Éxodo 32:24 - Dios Iwene

²⁴ Jo̧kwaobetjö̧ wetijatö, okobe jwiinö orotjö otikwa kwujuna̧laduwi̧ sasiyuma jȩbatö kwichejebaduwiotjö. Jejenö wetiawö̧ orotjö otikwa tjujuna̧laduwi sasiyu jȩbatö tjichejebijatö ötjönö iyö. Ja̧ sasiyu ökwölanö lotaja̧ ikena ¡ayö! ite pakaya itji̧danö ichejekwo̧ o̧'wo̧ jawa laebijatö— jö̧ba̧lijetö Aarónma Moisésnöma.

Éxodo 32:24 Referans Kwoze

Éxodo 32:4

Ikenama Aarónma ja̧ orotjö otikwa tjiyaja̧ ökwölanö tubinö tobajo̧ isobuma tjobebijetö isa'onö, pakaya itji̧danö ichejekwo̧ o'wo jawa baibanö. Jejenö otidijetö Aarónma pakaya itji̧danö ichejekwo̧ o̧'wo̧ jawa. Israel jojodöma Aarón otidajökwenö edö jö̧ba̧lijadötö: — Ökwödö Israel jojodö dösödökwe dios biteda. Biteda Egiptotjö ladebinö öbibö pjabatinama— jö̧ba̧lijadötö.

Romanos 3:10

Dios iwene damötjö tjiwȩyudinama baikwö laebobe: Suli̧ jwibadöma deobe yelösöda, bakwo̧bi deobe suli̧ jwibo̧ma.

Lucas 10:29

Jo̧ba Moisés iwȩyudina ba̧ja̧do̧ma öwaisinobe, okobe deinö jojodönö ösödö̧kö̧sa jö̧ba̧lö. Jo̧kwaijayonö ju'wedönö öpöjödijayonö, omukwatinobe, jobadönö chöpöjödi̧ma sulökö, ötjö chömöledötjokobetjö̧ jö̧ba̧lö. Jejenö omukwatö, Jesúsnö abebö a̧ja̧kwinobe: —Chömöledöso̧nö chösödobö jo̧be jö̧ba̧lö laebi̧ma, ¿ditenö wanekwachobeda? ¿Didönö chösödobö wanekwachobeda? Okobe deinö jojodönö chösödobö laebokobe, ¿jö̧tö?— jö̧ba̧lö.

Éxodo 32:35

Jemi ikenama Isabenö Jo̧ma labinö tjö'wöchi̧ jawa webijetö Israel jojodönö, pakaya itji̧danö ichejekwo̧ o̧'wo jawa otidobö wetjinobetjö̧ Aarónnöma, ja̧ o̧wo jawa tjösödobö.