Éxodo 30:28 - Dios Iwene

²⁸ Ja̧danö, juwö tjiyapjopjonö, ja̧danö, iso̧pja̧ lotjakwa̧ o'diju balde'dijunö, iso̧pja̧ kilawa ö̧pjibiyanö, itebiya tichawa ö̧ki̧yanö o̧tesobu sa̧sa̧köbo, wainö ji̧ jawa, jö̧ba̧lö.

Éxodo 30:28 Referans Kwoze

Éxodo 29:37

Jejenö juwö iyö, ja̧danö juwö iyawapjo wame o̧te tobebö, jelemutjö dötölataja mölȩ, bakwöta mölȩkwena ja̧köbo, japjoma suli̧ jwiapjo, ja̧danö wainö junawapjo baibakobetjö. Jejenö ja̧köbobetjö̧ japjo jwiinö inesösapjo,wainö ji̧ sapjo. Ja̧danö suli̧ jwiapjoobetjö̧ sule ötjö wainö chujuninökwe, 'da̧batö chujuninökweda ja̧pjo ma̧obö jo̧be. Ja̧danö, japjonö wa̧nö tjiyi̧ma sule ötjö wetinadanö wa̧nö tjiyobö jo̧be.

Éxodo 30:18

—Dichawa'do broncetjö otikwa'do tjotidobö weköbo. Ja̧danö, la'aka pjaeba̧la'o isa'obi broncetjö tjotido. Ja'doma cheju a̧petunö tjujuno, cheju teachakwawawemitjö̧ juwö iyawapjotjö 'da̧denö. Ja̧danö, ja'donö ojwiyo totjebo.

Éxodo 30:27

Ja̧danö, mesasötenö, mesasöte wanö dȩja̧pi̧ya̧nö, deja'di̧ju̧nö, ja̧danö dȩju̧wa'yu o'di̧ju̧ ja̧kanöbi, ja̧ka otikwa jawanöbi o̧tesobu sa̧sa̧köbo, Wainö ji̧ jawa, jö̧ba̧lö. Ja̧danö, söinö 'dö̧ekwa'be juwawapjonöbi o̧tesobu sa̧sa̧köbo, bipjoma wainösapjo jö̧ba̧lö.

Éxodo 30:29

Jejenö o̧tesobu sa̧sa̧köbo kwi̧sebakobetjö̧, beju, beju okwa jawabi, wainö chujuna, Isabenö Jo̧nö ösödö jawada, jö̧ba̧lö. Isabenö, ötjö cheju, ötjö cheju okwa jawa jwiinö inesö ji̧ jawaobetjö̧ ötjö wainö chujuninökwe, 'da̧batö chujuninökwenöda ja̧pjo maobö jo̧be.

Éxodo 29:36

Ja̧danö, bakwöta mölekwena bakaya itji̧ ina möayo̧nö kwabö, ö̧kwö̧la̧ 'wibebö loköbo, ötjönö juwö kwiyakwo̧nöma. Ja̧ juwö kwiyi̧ma Aarón, Aarón i̧tji̧mu̧ tjusuli̧ söbebö loti̧ wanekwachobe. Ja̧danö, ja̧pjonö juwö kwiyobetjö̧ japjo juwö iyawapjoma chedemi, Suli̧ jwiyapjo, jö̧ba̧lö, chedobe. Ikenama oliva o̧tesobu juwö iyawapjo wame tokebo, bipjoma wainö chujuna, Diosnö juwö iyawapjo baibanö, jö̧ba̧lö.

Éxodo 35:8

Ja̧danö, oliva o̧tesobu tjiyo dejuwa'yu ichejekwi̧, pjei̧ o̧yu̧biya dejatakwawa kwiyaduwo. Ja̧danö, söinö 'dö̧ekwi̧ ösötjetjö 'döbebö, oliva o̧tesobukwö bakobe wiwodö tokebaduwakwobu kwiyaduwo. Ja̧danö, towisa'betjö söinö 'dö̧ekwa'betjö kwujuwaduwakwa̧'be kwiyaduwo.

Éxodo 40:11

Ja̧danö, dichawa'dobi, ja'do la'aka a'obi ja̧ o̧tesobunö sa̧sa̧köbaduwo. Jejenö, ja'do, ja'do a'o Isabenö Jo̧ 'da̧batö ujunina ji̧ma, jö̧ba̧lö, kwi̧sebaduwakobe.

1 Reyes 7:38

Ja̧danö, dȩja̧piya wanawaökiya otidajo̧, ju'wibi domulataja jawa ö̧piya otidinobe, bakwakakwena bakwa̧pa̧. Bakwapa̧kwena, jakwölakwö un metro ochenta jenanö ja̧linobe, jadanö su̧'menö okwenama, ochocientos ochenta litro okwapa̧ ji̧nobe.