Éxodo 31:14 - Dios Iwene

¹⁴ Jo̧kwaobetjö̧ ja̧ mölȩ weti̧ jawama a̧ja̧kwö kwö̧jaduwobö jo̧be, inesö mölȩobetjö̧, ja̧danö ökwödönö pjabatö wainö chujunina mölȩobetjö̧. Ökwödötjö bakwo̧ ja̧ weti̧ kabatibö otiditjö̧ma, jo̧kwada mölȩ, jö̧ba̧lö, ökwödötjö a'dewö loköbaduwökwedanö baibobe, ötjö chömöledöso̧bö̧kö̧. Ja̧danö, jo̧banö kwabö loköbaduwobö jo̧be.

Éxodo 31:14 Referans Kwoze

Éxodo 20:8

Ja̧danö, ju'wibi wetaduwakwö: Jojodö otikwö̧kö̧ mölȩ, wainö kwujunaduwi̧ mölȩ, inesö mölȩma kakatibaduwoko. Ja̧ mölȩ wainö kwujunaduwo, inesö mölȩ, jö̧ba̧lö, ötjönö kwömukwataduwobö.

Juan 7:23

Ja̧danö ökwödöma, Moisés weina ja̧bö, kwi̧tji̧mu tjötade bajalesado̧ 'wikebaduwobe. 'Wikebaduwobö möle otikwökö möle ichibena, otikwökö möle 'wikebaduwobe. Jejenöma, otikwökö mölebi 'wikebaduwobe kwi̧tji̧mu tjötade bajalesado̧ma. Jo̧kwaobetjö̧ ¿dakwö kwo̧'wo̧duwi sulinö kwedaduwobö ötjönöma, bakwo̧nö okobe jwiinö otiwanö baibanö otidö lotobema?— yöawinobe Jesúsma—.

Éxodo 31:15

Semanakwena jelemutjö bakwöta mölȩ kwotidaduwo. Jemi ikena mölȩma, jelemutjö dötölataja mölȩ baibena kwotidaduwoko. Ja̧ mölȩma otidökönö kwö'wachaduwakwa̧ möle ja̧kobe, ötjö Isabenö Jo̧nö kwomukwataduwobö. Ja̧ mölȩma inesö möle, ja̧danö wainö ji̧ mölȩma ötjönö kwomukwataduwobö. Ja̧ mölȩma otido̧nöma kwabö loköbaduwobö jo̧be.

Éxodo 30:33

Ökwödökwö bakwo̧ jobu o̧tesobudanö iteda ösödö otiditjö̧ma ökwödötjö a'dewö lotjökwedanö ö̧jakobe, Israel jojobö̧kö̧ baibanö. Ja̧danö, jenada bakwo̧ jobu o̧tesobuma jelo̧nö, ötjötjö jojodötjö dö'da̧de pjabato̧bö̧kö̧nö toebitjö̧ma, a'dewö lotjökwedanö ö̧jakobe, Israel jojobö̧kö̧ baibanö— webijetö Isabenö Jo̧ma Moisésnöma.

Éxodo 30:38

Ökwödötjö bakwo̧ jo̧pja̧ otiditjö̧ma, iteda söinö 'döekwso̧pja̧ ujuna̧lobö ökwödötjö a'dewö lotjökwedanö ö̧jakobe, Israel jojobö̧kö̧ baibanö.