Éxodo 37:1 - Dios Iwene

¹ Ja̧danö, Bezaleel otidijetö isapjo acacia towi ötetjö. Wayobekwöma un metro diez centímetrosnö, ja̧danö jakwölakwöma sesenta y cinco centímetrosnö, ja̧danö möakwöma sesenta y cinco centímetrosnö otidijetö.

Éxodo 37:1 Referans Kwoze

Éxodo 26:33

Ikenama ja̧do̧ tjöekwado̧ma okwi'ijunö debatö tjö̧no o̧ki̧ju̧nö akwatö. Ja̧danö, ja̧do̧ tjöekwemi o̧pesȩko̧nö, inesö la'akasȩko̧nö isapjo e'ewö tjujuno, domulataja jawa weawa weti̧ wȩyu̧kwa öbiya a̧ja̧kwapjoma. Tjöekwado̧ma la'akaseko̧tjö inesö la'akasȩko̧tjö tjöeba̧linö la̧kobe.

Éxodo 40:3

Jeju okwa, inesö la'akasȩko̧nö inesösȩko̧nö isapjo kwujunaduwo, ötjö domulataja jawa wetina wȩyukwa öbiya a̧ja̧kwapjoma. Ja̧danö, ja̧pjo badeibö tjöekwado̧ kwö̧naduwo okwi'ijunö, japjo tjöekwa̧li̧nö.

Éxodo 31:7

Ja̧danö, jobadö tjotidakwa̧ma bi̧ya: Ökwödö kwö'da̧deduwinö chö̧jakweju, ja̧danö ötjö wetina inabiya wȩyukwa a̧ja̧pjo, ja̧danö japjo muchekwapi, ja̧danö okobe jwiinö cheju okwa jawa.

Hebreos 9:4

Ja̧danö isapjo ji̧nobe, Diosnö iyawemima. Japjo wamenö söinö nöekwi̧ jawa juwiatjinobe, okwasȩko̧tjö Diosnö iyö. Japjoma, towi ötebiatjö tjotidinapjo. Ja̧danö, japjoma orosapitjö pötjebinapjo okwakwöchobenöbi, wamekwöchobenöbi. Ja̧danö okwasȩko̧, jwiinö inesösȩko̧nö jelepjo ji̧nobe. Japjobi orosapitjö pötjebinapjo, okwakwöchobenöbi, o̧pekwöchobenöbi. Japjoma Dios jojodönö ajayinö yöbawö ujunina wanekwachinapjo. Japjo okwa orotjö otikwa'do̧ a̧jinobe, Dios Israel jojodönö iyina kwakwawa maná mikwi̧ a̧ja'do̧ma. Ja̧danö, Aarón kwebachö otokwawina'obi, pokwa'o a̧jinobe ja̧pjo okwa. Ja̧danö inabiyabi, Dios jojodönö ajayinö yöbawö junö iwȩyudina öbiyama japjo okwa a̧jinobe.

Éxodo 37:2

Ja̧danö, japjo wame okobe jwiinö bakwai̧ orosapitjöda pöbebijetö, o̧pekwöchobenöbi okwakwöchobenöbi. Ja̧danö, japjo mö ö'öbö okobe jwiinö bakwai̧ orotjöda ö'öbösö'bönö dadijetö.

Deuteronomio 10:3

Jo̧kwajabetjö̧, jejenö wei̧tjö̧, acacia towi ötebiyatjö isapjo chotidijatö, ja̧danö inaba döbalataja chotidijatö. Ikenama, inabiya e'ewö mösa'o chönöchijatö.

1 Crónicas 2:20

Ja̧danö Hurma Uri mikwo̧ abe'doinobe, ja̧danö Urima Bezalel mikwo̧ abe'doinobe.