Éxodo 36:10 - Dios Iwene

¹⁰ Ja̧ o'wiju domulataja jawa o'wijutjö bakwamu jawa o'wijuma 'da̧batö bakwa'wokwena wayobekwö ö'öbönö tjo̧beba̧lö 'dö̧bijadötö, bakwa'wo jala'wo baibanö. Ja̧danö, ju'wi o'wiju bakwamu jawa o'wijubi wayobekwö ö'öbönö tjo̧beba̧lö 'dö̧bijadötö, bakwa'wo jala'wo baibanö. Jejenö ja̧li̧ o'wiju do'wolataja ji̧jetö.

Éxodo 36:10 Referans Kwoze

Filipenses 3:15

Okobe deinö do̧'wo̧ luwo̧nö da̧peachinadöma jejenö Cristonö döwaisobö disakwo chömöledö, ja̧danö, ökwödötjö ju'wedö ina jejenö kwisakwaduwobö kwomukwataduwökötjö̧ma, Diosma i̧sebakobe ökwödönö, Cristonö kwöwaisaduwobö isakwö kwö̧jaduwo, jö̧ba̧lö.

Filipenses 2:2

Jejenö jo̧be chömöledö, jo̧kwajabetjö̧ cho̧'wo̧ ösöwachibanö pjabataduwi chömöledö. Jau chömöledö, ökwödöma bakwainö omukwatö, ja̧danö bakwainö ösödabikwawö ja̧nö, ja̧danö kwo̧'wo̧ luwo̧duwitjö bakobe bakwöta jawada omukwatö kwö̧jaduwitjö̧ma, cho̧'wo̧ ösöwachibakobe.

Efesios 1:23

Wanedö yötawa chömöledö: Ökwödö Jesúsnö ösödadöma iteda iteba'obedösa. Ja̧danö, Diosma kabebö wanijetö Jesúsnöma, jo̧ba iteba'obedönö öbibö jo̧ baibanö. Ja̧danö, jojo uu öibobedanö Cristoma itenöda ösödadönöma, iteda iteba'obedönöma, öbibö jo̧. Ja̧danö, uu wainö jö̧könö, iteba'o dötewinö ji̧danö Cristoma ökwödö, iteda iteba'obedökwö dötewinö jo̧. Ja̧danö ökwödöbi, Cristo iteba'obedöma jo̧dawa'ye jö̧könö, Cristokwö dötewinö ja̧dösa. Ja̧danö: Cristokwö bakobe babibö ökwödöma jwiinö otiwadö babibinadösa, Cristokwö dötewinö dö̧jobetjö̧.

1 Corintios 12:27

Jau chömöledö, yötawaja̧ma baikwö labebö lobö yötawa: Ökwödöma Cristo iteba'obedöja, ja̧danö okobe deinö bakwo̧nökwena Cristo iteba'o jawa kwö̧jaduwobe.

1 Corintios 12:20

Jo̧kwaijayonö, tjiteba'oma bakwöta jawadaokobe chömöledö, nöinö jo̧be tjiteba'o jawa chömöledö. Ja̧danö nöinö tjiteba'o jawa ji̧jayonö, bakwa'oda baibanö jo̧be.

1 Corintios 1:10

Chömöledö, Duluwo̧ Jesucristo iminö wetaduwakwö bakwainö omukwatö kwö̧jaduwobö, ja̧danö kwömöledö Jesúsnö ösödadökwö ölakwabikwawa jwiinö kwö̧jaduwobö. Jau chömöledö, ju'wedö kwömöledö Jesúsnö ösödadökwö bakobe ja̧nö, isabenö bakwainö omukwatö, ja̧danö bakwainö ösödö kwö̧jaduwo.

Hechos 2:1

Ja̧danö, pjiesta möle, Pentecostés ötjabi pjiesta möle baibena okobe deinö Jesúsnö ösödadöma bakwejunö ko̧ko̧kwachijadötö.

Éxodo 26:3

Ikenama, ja̧ o'wiju do̧mu̧lataja jawa o'wijutjö bakwamu jawa 'dö̧awa o'wiju 'da̧batö bakwa̧'wokwena wayobekwö ö'öbönö tjo̧beba̧lö 'dö̧tjo, bakwa'wo jala'wo baibanö. Ja̧danö, ju'wi o'wiju, bakwamu jawa o'wiju ja̧danö wayobekwö ö'öbönö tjo̧beba̧lö 'dö̧tjo, bakwa'wo jala'wo baibanö. Jejenö ja̧li̧ o'wiju do'wolataja ja̧kobe, bakwa'wokwena bakwamu jawa 'dö̧awa o'wijutjö tjo̧beba̧lö 'dö̧awama.

Éxodo 36:9

Bakwa'wokwena wayobekwö doce metros y medio ja̧danö, ja̧kwölakwö dos metros, bakwa'wokwena bakwainö.

Éxodo 36:11

Ja̧danö, bakwa'wokwena wayobekwö ö'öbönö isa̧ko̧danö ichejekwi̧ ö'dö̧wi̧sa̧do̧tjö 'dö̧tja̧ja̧ki̧ju 'dö̧bijadötö.