö ja̧ina. Isabenö Jo̧ma canaan niji ju̧kwadö tjo̧'wo 'diachibanö weinobe, israel jojodökwö tjölakwabikwawobö, israel jojodö jobadönö lȩlöinö tjedapji jö̧ba̧lö. Damötjö Isabenö Jo̧ma Moisesnö weinobe, lȩlöinö edökönö, okobe deinö canaan niji ju̧kwadönö kwabawö lotjobö, ja̧danö jejenö weinadanö kwabawö lotjakobetjö̧, canaan ju̧kwadö tjo̧'wo 'dibachibö tjölakwabikwawobö weinobe.

Juan 12:40

Diosma jobadö tjöbajale tjewawinö batjibanö ja̧inobe, tjöwaisachibökönö tjöpöjödobö. Ja̧danö, Diosma jobadö tjomajade 'ditjinö do̧tjatibökönö ja̧inobe, tjöpöjödobö. Jejenö ja̧inobe Diosma jobadönöma, itenöda tjichibokobö. Ja̧danö, jejenö ja̧inobe Diosma jobadönöma, sulabenö tjomukwati̧ tjöbalewachökönö, jö̧ba̧lö laebobe Dios iwenetjö, Isaías iwȩyudina wene.

Éxodo 14:8

Ja̧danö, Isabenö Jo̧ma faraónnö omajade 'diinö weiökwe Israel jojodönö yebabökönö labebajadönö lubö 'yi̧jetö, ömöayedö 'böawa waisadökwö.

Éxodo 9:35

Ja̧danö, faraónma omajade 'diinö ö̧jobetjö̧ webijökötö Israel jojodönö latjebobö. Isabenö Jo̧ Moisésnö yöawinadanö faraónma öpöjödijetö, Israel jojodönö latjebobö webökönö.

Éxodo 9:12

Jejenö baledijayonö Isabenö Jo̧ma faraón omajade 'diinö weobetjö̧ a̧ja̧kwijökötö Aarón Moisés yötjawi̧ma. Isabenö Jo̧ Moisésnö, a̧ja̧kwökakobe, jö̧ba̧lö yöa̧linadanö a̧ja̧kwijökötö faraónma.

Éxodo 7:13

Faraónma ja̧ baledi̧ edijayonö Isabenö Jo̧ yöa̧linadanö omajade 'diinö ö̧jobetjö̧ a̧ja̧kwijökötö.

Éxodo 3:20

Jo̧kwaobetjö̧ chujulu i̧sebö labi jawa baledinö wetocha Egipto jojodönöma. Jejenö baledaja̧ ikena faraónma ökwödönö a'dewö loakobe jobetjöma.

Éxodo 10:20

Jo̧kwaijayonö Isabenö Jo̧ma faraónnö, ina omajade 'diinö ji̧nö weobetjö̧ Israel jojodönö latjebobö webijökötö faraónma.

Éxodo 7:3

Aarónma jejenö yöa̧lijayonö faraónma omajade 'diinö wetobetjö̧ öpöjödakobe. Jwiinö chujulu chi̧sebima, ju'wibi, ju'wi labi̧ jawa Egiptonö webö chi̧sebijayonö

Isaías 6:10

Jau Isaias, nöinö yöka̧lawö̧, tjomajadenö omukwatöködö batjibanö yökawakwo̧ja, ja̧danö tjölakiyu a̧ja̧kwöködö batjibanö yökawakwo̧ja, ja̧danö tjöbajale tjewawadö batjibanö kwi̧sȩbakwo̧ja. Jo̧kwajabetjö̧ otiwanö yökawijayonö, tjölakiyunö otiwanö tja̧ja̧kwökakwedö, ja̧danö tjöbajalenö otiwanö tjedökakwedö, ja̧danö tjomajade okwa söinö tjomukwatökakwedö. Jobekwö otiwanö ösödö tjomukwatitjö̧ma, sulabenö tjomukwati̧ tjöbalewacho jö̧tja̧lena, ja̧danö lȩtebi̧tjö̧ tjö̧jibo jö̧tja̧lena, —jö̧balö weinobe Isabenö Jo̧ma ötjönö.

Éxodo 14:4

Jejenö omukwatinö yemidanö jo̧ba omajade 'diinö wetobetjö̧ ömöayedö 'böawa jojodökwö ökwödönö lubö i̧'yakobe. Ikenama faraónnö, okobe deinö iteda ömöayedö 'böawa waisadönö chujuluwobetjö̧ jojodöma ötjönö otiwanö tjomukwatakobe, Isabenö Jo̧da jwiinö juluwo̧ma, jö̧ba̧lö. Ja̧danö, okobe deinö Egipto jojodöma ötjönö tjöwaisachibakobe, webo̧ma Isabenö Jo̧da, jö̧ba̧lö— yöbawijetö Isabenö Jo̧ma Moisésnö. Ja̧danö, Moisésma Isabenö Jo̧ wei̧danö yöawawö̧ a̧ja̧kwijadötö, Israel jojodöma.

1 Pedro 2:8

Ja̧danö jelobe baikwö laebobe Dios iwene: Biwa inawama jojodö töbö metjakwawa baibanö ja̧kobe, jö̧ba̧lö laebobe. Jau chömöledö, jobadö Jesúsnö tjöpöjödijayonö, Diosma jo̧banöda ujuninobe inesö la'aka luwo̧ baibanö, ja̧danö jo̧banö öpöjödadöma Dios lȩebakwawö̧ tjö̧jobe. Jau chömöledö, Dios iwene tjöpöjödinobetjö̧, Jesúsnö öpöjödö töbö metjinobe, iteda iwene öpöjödadö töbö metjobö Dios omukwatö ujuninadanö.

2 Corintios 2:16

Ja̧danö, Dios lȩebakwawö̧ 'dö̧tjatemima, woinö omewi̧danö 'dö̧ekwi̧, ja̧danö yödawi̧ tjöpöjödobe. Jo̧kwaijayonö tjö̧jibakwedönöma wainö 'dö̧ekwi̧nö jo̧be, ja̧kwawa söinö omewi̧danö 'dö̧ekwi̧, ja̧danö yödawi̧ tjösödobe. Ja̧ otikwama waiya chömöledö, ¿dakwö otiwanö dotidoböjö?

Romanos 1:28

Chömöledö, bidöma, Diosnö tjomukwatoböma tjöpöjödobe. Ja̧danö, sulabeda tjomukwatiökwe jobadönö kaatibobe Diosma, Wainö sulabenö tjomukwati̧da ja̧bö ju̧kwadö, jö̧ba̧lö. Jo̧kwajabetjö̧, taba lö̧ji̧ jojodö ja̧awökö jawada i̧sebö ju̧kwadö.

1 Reyes 22:22

Abebö a̧ja̧kwökwe, –Acab ömöayedö, Dios yöawi̧ yöbawadökwö ichibö, Acabnö omöna yötja̧lobö wetocha, –jö̧ba̧lö Diosnö atadobekwö chedatö. Ja̧danö, atadökwe, –Jau, yöka̧laja̧danö ja̧baji. Acabnö omöna yöka̧lakwo̧ja, ja̧danö omöna yöka̧lajökwe, ösödakwo̧, –jö̧ba̧lö Dios yöa̧lobekwö chedatö.

Deuteronomio 2:36

—Jau chömöledö, okobe jwiinö Sijon iteboinemi comunidadtenia dujuluwijatö, Arnon ojwe ö'öbö jȩmi comunidad Aroertjöbi, ju'wi Arnon ojwe wabeko ö'wejenö ji̧ comunidadtjöbi, u'dakwö Galaad niji baibanö, okobe jwiinö dujuluwijatö. Ja̧danö, ju'wi comunidadkwena jwiinö mönö tjöekwinajayonö, yayonö bakwöta comunidadbi dujulutjö ji̧binokobe, okobe jwiinö dujuluwijatö, duluwo̧ Isabenö Jo̧ Dios ja̧ okobe jwiinö dujuluwobö iyobetjö̧.

Génesis 6:3

Ikenama Isabenö Jo̧ma jö̧ba̧lijetö: —Bidö jojodönö ötjö Cho̧'wo̧ Luwo̧ma ba̧kwȩlö̧jatebö itea'da̧lokobe woba jojodödatjobetjö̧. Tjo̧wi̧, babema lekwe tjö̧joböma wetökakobe, sule cientoveinte a̧yo jenanö tjö̧jobö wetocha— jö̧ba̧lijetö Isabenö Jo̧ma.

Éxodo 8:32

Jejenö weijayonö faraónma ina omajade 'diinö jo̧betjö̧ Israel jojodönö latjebobö webijökötö.

Éxodo 10:1

Ikenama Isabenö Jo̧ma Moisésnö webijetö: —Moisés, yemidanö faraón ö̧bobekwö 'yawi. Ja̧danö, jo̧ba omajade 'diinö ji̧nö, ipjea jojodö ömöayedönöbi tjomajade 'diinö ji̧nö wetobe, chujulu chi̧sebi̧ma tjedakobetjö̧.

Éxodo 10:27

Jo̧kwaijayonö Isabenö Jo̧ma faraónnö ina omajade 'diinö ji̧nö weobetjö̧ Israel jojodönö latjebobö webijökötö.

Éxodo 11:9

Ikenama Isabenö Jo̧ma yöba̧lijetö Moisésnö: —Faraónma ökwö yökawi̧ma öpöjödö a̧ja̧kwökakobe. Jejenö baledobe chujulu ju'wi jawabi ju'wi jawa chi̧sebakobetjö̧ Egiptonö— yöba̧lijetö Isabenö Jo̧ma.

Éxodo 11:10

Ja̧danö, faraónma okobe jwiinö Aarón Moisés tji̧sebi̧ma eda̧lijetö, ajayinö ichö tji̧sebemitjö bajaliyanö tji̧sebi̧ baibanö, Isabenö Jo̧ ujulunö tji̧sebi̧ma. Jo̧kwaijayonö Isabenö Jo̧ma faraón omajade 'diinö jinö weinobetjö̧ Israel jojodönö itebotjö latjebobö ina kabatakwawijökötö.

Éxodo 3:19

Jo̧kwaijayonö jo̧ba omukwatakwa̧ma chöwaisa. Öpöjödö yöa̧lakobe, Latjebobö wetokobe, jö̧ba̧lö. Jejenö omukwatitjö̧ ötjö jwiinö chujuluma chi̧sebocha Israel jojodönö latjebobö weobö.

Éxodo 8:11

Jwo̧i̧döma detjakobe ökwö kwö̧jelöma, ja̧danö kwömöayedö tjö̧jelöbi, kwömöledö tjö̧jelöbi. Nilo ojwe okwada batjibakobe— jö̧ba̧lijetö Moisésma faraónnöma.

Éxodo 8:15

Jejenö Isabenö Jo̧ma jwo̧i̧dönö wotjobö weijayonö faraónma, tjo̧wi otiwa, jwo̧i̧döma wotjajabe, jö̧balö edena ina omajade 'diinö ji̧jetö. Ja̧danö, Isabenö Jo̧ yöa̧linadanö a̧ja̧kwijökötö Moisés, Aarón atjebi̧ma. Israel jojodönö latjebobö webijökötö.

Éxodo 14:17

Ja̧danö, ötjöma Egipto jojodönöma tjomajade 'ditjinö wetocha lutjobö ökwödönö, ötjö jobadönö chujuluwobö. Ja̧danö, faraónnö, okobe deinö iteda ömöayedö 'böawa waisadönö chujuluwobetjö̧ jojodöma ötjönö otiwanö tjomukwatakobe, Isabenö Jo̧da jwiinö juluwo̧ma, jö̧ba̧lö.