Éxodo 32:22 - Dios Iwene

²² —Chuluwo̧, kwo̧'wo sulinö kwedoko ötjönöma. Kwöwaisa jobadönöma, idöda sulabenö omukwatö tjujuni̧danö ja̧tjobö isakwadö.

Éxodo 32:22 Referans Kwoze

Deuteronomio 9:24

Jau chömöledö, la'akatjöda Isabenö Jo̧ wei̧ öpöjödadöja, ökwödönö ajayinö chöwaisinelö babe möle baibanö, jo̧kwajabetjö̧ la'akatjöda kwomukwataduwoko, –Otiwadö dö̧jiökwe ditebo iyo̧ Diosma, –jö̧ba̧lö.

1 Samuel 15:24

Jejenö yöawökwe, Saulma Samuelnö yöa̧linobe, —Isabenö sulabenö ja̧tajabe, Isabenö Jo̧ wei̧bi, ökwö weköbi̧bi isabenö a̧ja̧kwökönö ja̧tajabe, jojodönö yetabobetjö̧. Jau Samuel, jojodöma Dios wei̧tjö wainö tjösödinobe tja̧jwimunö do̧tja̧tobö tjösödinobe, ja̧danö jejenö tjösödi̧tjö, yebabinö yötja̧li̧da cha̧ja̧kwijatö, Dios wei̧ a̧ja̧kwökönö.

Éxodo 16:20

Jejenö weijayonö jobadötjö ju'wedökwenama a̧ja̧kwijöködötö. Pjei̧kwena u'yudijadötö ju'wi dewachö dukwakwa̧ jö̧ba̧lö. Ja̧ tju'yudaja̧ma wobibö sa̧duibijetö, jwiinö sulabenö omewinö. Jejenö tja̧ja̧kwiökökwe labijetö Moisésma, jobadönöma.

Éxodo 15:24

Jejenö ji̧awö̧ Israel jojodöma Moisésnö jwöbeba̧lijadötö, ¿Taji dowakwa̧da? jö̧ba̧lö.

Éxodo 14:11

Ja̧danö, Moisésnö jwöbeba̧lijadötö: —¿Egiptonöma wobale lödawemima jwiobetjö̧ baikwö mejetjö wodobö öbibö kwichinaji̧? Sulabenö öbibö kwichinobe ökwödönöma.

Proverbios 4:16

Chi̧tji̧, jobadö sulabenö omukwatadöma möle baledinö sulabenö ja̧tjoböda omukwatö isakwadö. Yelösöda, jobadöma tjo̧wi̧ yȩatibajabe jö̧ba̧lö suli̧ jawa ina sulabenö ja̧tjo jö̧tja̧laja̧ badekwachokobetjö̧ aböbi aböködö. Ja̧danö, jobadö sulabenö omukwatadöma jojodönö wene jwöbebadö. Isabenö, jobadöma tjo̧wi̧ yeatibajabe jö̧ba̧lö ina ju'wedönö wene jwötjebo jö̧tja̧laja̧ badekwachokobetjö̧ aböbi aböködö. Chitji̧, jobadö sulabenö omukwatadö kwetjachamanö kwi̧'yoko.

Deuteronomio 31:27

Jau chömöledö, isabenö ökwödö israel jojodönö chöwaisawöja, –Tjuu 'dibadö weawa a̧ja̧kwöködö, –jö̧ba̧lö, baikwö yötawa: Ina yaba̧lö, kwö̧'da̧deduwinö chö̧jayi, ba̧kwelöjatebö Isabenö Jo̧ wei̧ öpöjödabidö kwö̧jinaduwobe ida̧ökö, jö̧tö? Jo̧kwajabetjö̧ ju'wibi chöwaisaduwakwö chömöledö, —Ina yaba̧lö chö̧jayi Dios wei̧ öpöjödabinö kwö̧jinaduwobema, ö'wö batibaja̧ okobe ja̧tjö bajalekwönönö isabenö Dios wei̧ kwöpöjödaduwakwedöja, –jö̧ba̧lö.

Deuteronomio 9:7

Tupakwö yöawinobe Moisesma, israel jojodönö: —Jau chömöledö, isabenö kwuluwo̧duwi Isabenö Jo̧ Dios ödameakwobö sulabenö ja̧badöja. Kabatökönö Isabenö Jo̧ wei̧ öpöjödö ji̧nadöja, Egipto nijitjö lakebinaduwelö baikwö bemi nijibe dichibenanö kabatö. Ja̧ wene isabenö kwomukwataduwobö jo̧be chömöledö, kwo̧'wo jwibibö, –Aaa, otiwadösa, –jö̧ba̧lö kwomukwataduwapji jö̧ba̧lö.

Éxodo 16:28

Jemi ikenama Isabenö Jo̧ma Moisésnö jö̧ba̧lijetö: —Israel jojodönö baikwö yöbawi: ¿Tajawedö kwa̧ja̧kwaduwokobeda ötjö weti̧ma? Ja̧danö, kwö̧jaduwobö yötawi̧bi ¿tajawedö a̧ja̧kwökönö kwö̧jaduwobeda?

Génesis 44:18

Ikenama Judáma José ö̧jobekwö 'ya̧wibö yöbawijetö: —Chuluwo̧ ötjöma ökwö kwömöayo̧sa. Ja'yubeda yöta̧lobö jö̧ta̧la. Labökönuwitjö. Ökwöma Egipto niji inesö la'aka luwo̧ jo̧ja. Ötjönö webo̧ja ökwöma.

Éxodo 32:21

Ikenama Moisés abebijetö Aarónnö: —Chöpöe, ¿tajawedö yökawinököda jojodönöma, sulabenö ja̧köbaduwoko, jö̧ba̧lö? ¿Taji ja̧tjaja̧da ökwönöma ja̧ jwiinö suli̧ jawa ja̧tjobö weköbobö? —abebö a̧ja̧kwökwe:

1 Samuel 15:15

Aebökwe, —Aaa, jobadö jwöbadöma jojodö kwabö juwö Diosnö tjiyakwawö̧. Jojodöma jobadönö amalecita jojodötjö 'döbebö tjichejebajabe. Obejadötjöbi, pa̧kayadötjöbi sule inesö otiwadönöda 'dötjebajabe, Kwösödökwe Isabenö Jo̧ Diosnö ösödö, kwabö juwö tjiyakobetjö̧. Ja̧danö ju'wedö Diosnö tjiyobö mikwawöködönö okobe deinö kwabawö lodajabe, —jö̧ba̧lö atadinobe Saulma.

1 Samuel 15:21

Ja̧danö tja̧jwi̧mu kwabawö lodo jö̧da̧lawö̧ma, obejadöbi pa̧ka̧yadöbi sule inesö otiwadönöda do̧tjatajabe jojodöma, baikwö ichejebö, Gilgaltjö kwuluwo̧ Isabenö Jo̧ Diosnö kwabö juwö tjiyakobetjö̧, isabenö otiwanö Dios ösödo jö̧a̧li̧danö kwabawö lotajabe, —jö̧ba̧lö atadinobe Saulma.

Éxodo 32:1

Moisésma mö'ösa'onö lekwe yutubajökönö ö̧jiawö̧ Israel jojodöma Aarón ö̧jobekwö 'ya̧wibö abebijadötö: —Moisés, ökwödönö Egiptotjö labebö öbibajinama dea. Taji waekwinajö wajwida. Jo̧kwaobetjö̧ do̧'wo̧ jawa juluwanö kwotido dökömanö öbibö 'yo̧nö— abebijadötö Israel jojodöma Aarónnö.