Éxodo 32:5 - Dios Iwene

⁵ Ja̧danö, Aarónma jobadö tjo̧'wo̧ jawa tjösödobe edena juwö iyawemi otidijetö, pakaya itji̧ o̧'wo̧ jawa badeibö, o̧'wo jawa ösödö tjiyobö. Ikenama yöba̧lijetö okobe deinö: —Itekwayima ba'ali̧ Isabenö Jo̧nö ösödö— yöba̧lijetö.

Éxodo 32:5 Referans Kwoze

2 Reyes 10:20

Ja̧danö, tupakwö weinobe Jehuma, —Inesö Baalnö dösödakwa̧ möle omudawö kwujunaduwo, okobe deinö ichibö ja̧ möle otiwanö Baalnö dösödakobetjö̧, —jö̧ba̧lö. Ja̧danö, weaja̧danö ösödakwawa möle yötjawinobe.

1 Corintios 5:8

Ja̧danö, wanedö yötawa: Ja̧ Dios ökwödönö dö̧jibinö ja̧ina pjiesta dujunaduwo chömöledö, ja̧danö jejenö dujunenama, damötjö jawama ye'yeachi̧ ji̧ panpja̧ dukwoko. Jau chömöledö, Dios öpöjödinö ja̧awa ye'yeachi̧ jawa ji̧ panpja̧ dukwoko, sulabenö ja̧awa ye'yeachi̧ jawa ji̧ panpja̧ dukwoko. Ju'wida dukwaduwo chömöledö, ye'yeachi̧ jawa jwii̧ panpja̧da, bakwainö otiwi̧ jawa ji̧, isabenö wene ji̧ panpja̧da dukwaduwo chömöledö.

2 Reyes 16:11

Jobekwö Damascotjö weiökwe, ö'weje pjabato̧ Uriasma bakwainö i̧wȩyudaja̧danö iyawapjo otidinobe, ja̧danö Acaz Damascobetjö ȩwa̧jö ichibakwa̧ abönö otidö kaatibinobe.

1 Reyes 21:9

Jezabel jiwȩyudinama baikwö laebobe: —Jojodö ö̧tö̧chö tjö̧jakwa̧ möle omudawö kwujunaduwo, ja̧danö ja̧ möle, Nabotnö kwujunaduwo, jojodö tjöba a'o.

1 Samuel 14:35

Ja̧danö, jobetjö Saulma Isabenö Jo̧nö iyawöte mesasöte ujuninobe, Diosnö ösödö. Ja̧danö, jötema, ajayinö Saul otidö ujuninöte.

Éxodo 32:4

Ikenama Aarónma ja̧ orotjö otikwa tjiyaja̧ ökwölanö tubinö tobajo̧ isobuma tjobebijetö isa'onö, pakaya itji̧danö ichejekwo̧ o'wo jawa baibanö. Jejenö otidijetö Aarónma pakaya itji̧danö ichejekwo̧ o̧'wo̧ jawa. Israel jojodöma Aarón otidajökwenö edö jö̧ba̧lijadötö: — Ökwödö Israel jojodö dösödökwe dios biteda. Biteda Egiptotjö ladebinö öbibö pjabatinama— jö̧ba̧lijadötö.

Éxodo 12:14

Ja̧danö, ökwödöma ba̧kwȩlö̧jatebö bakwöta o̧bakwena ötjö, Isabenö Jo̧ pjatatina, kwejubiya wame chöbaledinama omukwatö ba'ali kwujunaduwo, ötjö babe möle weti̧danö. Ja̧danö, weawa baibanö kwiweyudaduwo ba̧kwȩlö̧jatebö ökwödötjö jojodöbi ja̧ ba'ali tjujunobö, jobadöbi, jobadötjö tupadanö jojodöbi, ötjö pjatatina omukwatö.

Éxodo 10:9

—Ökwödö okobe deinö di̧'yobö jo̧be, tjemubi damöbi okobe deinö. Ditji̧mu̧ ömadönöbi ya̧dönöbi öbibö di̧'yobö jo̧be, ja̧danö da̧jwi̧mu̧nö o̧bȩja̧dönöbi chi̧wo̧dönöbi pa̧ka̧yönöbi öbibö di̧'yobö jo̧be. Okobe deinö di̧'yobö jo̧be, Isabenö Jo̧nö ösödö ba'ali dujunakobetjö̧—

Éxodo 32:6

Ja̧danö, ju'wi dewachö, yȩayi wiluibö jojodöma a̧ji̧kwakwawedönö öbibö 'yi̧jadötö juwö iyawobekwö, a̧ji̧kwakwawedönö juwö iyö. Ja̧danö, ju'wedö tjiyawö̧nöbi juwö iyö öbibö 'yi̧jadötö Isabenö Jo̧kwö wene jwiinö tjö̧jakobetjö̧ iyawama. Juwö tjiyaja̧ ikena bamatijadötö tjukwobö, ja̧danö o̧'do̧bu̧ tjowobö. Kwanö owö katjataja̧ ikenama sulabenö obö baile 'döbijadötö.

Éxodo 17:15

Ikenama Moisésma juwö iyawemi otidijetö. Jemima midijetö, Isabenö Jo̧ma döpjojodönö dujuluwobö pjabato̧, jö̧ba̧lö.