Éxodo 39:41 - Dios Iwene

⁴¹ Ja̧danö, Aarón, Aarón itji̧mu ömadö 'dutjawakwa̧ o̧di̧ju̧ ichejebijadötö, otiwanö 'dö̧tjaja̧di̧ju̧, wainö ji̧ o̧di̧ju̧ma. Ja̧diju 'dubawajadöma, Aarón, Aarón i̧tji̧mu̧ Isabenö Jo̧ eju, inesö ejunö tjetjachakwedö, Isabenö Jo̧ wei̧ tjotidobö.

Éxodo 39:41 Referans Kwoze

Éxodo 39:1

Bezaleel, Aholiab, ju'wedö 'dö̧bijadötö jwiinö otiwi̧ jawa 'duawakwa̧, Diostjö jojodötjö tjö'da̧denö la'aka pjabato̧ 'duawakwa̧ o̧di̧ju̧ma. Ja̧ o̧di̧ju̧ma Isabenö Jo̧ eju okwa teachakwo̧ 'dubawö o̧di̧ju̧, Isabenö Jo̧ weina otidö. Ja̧ 'duawakwa̧di̧ju̧ma i̧sa̧do̧tjö 'dö̧bijadötö, ö̧'dö̧wi̧ opjiyakwö, duwayuwi̧ o̧pjiyakwö, duwi̧ opjiyakwö luledö tjiti̧laja̧di̧ju̧tjö. Ja̧danö, Aarón 'duawakwa̧di̧ju̧ma Isabenö Jo̧ Moisésnö 'dö̧tjobö weinadanö 'dö̧bijadötö.

Éxodo 31:10

Ja̧danö, ötjötjö jojodötjö dö'da̧de pjabatadö Aarón, Aarón i̧tji̧mu̧, ötjö wetina a̧ja̧kwö otidadö 'dutjawakwa̧di̧ju̧ jwiinö otiwi̧ kamisi 'dö̧awa tjöwaisakobetjö̧ pjabato̧sa.

Éxodo 28:2

Ja̧danö, weköbo 'dö̧awa waisadönö kwöpöe Aarón 'duawakwa̧ o̧di̧ju̧ 'dö̧tjobö, wainö o̧di̧ju̧, jwiinö otiwi̧ jawa o̧dijuma. Ja̧ 'duawakwa̧ o̧di̧ju̧ma ötjöda omudawö chujuninökwe 'duawakwa̧ o̧di̧ju̧, jojodöma jo̧banö edö, Isabenö itema la'aka luwo̧, wainö bo̧, jö̧ba̧lö, tjomukwatakobetjö̧. Ja̧danö, ja̧ 'duawakwa̧ o̧di̧ju̧ma jwiinö otiwa jawa o̧di̧ju̧.

Éxodo 28:40

Ina webijetö Isabenö Jo̧ma: —Aarón i̧tji̧mu̧ ömadö 'dutjawakwa̧bi 'dö̧tjo, okwasado̧ ödöado̧, diatakwawado̧, tjubutjawa'wo. Ja̧ 'dutjawakwa̧ma wainö ji̧ o̧di̧ju̧, jwiinö otiwi̧ jawa o̧dijuma. Ja̧danö ja̧ 'dutjawakwa̧ o̧di̧ju̧ma ötjöda omudawö chujuninawö̧ 'dutjawakwa̧ o̧di̧ju̧, jojodöma jobadönö edö, Isabenö la'aka luwedö, wainöbedö, jö̧ba̧lö, tjomukwatakobetjö̧.

Éxodo 39:40

Ja̧danö, eju apetu okwi'iju tjujunaduwakwa̧ o'iju ichejebijadötö, ja̧danö la'aka pjaeba̧li̧ o'ijubi. Ja̧danö, a̧petu tjujunaduwaka̧ okwi'ijunö tjö̧naduwakwa̧ o'wijubi, ja̧danö a̧petu teachakwawemi apjude tjö̧naduwakwa̧ o'wijubi ichejebijadötö. Ja̧danö, bö'ödakwawa ö̧'i̧ya̧, ja̧ ö̧'i̧ya̧ bajale di̧tjatakwa̧ a̧la̧chi'bo ichejebijadötö. Ja̧danö, ichejebijadötö okobe jwiinö jeju a̧petu ji̧ma, jeju okwa ji̧ma, Isabenö Jo̧nö omukwatö tjösödakwa̧, jojodö tjö̧'da̧denö ö̧jakweju ji̧ma.

Éxodo 39:42

Jadanö, Isabenö Jo̧ Moisés tjotidobö weinadanö otidijadötö Israel jojodöma, okobe jwiinö otiwanö.

Éxodo 28:28

Ikenama, ö'dö̧wi̧ opjiyanö omukosa̧do̧ o̧ki̧ju̧nö teebesa̧do̧, akwaka̧linö la̧kwa̧do̧ o̧ki̧ju̧kwö di̧tja̧to. Jejenö omukosa̧do̧ teebesa̧do̧kwö dötewanö 'diinö nönö ja̧kobe, di̧atakwawado̧ möakwö.