Éxodo 33:9 - Dios Iwene

⁹ Ja̧danö, Moisésma jeju okwa teachena ojwiyo'wo ja'da'daa'woma mölejebetjö jwibachö jamatiaijetö eju teachakwawemi. Ja'wotjö Isabenö Jo̧ma Moisésnö yöba̧liaijetö.

Éxodo 33:9 Referans Kwoze

Éxodo 31:18

Ikenama yöbawö kabatibö Isabenö Jo̧ma Moisésnö iyijetö inabiya döbölataja jawa öbiya, iteda wei̧ wȩyukwa öbiyama. Ja̧danö, Isabenö Jo̧ma, iteda ujulunö wȩyudijetö ja̧biyanö.

Éxodo 34:9

Ja̧danö, jö̧ba̧lijetö Isabenö Jo̧nö: —Isabenö Jo̧, ötjönö dösölö̧jinö kweditjö̧ma ökwödökwö kwekacho. Isabenö ökwödöma duu 'di̧badödijayonö kwicho ökwödökwö. Ja̧danö, dusuli̧ma, sulabenö omukwatö ja̧di̧ma, söbebö loköbo. Ja̧danö, ökwödönö kwemo, bidöma ötjö chömöledö, jö̧ba̧lö.

Éxodo 34:3

Ja̧danö, jelo̧ ökwökwö nöchö ichoko. Bakwo̧bi deobö jo̧be bi'onöma, okobe jwiinö. Ja̧danö, kwajwi̧mu̧duwibi o̧bȩja̧dö, chi̧wo̧dö, pa̧ka̧yö ja'o la'akanö pokwina'ye tjukwoko— webijetö Isabenö Jo̧ma Moisésnöma.

Éxodo 33:11

Ja̧danö, Isabenö Jo̧ma Moisésnö jweinö jöba̧liabijetö,bakwo̧ iteda yö̧ne ömöledöso̧nö dösölö̧jinö yöa̧li̧danö. Yöba̧lö kabatibö Moisésma ȩwa̧jijetö Israel jojodö tjuju̧kwobekwö. Jo̧kwaijayonö Moisés ömöayo̧, Josué mikwo̧ma, ȩwa̧jökönö jejunöda ji̧abijetö.

Éxodo 25:22

Moisés, jobeda, ökwönö yöba̧lö chichocha, ö̧tjö weti̧ wȩyukwa öbiya a̧ja̧pjo muchekwapi wamenö. Ja̧pi wamenö ja̧dö, queribines mikwadö tjö'da̧denö chichocha. Jobetjöda ökwönö yötawocha kwö̧jaduwobö weti̧ma, Israel jojodönö yökawobö— webijetö Isabenö Jo̧ma Moisésnö.

Génesis 18:33

Ikenama Abrahamkwö yöba̧lakwawö kabatö Isabenö Jo̧ Diosma 'yijetö Sodomabe. Ja̧danö, Abrahamma ejube ȩwa̧jijetö.

Génesis 17:22

Ikenama Diosma Abrahamnö yöba̧lö kabatö labebajijetö.

Éxodo 33:8

Ja̧danö, Moisésma jeju jobekwö i̧'yena okobe deinö jojodöma tjejukwena apjudenö eda̧liabö ji̧abijadötö jejunö teachobema.

Éxodo 33:10

Ja̧danö, jojodöma ja'wo edö okobe deinö idöda tjejukwena apjudenö ja̧matö tjöba bȩbachibö nijakwö tjuunö Isabenö Jo̧nö ösödiabijadötö.

Éxodo 34:5

Ikenama Isabenö Jo̧ma ojwiyo'wo ja'da'daa'wo okwa jwibachibö jamatijetö Moisés ipjeanö. Jejenö jamatö, Isabenö Jo̧sa, jö̧ba̧lö, jwöbijetö iteda imima.

Deuteronomio 31:14

Jemi ikenama Isabenö Jo̧ma Moisesnö yöa̧linobe, —Moises, ö'wö bakibakwa̧ mölema ida̧ökö yöneawachibobe. Jo̧kwajabetjö̧ Josuenö jwököbo, kwö̧jobekwö ichobö, ja̧danö jo̧bakwö chejube chöba a'o kwi̧sȩkwaduwobö kwicho, israel jojodö tjuluwo̧ baibanö Josuenö 'da̧batö chujunakobetjö̧, —jö̧ba̧lö. Yöa̧liawö̧, Moisesbi, Josuebi Dios ejube tji̧'yinobe, Dios öba a'o tji̧sȩkwobö,

Deuteronomio 31:15

ja̧danö tjichibiökwe, Isabenö Jo̧ma jobadönö ojwiyo'wo ja'da'da'wonö öwawachinobe jobadönö, ja̧danö ojwiyo'woma Dios eju teachakwawena lamatinobe.