Éxodo 37:16 - Dios Iwene

¹⁶ Ja̧danö, mesasötenö tjödakwa̧ dȩja̧pi̧ya̧bi, deja'di̧ju̧bi, bakwai orotjö dadö otidijetö. Ja̧danö, ubasobu o'do̧bu tjipe'akwa̧ o̧'di̧ju̧bi, ja̧danö jobu pe'awa'dobi, bakwai orotjö dadijetö, Diosnö ösödö totjebakwa̧ jawama.

Éxodo 37:16 Referans Kwoze

2 Timoteo 2:20

Baikwö wanedö yötawakwö Timoteo: O̧do otiwejutjö nöinö dȩja̧pi̧ya jo̧be, ¿jö̧tö? Orotjö ja̧danö platatjö otikwa ö̧pi̧ya jo̧be, ja̧danö ju'wibi towisötetjö, ja̧danö letiatjö otikwa ö̧pi̧yabi jo̧be, ¿jö̧tö? Ja̧danö, ja̧ dȩja̧pi̧yatjö, orotjö, ja̧danö platatjö otikwaö̧pi̧yama, wainö ji̧ ö̧pi̧ya jo̧be, ja̧danö sule otiwa jawa anawaö̧pi̧ya, ¿jö̧tö? Jo̧kwaijayonö towisötetjö, ja̧danö letiatjö otikwaö̧pi̧yama mikwawökö ö̧pi̧ya jo̧be, ja̧danö suli̧ jawa anawa öpi̧ya, ¿jö̧tö?

2 Reyes 12:13

Jo̧kwaijayonö, ja̧ baladatjö Isabenö Jo̧ eju dȩja̧piyabi, dȩju̧wa'yu tiekwa jawabi, ju'wi dȩja̧piyabi, trompeta jawabi tjotidinokobe. Ja̧ jojodö Isabenö Jo̧ itea balada baibanö tjiyaja̧ baladatjö, oro otikwa jawabi, plata otikwa jawabi tjotidinokobe,

1 Reyes 7:50

dȩja̧piyabi, dȩju̧wa'yu tiekwa jawabi, dȩju̧wa'yu jawa dȩja̧piyabi, ju'wi dȩja̧piyabi, omewinö ubi̧ jawa deja̧pi̧yabi, okwasȩko̧ apjude jawa visagrasbi, nöȩko̧ apjude jawa visagrasbi. Okobe jwiinö ja̧ jawa bakwa̧i̧ orotjö otidinobe Salomonma.

Éxodo 25:29

Ja̧danö, mesasötenö tjödakwa̧ dȩja̧pi̧ya̧bi, deja'di̧ju̧bi, bakwai orotjö tjödado. Ja̧danö, ubasobu o'do̧bu pe'awa'do, ja̧danö tjipe'akwa̧ o̧'di̧ju̧ bakwai orotjö tjödado, ötjötjö jojodötjö dö'da̧denö pjabato̧ ötjönö ösödö tobebö iyakwa̧ma.

Éxodo 37:17

Ja̧danö, deju̧wa'yu o̧'di̧ju̧ ja̧ka dadijetö, bakwai orotjö. Ja̧danö, dȩju̧wa'yu o̧'di̧ju̧ ja̧kama baikwö ichejekwinö dadijetö: Bakwai orotjö 'dobö la'aka isa'o dadijetö, ja̧danö, bakwainö la'aka isa'otjö dötewanö okwi'o ji̧nö dadijetö, bakwai orotjö 'dobö. Ja̧danö, ja'otjöda dötewinö dadijetö, o̧bu̧bi̧ya̧danö ichejekwinö, almendra mikwi̧ i̧sa̧bu̧danö ichejekwinö. Ö'wejemu jawa o̧bu̧bi̧ya̧danö ichejekwinö dadijetö. Ja̧danö, o̧bubi̧ya la'aka ji̧nöbi, o̧bubi̧ya̧ ji̧nöbi dadijetö, dȩju̧wa'yu okwi'otjö bakobe 'diinö dötewanö. Ja̧danö, abönö wa̧pöbukwa o̧bubi̧yatjö bakwabukwenatjö̧ öjabi̧ya ji̧nö dadijetö, o̧bu̧tjö laebi̧danö öjabiyama, isa'o bakwachakwadanö ji̧nö, wa̧pöjakwa möakwö wi̧so̧inö. Ja̧danö, öjabi̧ya bakwöjakwenanö almendra o̧bu̧bi̧ya wa̧pöbukwa o̧bubi̧ya ji̧nö dadijetö, o̧bubiya la'aka ji̧nöbi o̧bubi̧ya̧ ji̧nöbi. Öjabiya isa'o bakwachakwadanö laebi̧ öjabiyatjö dadijetö, o̧bubiya ji̧nö wa̧pöbukwa bakwöjakwena.