Éxodo 32:4 - Dios Iwene

⁴ Ikenama Aarónma ja̧ orotjö otikwa tjiyaja̧ ökwölanö tubinö tobajo̧ isobuma tjobebijetö isa'onö, pakaya itji̧danö ichejekwo̧ o'wo jawa baibanö. Jejenö otidijetö Aarónma pakaya itji̧danö ichejekwo̧ o̧'wo̧ jawa. Israel jojodöma Aarón otidajökwenö edö jö̧ba̧lijadötö: — Ökwödö Israel jojodö dösödökwe dios biteda. Biteda Egiptotjö ladebinö öbibö pjabatinama— jö̧ba̧lijadötö.

Éxodo 32:4 Referans Kwoze

Deuteronomio 9:16

Ja̧danö, yutubajo̧, chedijatö, isabenö Dios yöa̧laja̧danö, kwuluwo̧duwi Isabenö Jo̧ Dios wei̧ a̧ja̧kwökönö, pakaya itji̧ o̧'wo jawa orotjö kwotidinaduwama. Jau chömöledö, Isabenö Jo̧ma jweinö ökwödönö o̧'wo jawa kwotidaduwokobö weinajayonö, juluwanö jo̧ba wei̧ kakatibinaduwobe.

Hechos 7:41

Ja̧ mölema da'dödömine, Moisés egiptotjö labebö pjaatinawö̧ma otidijadötö tjo̧'wo̧ tjöwana̧lökwenö, pakayadanö ichejekwo̧nö. Ikenama tjotidajökwenö juwö iyijadötö. Ja̧danö tjotidajökwenö edö ösödijadötö, idöda tjotidajökwenö.

Éxodo 32:8

Ida̧kö ötjö wetina a̧ja̧kwökönö lotjajabe. Jobadöma orotjö otikwa ökwölanö tubinö tobajadö isobu isa'onö tjotjebinobe, pakaya itji̧danö ichejekwo̧ laebinö. Jemi ikenama o'wo jawa ösödö juwö tjiyajabe a̧ji̧kwakwawedönöma. Ja̧danö, yötjalobe, Ökwödö Israel jojodö dösödökwe dios biteda, jö̧ba̧lö. Biteda Egiptotjö ladebinö öbibö pjabatinama, jö̧ba̧lö, yötja̧lobe— yöbawijetö Isabenö Jo̧ma Moisésnöma. Ina yöbawijetö:

1 Reyes 12:28

Jobekwö omukwatajo̧, iteda ömöayedö waisanö omukwatobö pjabatadökwö yöa̧lakwawinobe, ja̧akwa̧ öwaisachibobö. Ikenama, yöba̧lakwawajadö, Jeroboanma du̧ju̧taja pakaya itji̧mu tjo̧'wo jawa otidinobe, ja̧danö otidajo̧ bakwo̧nö u'dakwö ji̧ comunidad Dannö ujuninobe, ja̧danö a̧li̧kwö ji̧ comunidad Betelnö jelo̧nö ujuninobe. Jejenö junajo̧, ömöayedö israel jojodönö yöawinobe, —Chömöledö israel jojodö, isabenö waiyobe ökwödönö Diosnö kwiyaduwobö baibenama, ba̧kwelöjatebö ödö Jerusalen comunidadbe kwi̧'yaduwoböma. Jo̧kwajabetjö̧, ödöobetjö̧, ökwödönö pjabatö bidö ökwödö israel jojodö dösödawö̧nö tjo̧'wo jawa chotidajabe. Jau chömöledö, bidöma, ökwödö dösödawö̧, damötjö Egipto nijitjö ladebinö baikwö ditebobe dichibanö ichejebinadö tjo'wo jawa, jo̧kwajabetjö babema tjöba a'otjö, bemi ditebonöda otiwanö kwiyaduwobö jo̧be. Jau chömöledö, Diosnö kwiyaduwobö baibenama, Jerusalenbe 'yökönö, bidö tjo'wo jawa chotidajawö̧tjö bakwo̧ öba a'o ichiböda, otiwanö kwiyaduwena, —jö̧ba̧lö yöawinobe Jeroboanma.

Hechos 17:29

Jo̧kwaobetjö̧, isabenö ökwödöma Dios otidinawö̧obetjö̧ ¿dakwö kwomukwataduwobö Diosma orotjö, platatjö, inawatjö, jojodö omukwatö tjotidi̧danö ichejekwo̧, jö̧ba̧löma? Ja̧maökö. Dios, ökwödönö otidinama ja̧ jojodö tjotidi̧danöma ichejekwö̧kö̧.

Isaías 46:6

O̧'wo jawa domukwato, baikwö: O̧'wo jawa tjösödakwedöma, tjitea balada a̧ja̧'wotjö oro 'wabebadö, ja̧danö plata nönö ba̧ja̧dadö. Ikenama orotjö otikwa jojonö webadö, tjösödökwe o̧'wo jawa baibanö otidobö. Jemi ikenama, otidajökwenö bȩbachibö ösödadö, —Chuluwo̧ dios, —jö̧ba̧lö.

Éxodo 20:23

Wetatö ökwödönö: Kwo̧'wo̧duwi jawa kwösödaduwawö̧nöma, platatjö, orotjö kwotidaduwoko. Ötjönö kabatibö ju'wedönö, kwo̧'wo̧ jawa kwösödaduwobö kwotidaduwoko. Sule, ötjönöda kwösadaduwo.

2 Reyes 10:29

Jo̧kwaijayonö, otiwanö Baalnö ösödakwawa söbebö loinajayonö, ayayi israel la'aka luwo̧bina Jeroboan sulabenö ja̧ina jawa kaatibinokobe. Jeroboanma du̧ju̧taja pakaya itji̧mu tjo̧'wo jawa orotjö otidinobe, ja̧danö otidajo̧, Betel comunidadnöbi, Dan comunidadnöbi ujuninobe, ja̧danö israel jojodönö weinobe, jobadönö tjösödobö. Ja̧danö, ina jobadönö sulabenö ösödinobe Jehuma, ja̧danö israel jojodö jobadönö tjösödobö weinobe.

Éxodo 32:1

Moisésma mö'ösa'onö lekwe yutubajökönö ö̧jiawö̧ Israel jojodöma Aarón ö̧jobekwö 'ya̧wibö abebijadötö: —Moisés, ökwödönö Egiptotjö labebö öbibajinama dea. Taji waekwinajö wajwida. Jo̧kwaobetjö̧ do̧'wo̧ jawa juluwanö kwotido dökömanö öbibö 'yo̧nö— abebijadötö Israel jojodöma Aarónnö.

1 Reyes 12:32

Ja̧danö, Juda nijitjö löwötenö ja̧kwawa ba'ali juniatji̧danö, jelemutjö wamedukwa jawo̧nö, a̧li̧samutjö bakwamu jawa mölenö ba'ali tjujunobö weinobe Jeroboanma. Ja̧danö, Betel comunidadtjö, iyawöte wame iteda otidinawö̧ o̧'wo jawa öba a'o, iyawa iyinobe Jeroboanma. Ja̧danö, ju'wibi jobe Beteltjö ju'wedönö 'da̧batö ujuninobe, möemi iyawemitenia otidadö, ö'weje pjabatadönö, iyawemi tjotidakobetjö̧.

Éxodo 28:11

Jo̧ba 'dȩbö wȩyudo̧ma ja̧ otikwa jwiinö waiso̧da otidakobe, seyu 'dȩbö wȩyukwadanö. Ikenama, bakwawakwena orotjö otikwa öte öpöcho.

Éxodo 28:9

Ja̧danö, inawiya onice mikwi̧ öwiya, döwölataja oledö tjotido. Oledö tjotidaja̧nö 'dȩbö iwȩyudo 'dȩbö wȩyukwa waiso̧ma. Bakwawakwena 'dȩbö iwȩyudo Jacob i̧tji̧mu̧, a̧li̧nösamutjö̧ du̧ju̧tajanö tjimibiyama.

Éxodo 20:2

—Ötjöma Isabenö Jo̧sa, Kwösödaduwökwe Diossa. Ötjödasa Egiptotjö lakebaduwinö pjabatinama, Egipto jojodö wetjawö̧ otidö kwö̧jaduwitjö. Baikwö wetaduwakwö:

1 Corintios 10:7

ja̧danö, o̧'wo̧ jawa dösödapji jö̧ba̧lö, jobadö tjösödinadanö. Jau chömöledö, judío jojodö tja'dödönö baikwö laebobe Dios iwenema: Jojodö bamatö tjukwinobe, ja̧danö tjowinobe. Ikenama sulabenö ja̧bö baile dötjinobe, jö̧ba̧lö laebobe.

Éxodo 32:3

a̧ja̧kwijadötö. Okobe deinö orotjö otikwa sasiyubiyama jȩbatö e'ewijadötö Aarónnö iyö.

Éxodo 32:5

Ja̧danö, Aarónma jobadö tjo̧'wo̧ jawa tjösödobe edena juwö iyawemi otidijetö, pakaya itji̧ o̧'wo̧ jawa badeibö, o̧'wo jawa ösödö tjiyobö. Ikenama yöba̧lijetö okobe deinö: —Itekwayima ba'ali̧ Isabenö Jo̧nö ösödö— yöba̧lijetö.

Éxodo 32:7

Ja̧danö, Isabenö Jo̧ma, ina Moiséskwö mö'ösa'onö ja̧nö yöbawijetö Moisésnö: —Moisés bi'otjö yutubaji̧ kwömöledönö kwedo. Jobadö Egiptotjö lakebinawö̧ma tjomajadenö jwiinö sulabenö omukwatö tjö̧jobe.

Éxodo 32:24

Jo̧kwaobetjö̧ wetijatö, okobe jwiinö orotjö otikwa kwujuna̧laduwi̧ sasiyuma jȩbatö kwichejebaduwiotjö. Jejenö wetiawö̧ orotjö otikwa tjujuna̧laduwi sasiyu jȩbatö tjichejebijatö ötjönö iyö. Ja̧ sasiyu ökwölanö lotaja̧ ikena ¡ayö! ite pakaya itji̧danö ichejekwo̧ o̧'wo̧ jawa laebijatö— jö̧ba̧lijetö Aarónma Moisésnöma.

Éxodo 32:35

Jemi ikenama Isabenö Jo̧ma labinö tjö'wöchi̧ jawa webijetö Israel jojodönö, pakaya itji̧danö ichejekwo̧ o̧'wo jawa otidobö wetjinobetjö̧ Aarónnöma, ja̧ o̧wo jawa tjösödobö.

2 Reyes 10:20

Ja̧danö, tupakwö weinobe Jehuma, —Inesö Baalnö dösödakwa̧ möle omudawö kwujunaduwo, okobe deinö ichibö ja̧ möle otiwanö Baalnö dösödakobetjö̧, —jö̧ba̧lö. Ja̧danö, weaja̧danö ösödakwawa möle yötjawinobe.

Isaías 30:22

Ja̧danö jobekwö ö̧ba̧jadiawö̧, o̧'wo jawa kwösödaduwi̧ma, kakatibaduwakwedöja. O'wo jawa orotjöbi, platatjöbi pöchö kwotidinawö̧nö suli̧ waedö, ikwö loköbaduwakwedöja, tjipjelekwachibanö ikwö loköbaduwakwedöja, —Yȩekwa ji̧, —jö̧ba̧lö. Jobadö ajayinö kwösödinaduwawö̧nö ikwö loköbaduwakwedöja, —Tjo̧wita, labebaduwi, —jö̧ba̧lö.

Éxodo 20:4

Ja̧danö, kwotidaduwoko kwo̧'wo̧duwi jawa kwösödaduwawö̧nöma, mölejebi ju̧kwadö tjo̧'wo̧ jawabi, böjenö jukwadö tjo̧'wo̧ jawabi, böje teebe ojwe okwa ju̧kwadö tjo̧'wo̧ jawabi.

Jueces 8:24

Israel jojodö tjujuluwajawö̧ma madianitas jojodöbi, ju'wedöbi ismaelitas jojodö tjö̧jinobe, ja̧danö ju'wedö ismaelitas jojodö tjö̧nidanö, orotjö otikwa sasiyu tjö̧ninobe. Ja̧danö, israel jojodö jobadönö tjujuluwenama, okobe jwiinö tjiteaja̧ma tjeminobe, tjitea baibanö. Ja̧danö, Gedeonma jojodönö aebinobe, —Ökwödönö ateba, okobe deinö kwemaduwaja̧ orotjö otikwa sasiyu ötjönö kwiyaduwobö, sasiyuda —jö̧ba̧lö.

Jueces 8:27

Ja̧danö, tjiyaja̧ orotjö, Gedeonma Diostjö jojodötjö la'aka pjabato̧ 'duawado̧, omukosa̧do̧danö ichejekwi̧ nönawa jawa orotjö otidinobe, itebo comunidad Ofranö önobö. Ja̧danö, ja̧ otidaja̧tjö wene baibinobe. Israel jojodöma ja̧ otidaja̧ jawa bȩbachibö tjösödinobe, Dios tjösödobö weöködanö. Jo̧kwajabetjö̧ ja̧ Gedeon otidaja̧ma, israel jojodönö 'daliwadanö ji̧nobe, jweinö Diosnöda tjösödo jö̧tja̧li̧tjö 'da̧bachibö, otidaja̧ sulabenö tjösödakobetjö̧.