Éxodo 35:26 - Dios Iwene

²⁶ Ja̧danö, 'ya̧dötjö ju'wedöma, chi̧wo̧dö tjöwö'yetjö dölawa waisadö, tjomajade tjösödinö meajawö̧ma dölawijadötö.

Éxodo 35:26 Referans Kwoze

Éxodo 35:21

Ikenama, jobadötjö tjomajadenö tjösödinö meajawö̧ma do̧'wo luwo̧nö pjadatobö dösöda, jö̧ba̧lö, e'ewö 'yi̧jadötö Isabenö Jo̧ eju tjotidakwa̧ jawabi, ja̧danö eju okwa junawa tjötidakwa̧ jawabi iyö. Ja̧danö, Aarón, Aarón itji̧mu jwiinö otiwanö, wainö ji̧ 'dutjawakwa̧di̧ju i̧sa̧dijuma 'dö̧tjakwa̧ jawabi e'ewö yi̧jadötö, iyö.

Éxodo 36:8

Okobe deinö Isabenö Jo̧ inesö eju otidadöma o̧do otikwa jwiinö waisadöda otidijadötö. Ja̧danö, i̧sa̧'wo do'wolataja jawa o'wijuma muchebijadötö jejuma. Tjumuchebaja̧'woma jwiinö otiwi̧ jawa, lino mikwi̧ opiyatjö ja̧danö, ö̧'dö̧wi̧ opjiakwöbi luledö, duwayuwapjiakwöbi luledö, duwapjiakwöbi luledö tjitilina'wiju. Ja̧'wonö bakwa'wokwena bakwo̧ 'dö̧awa waiso̧ma ángeles, queribines mikwadö wanekwachadönö otiwanö 'dö̧bijetö isa'wonö.

Éxodo 35:29

Ja̧danö, okobe deinö Israel jojodö tjomajadenö tjösödinö meajawö̧ma, Pjadatobö dösöda, jö̧ba̧lö ömadöbi ya̧döbi ichejebijadötö Isabenö Jo̧ Moisésnö weina jawa, tjotidakwa̧ jawama, Isabenö Jo̧nö ösödö kabebö iyö.

Éxodo 35:25

Ja̧danö, okobe deinö ya̧dö tjö̧mamijunö opjiya dölawa waisadöma do̧latijadötö. Do̧lajadöma ö̧'dö̧wi̧, duwayuwi̧ duwi̧ baibanö bu̧datijadötö. Ja̧ opjiya, ja̧danö jwiinö otiwi̧ jawa oyubiya lino mikwi̧tjö̧ dölawa oyubi e'ewö 'yi̧jadötö tjiyobö.

Éxodo 35:27

Ja̧danö, Israel jojodötjö la'aka luwedöma e'ewijadötö nöinö mikwawi̧ inawiyama, onice mikwi̧ inawiyabi, ju'wi inawiyabi, orotjö otikwa ötebiyanö tjöpöchobö. Ja̧ öwiyama Diostjö jojodötjö tjö'da̧denö la'aka pjabato̧ kamisi ja'önönö la̧do̧nö, ja̧danö omukosado̧nö akwacha̧linö tjönönakwa̧ öwiyama.

Éxodo 36:2

Jo̧kwaobetjö̧ Moisésma jwöbijetö Bezaleelnö, Oholiabnö, ja̧danö, ju'wedö o̧do otikwa waisadönö tjichobö, okobe deinö o̧do otikwa waisadö batjibanö Isabenö Jo̧ pjaatawö̧nöma, ja̧danö, tjomajadenö, Isabenö Jo̧ eju dotidobö dösöda, jö̧ba̧lö, omukwatadönöma.

2 Reyes 23:7

Ju'wibi, Isabenö Jo̧ ejutjö ȩkiju, Aseranö ösödakwawa otidadö, Aseranö ösödadökwö 'da̧'da̧bö ju̧kwadö tjö̧jekijuma, söbebö loinobe Josiasma. Ja̧ Josias söbebö loinȩkijutjö ju'wibi ajayinö Aseranö ösödakwawa sabana o'wiju 'dö̧tjinobe ya̧döma.

Proverbios 31:19

Jobujuma jömamunö bakwachekwadanö do̧ba̧lö döluju kamisi jotidobö.