Éxodo 3:19 - Dios Iwene

¹⁹ Jo̧kwaijayonö jo̧ba omukwatakwa̧ma chöwaisa. Öpöjödö yöa̧lakobe, Latjebobö wetokobe, jö̧ba̧lö. Jejenö omukwatitjö̧ ötjö jwiinö chujuluma chi̧sebocha Israel jojodönö latjebobö weobö.

Éxodo 3:19 Referans Kwoze

Éxodo 6:1

Ja̧danö, Isabenö Jo̧ma Moisésnö jö̧ba̧lijetö: —Moisés, ökwöma kwedakobe faraónnö, iteda ömöledönö baledobö wetakwa̧ma. Chujulu chi̧sebiökwe Israel jojodönö kaatakwawakobe, ja̧danö itebotjö latjebobö weakobe— jö̧ba̧lijetö.

Éxodo 5:2

—Jo̧ba Isabenö Jo̧ma ¿tida? Jo̧ba wei̧, Israel jojodönö kakatakwawo, jö̧ba̧lö, ¿cha̧ja̧kwiji̧? ¡Cha̧ja̧wökö! Jo̧ba, Isabenö Jo̧nöma wajwitökwe. Isabenö yöta̧la: Israel jojodönö katatakwawökakobe— yöba̧lijetö faraónma.

Éxodo 4:21

Ja̧danö, Isabenö Jo̧ma webijetö Moisésnö: —Egiptonö ja̧nö faraón öbajale a'otjö kwö̧jena jo̧bama eda̧lonö okobe jwiinö juluwi̧ jawa kwi̧sebobö pjatati̧ma kwi̧sebo. Jo̧bama kwi̧sebobe edijayonö omajade 'diinö wetobetjö̧ Israel jojodönö kaatakwawökakobe.

Éxodo 8:28

atadökwe: —Jao kwatjö̧ma, jojodö deobekwö, Isabenö Jo̧nö, Kwuluwo̧duwi Diosnö juwö iyö kwi̧'yaduwobö katatakwawa. Jo̧kwaijayonö ödöma kwi̧'yaduwoko, chitebotjöda kwiyaduwo. Ja̧danö, Kwuluwo̧ Diosnö akebo ökwödönö pjaato— webijetö faraónma Moisésnöma.

Éxodo 9:7

Ja̧danö, Egipto jojodö tja̧jwi̧mu ba̧jekwadö wotjawiökwe faraónma webijetö ömöayedönö Israel jojodö tjö̧jobekwö tjedajobö. Tjedemi ¡ayö! Israel jojodö tja̧jwi̧mu̧tjö bakwo̧bi wobijökötö. Ȩwa̧jö faraónnö yötjawijayonö ina omajade dibo̧nöda ji̧jetö, Israel jojodönö latjebobö webökönö.

Éxodo 9:35

Ja̧danö, faraónma omajade 'diinö ö̧jobetjö̧ webijökötö Israel jojodönö latjebobö. Isabenö Jo̧ Moisésnö yöawinadanö faraónma öpöjödijetö, Israel jojodönö latjebobö webökönö.

Éxodo 10:20

Jo̧kwaijayonö Isabenö Jo̧ma faraónnö, ina omajade 'diinö ji̧nö weobetjö̧ Israel jojodönö latjebobö webijökötö faraónma.

Éxodo 11:9

Ikenama Isabenö Jo̧ma yöba̧lijetö Moisésnö: —Faraónma ökwö yökawi̧ma öpöjödö a̧ja̧kwökakobe. Jejenö baledobe chujulu ju'wi jawabi ju'wi jawa chi̧sebakobetjö̧ Egiptonö— yöba̧lijetö Isabenö Jo̧ma.

Éxodo 11:10

Ja̧danö, faraónma okobe jwiinö Aarón Moisés tji̧sebi̧ma eda̧lijetö, ajayinö ichö tji̧sebemitjö bajaliyanö tji̧sebi̧ baibanö, Isabenö Jo̧ ujulunö tji̧sebi̧ma. Jo̧kwaijayonö Isabenö Jo̧ma faraón omajade 'diinö jinö weinobetjö̧ Israel jojodönö itebotjö latjebobö ina kabatakwawijökötö.

Éxodo 13:15

Egipto inesö la'aka luwo̧ma omajade 'diinö ja̧nö jwiinö öpöjödinobe ladeboböma, lekwe möle kabatakwawökönö. Jo̧kwaobetjö̧ Isabenö Jo̧ma okobe deinö Egipto jojodö tji̧tji̧mu̧tjö abönö damönö kwabö loinobe, jojodö tji̧tji̧mu̧nöbi, tja̧jwi̧mu̧ tji̧tji̧mu̧nöbi abönö damönöma. Jejenöobetjö̧ babema da̧jwi̧mu̧ tji̧tji̧mu̧tjö̧ abönö damönö wainö dujunobe Isabenö Jo̧nö diyawö̧nöma. Jo̧kwaijayonö di̧tji̧mu̧tjö̧ ömadö abönö damönö imikwanö dimidobe Isabenö Jo̧nö. Jejenö yökawaduwo kwi̧tji̧nöma abebö a̧ja̧kwena.