Éxodo 32:20 - Dios Iwene

²⁰ Ikenama, tjotidajökwe pakaya itji̧danö ichekwo̧ o̧'wo̧ jawa tötöbö ökwölanö lobö juwijetö, oroma isobuda baibanö. Jemi ikenama jobu tiyuwachajena pjewö̧ko̧pja̧da baibanö 'do'dobijetö. Jo̧pja̧ lilibijetö ojwe ja'yuwödönö. Lilibö kabatö webijetö Israel jojodönö jödötjö tjowobö.

Éxodo 32:20 Referans Kwoze

Deuteronomio 9:21

—Ja̧danö chömöledö, inesö Dios öpöjödinö sulabenö kwotidinaduwökwe pakaya itji̧ o̧'wo jawa edajo̧, ötjöma o̧'wo jawa juwö lotijatö, ja̧danö juwö lobajo̧, pjewö̧ko̧pja̧da baibanö 'do'dochijatö. Ikenama ja̧ o̧'wo jawa iso̧pja ojwenö ikwö lotijatö, mösa'otjö isuwödönö.

Proverbios 14:14

Ja̧danö, ju'wibi yötawa: Bakwo̧ jweinö omukwatö ö̧jaja̧ kabatibö sulabenö omukwato̧ma Dios balekwa mikwa iyö lȩebakwo̧. Ja̧danö, ba̧kwȩlö̧jatebö otiwanö omukwatö ja̧bo̧ma Dios balekwa mikwa iyö pjaatakwo̧, o̧'wo̧ ösöwanö ö̧jobö.

Proverbios 1:31

Jobekwö, ötjö jwebebö yötawi̧ öpöjödö, sulabenö omukwatö kwö̧jaduwobetjö̧ yelösöda usula kwemawaduwakwedöja, sulabenö omukwatö kwö̧jaduwi̧ mikwa baibanö. Isabenö, ökwödö kwo̧'woduwi̧ okwa suli̧da su̧'bȩ ji̧danö kwana̧laduwobe, sulabenö kwomukwataduwi̧ma.

2 Reyes 23:15

Ju'wibi ajayinö ji̧na, Israel la'aka luwo̧ Jeroboan, ömöayedö israel jojodö sulabenö ja̧tjobö öbibina Betel comunidadtjö otidina iyawemi söbebö loinobe Josiasma. Ja̧ inawatjö otikwemi iyawemi pjolö loinobe, ja̧danö inawiya 'dobö, i̧so̧pja baibanö 'dobö loinobe, ja̧danö Asera jo̧'wo jawa juwö loinobe.

2 Reyes 23:6

Ja̧danö ju'wibi tjösödoko Asera ötjaboko jo̧'wo jawama, Isabenö Jo̧ ejutjö laebinobe, ja̧danö Jerusalen comunidad ö'öbökwöchobe e'ewinobe, ja̧danö Cedron ojwe ö'öbö e'ewajo̧, juwö loinobe. Ikenama, juwö lobajo̧, o̧'wo jawatjö ji̧baja̧ma, 'dobö loinobe, i̧so̧pja baibanö, ja̧danö wobiako jȩna ja̧ ökwölaso̧pjama ikwö loinobe.

Deuteronomio 7:25

—Ja̧danö jobadö tjösödawö̧ o̧'wo jawanöbi söbebö loköbaduwo, ökwölanö juwö loköbaduwo tjösödawö̧ o̧'wo jawanö. Ja̧danö, o̧'wo jawanö tjö̧nönawi̧ orobi, platabi lo̧be kwedaduwijayonö, ja̧ jawa kwujuna̧laduwotö jö̧ba̧lö ösödökönaduwi. Jau chömöledö, o̧'wo jawajaye jawama jwiinö öpöjödobe kwuluwo̧duwi Isabenö Jo̧ Diosma, jo̧kwajabetjö̧ kwemaduwoböma ösödökönaduwi, ökwödönö 'daliwadanö baibapji jö̧ba̧lö.

Deuteronomio 7:5

—Jejenö baledapji jö̧ba̧lö, baikwö wetaduwakwö: Tjösödawö̧nö iyawemi 'dobö pjolö loköbaduwo, ja̧danö tjösödawö̧nö ösödakwawa inawasa'o 'dobö 'dalachajibanö loköbaduwo, ja̧danö tjösödoko Aseranö ösödakwa'o towi jawa o'ijubi jubö loköbaduwo, ja̧danö tjösödawö̧ o̧'wo jawanö juwö loköbaduwo.

Éxodo 32:21

Ikenama Moisés abebijetö Aarónnö: —Chöpöe, ¿tajawedö yökawinököda jojodönöma, sulabenö ja̧köbaduwoko, jö̧ba̧lö? ¿Taji ja̧tjaja̧da ökwönöma ja̧ jwiinö suli̧ jawa ja̧tjobö weköbobö? —abebö a̧ja̧kwökwe:

1 Reyes 15:13

Ju'wibi, Asa a̧'do̧ Maca mikwujuma ajayinö la'aka luwuju jö̧jinajayonö, inesö la'aka luwuju jö̧jemitjö jwibatö ujuninobe Macanö, inesö suli̧ jawa, tjösödoko Asera mikwujunö ösödakwawa'o sulabenö jotidinobetjö̧. Ja̧danö, ju'wibi jotidina Aseranö ösödakwawa'o jubö loinobe Asama, jadanö jubö lobajo̧, Cedron wabekotjö juwö loinobe.