Éxodo 3:18 - Dios Iwene

¹⁸ Moisés, ötjö chömöledö, Israel jojodöma ökwö yökawi̧ma ösödö tja̧ja̧kwakobe. Jo̧kwaobetjö̧ Israel jojodötjö damökwö inesö la'aka luwo̧ ö̧jobekwö kwi̧'yo. Ichibö yökawonö: Duluwo̧, ökwönö abebö dichatö. Isabenö Jo̧, ökwödö hebreo jojodö dösödökwe Diosma ökwödönö yöbawö öwawachijatö. Jo̧kwaobetjö̧ ökwönö adeba: Ökwödönö weköbo wa̧pötakwa möle kwebachö di̧'yo jojodö deobekwö, jobetjöma Isabenö Jo̧nö, dösödökwe Diosnöma ösödö juwö diyobö. Jejenö akebaduwo inesö la'aka luwo̧nö.

Éxodo 3:18 Referans Kwoze

Éxodo 9:1

Ja̧danö, ma̧tu̧lȩ debi batjibaja̧ ikena Isabenö Jo̧ma Moisésnö webijetö: —Moisés, faraón o̧bobekwö yemidanö 'yawi yökawo ötjö jo̧banö weti̧ma, baikwö: Isabenö Jo̧ma ökwönö baikwö weobe: Chömöledönö kabatakwawi ötjönö ösödö iyö tji̧'yo.

Éxodo 7:16

Ichibo̧nö yöka̧lo: Isabenö Jo̧, hebreo jojodö tjuluwo̧ Diosma ötjönö weijatö jo̧ba wei̧ ökwönö yötawobö, Chömöledönö kakatakwawo jojodö deobekwö tji̧'yo ötjönö ösödö, jö̧ba̧lö. Jejenö ökwönö yötawijayonö ¡yelösöda! ökwöma kwa̧ja̧kwijökötö.

Éxodo 10:3

Jo̧kwaobetjö̧ Aarón, Moisés faraón ö̧bobekwö 'ya̧nö jo̧banö yöbawijadötö: —Isabenö Jo̧ma, hebreo jojodö tjuluwo̧ Diosma ökwönö baikwö yöawobe: —¿Dokwa lekwe ötjö weti̧ kwomajadenö jwiinö öpöjödö kwa̧ja̧kwökakwa̧da? Chömöledönö kabatakwawi ötjönö ösödö iyö tji̧'yo.

Éxodo 9:13

Ikenama Isabenö Jo̧ma Moisésnö webijetö: —Itekwayi yȩayi wilubö faraón ö̧bobekwö 'ya̧nö yökawo ötjö weti̧ma, baikwö: Isabenö Jo̧ma ökwönö baikwö weobe: Chömöledönö kakatakwawo ötjönö ösödö iyö tji̧'yo, jö̧ba̧lö.

Josué 1:17

Jau Josue, inesö dösödi̧ma Kwuluwo̧ Isabenö Jo̧ Dios Moiseskwö ö̧jinadanö ökwökwö ja̧nö pjaatobö. Ja̧danö, jejenö ökwökwöbi ö̧jitjö̧ma, okobe jwiinö Moises weina a̧ja̧kwö dö̧jinadanö, bakwainö ökwö weköbi̧ a̧ja̧kwö dö̧jakwedösa.

Éxodo 30:6

Japjoma tjujuno chö̧jakweju okwa abönö teachakwawȩko̧nö, la'akasȩko̧nö, inesö la'akasȩko̧ tjöekwado̧ badeibö. Jȩko̧ inesö la'akasȩko̧ okwa jelepjo ja̧kobe, ötjö weti̧ wȩyukwa döbölataja inabiya a̧ja̧pjoma. Jobema, ja̧pjo muchekwapi wame ökwödökwö chö̧jobö chichakwo̧sa.

Éxodo 25:22

Moisés, jobeda, ökwönö yöba̧lö chichocha, ö̧tjö weti̧ wȩyukwa öbiya a̧ja̧pjo muchekwapi wamenö. Ja̧pi wamenö ja̧dö, queribines mikwadö tjö'da̧denö chichocha. Jobetjöda ökwönö yötawocha kwö̧jaduwobö weti̧ma, Israel jojodönö yökawobö— webijetö Isabenö Jo̧ma Moisésnö.

Éxodo 19:1

Ja̧danö, Israel jojodöma Refidimtjö labeibö 'ya̧jadö mejenö mö'ösa'o Sinaí mikwa'o yö̧neawinö ichibijadötö. Jobe tjabobö tjejubiya isa̧do̧tjö debatö otidijadötö, Sinaí mö'ösa'o badeibö. Jobadö Egiptotjö latjebinatjö̧ baikwöma ja̧wo̧dö du̧ju̧taja baledaja̧ ikena mölema Sinaí mikwa'o jo̧be ichibijadötö.

Éxodo 4:31

Jejenö yöa̧liawö̧, ja̧danö juluwi jawa i̧sebiawö̧, Jweinö yöba̧ladö, jö̧ba̧lö ösödijadötö Israel jojodötjö damöma. Ja̧danö, tja̧ja̧kwena, Isabenö Jo̧ inia tjököbaduwino wetjobe edo̧, ja̧danö, ökwödönö pjaatakobe jö̧ba̧lö, tju̧yu̧kijunö bamatö tjöba bȩbachibijadötö nijakwö tjuunö, Isabenö Jo̧nö ösödö.

Éxodo 4:24

Ja̧danö, Moisés, ilekwo, i̧tji̧mu Egiptobe ȩwa̧jö ja'ö yi̧bekwijadötö. Yi̧bekwobetjö̧ tjabakweju otidajadö tebachijadötö tjeju okwa tjabobö. Jejutjö Isabenö Jo̧ma öwawachijetö Moisénö, kwabö lotakwö, jö̧ba̧lö. Moisésma Isabenö Jo̧ damötjö weina, kwi̧tji̧mu ömadönö tjötade bajalesa̧do̧ 'wibebö loköbo, jö̧ba̧lö weinama a̧ja̧kwokobetjö̧ kwabö loobö omukwatijetö Isabenö Jo̧ma, Moisésnöma.

Éxodo 3:16

Moisés, Egiptobe kwi̧'yo. Ichibö Israel jojodötjö damönö tjoko̧ko̧kwobö jwököbo. Ko̧ko̧kwajadönö yökawo: Isabenö Jo̧ma, da'dödömine tjösödökwe Dios, Abraham, Isaac, Jacob tjösödökwe Diosma ötjönö öwawachö ökwödönö yötawobö weijatö baikwö: Eda̧lobe Egipto jojodö ökwödönö juluwanö inia tjöbö kwotidaduwobö wetjobema. Jo̧bama weijatö ötjönö ökwödönö yötawobö.

Éxodo 3:12

Jejenö atadiökwe: — Moisés, ötjöma ökwökwö chö̧jakwo̧sa. Ötjö Diossa ökwönö webo̧, Israel jojodönö Egiptotjö lakebobö. Ja̧danö, ökwönö kwöwaisachibobö chi̧sebocha, Isabenö ötjönö webinama Diosda, jö̧ba̧lö. Baikwö kwöwaischibobö baledakobe: Moisés, ötjö chömöledönö Egiptotjö labebö öbibö kwi̧'yaja̧ ikena bi'onöda ichibö kwösödaduwakwedöja ötjönöma— yöba̧lijetö Diosma Moisésnöma.

Génesis 48:3

Ja̧danö, kamapjonö ba̧nö yöba̧lijetö Josénö:—Chitji̧, damötjö Jwiinö Juluwo̧ Diosma ötjönö öwawachijatö, Luz mikwena chö̧jena, Canaán nijinö. Ja̧danö, öwawachajo̧ma Pjatatakwo̧sa, jö̧ba̧lö

Génesis 17:1

Ja̧danö, Abramma noventa y nueve a̧yo bo̧ ö̧jena Diosma jo̧banö öwawachö yöbawijetö: —Ötjöma Jwiinö Juluwo̧ Diossa. Abram, ötjö weti̧ a̧ja̧kwö, ja̧danö, sulabenö ja̧bökönö kwö̧jo.

Génesis 15:1

Jemi ikenama Isabenö Jo̧ Diosma Abramnö i̧sebijetö, i̧'wi̧didanö. Ja̧danö, Abramma Isabenö Jo̧ Dios yöawobe a̧ja̧kwijetö, baikwö yöawi̧ma: —Abram yekabi. Ötjöma ökwönö tjöbeba̧lo̧sa, sulabe baledokobö. Ja̧danö Abram, ötjöma ökwönö jwiinö mikwawinö chiyakwo̧sa— yöbawijetö.

Génesis 12:1

..Ja̧danö, Isabenö Jo̧ Diosma webijetö Abramnöma: —Abram, kwitebotjö labebi jelobekwö kwi̧'yo. Kwömöledötjö 'da̧bachibö jelobekwö kwi̧'yo. Ja̧danö, yö̧ne kwömöledö kwabe'do ejunö ju̧kwadötjöbi 'da̧bachibö jelobekwö kwi̧'yo. Kwi̧'yakobe nijima wajwiköbijayonö chi̧sebakobe— webijetö Isabenö Jo̧ Diosma.

Isaías 64:5

Jau chuluwo̧, tjo̧'wo ösöwanö ökwö weköbi̧ a̧ja̧kwö ju̧kwadönö, otiwanö ja̧bö ju̧kwadönö otiwanö pjabatö jo̧ja. Jobekwö ji̧nöködösa chuluwo̧, ja̧danö sulabenö ja̧bö dö̧jiökwe, ökwödönö dameakwö ji̧naja chuluwo̧. Jo̧kwaijayonö, kwödameakwijayonö, yayonö jwaikwöda sulabenö ja̧bö dö̧jijatö, ida̧ökö lekwe möle sulabenö ja̧bö dö̧jajabe chuluwo̧, ¿dakwö dö̧jibakwajö?

Éxodo 30:36

Ja̧ isa'betjö ja'yubeda iso̧pja̧ baibanö 'doo. Ikenama ja̧pja̧ e'ewö cheju okwa tebachö inesö la'akasȩko̧nö, ökwödökwö chö̧jobö chichakwȩko̧nö tekacho. Jȩko̧nö weti̧ wȩyukwa inabiya a̧ja̧pjo la'akanö lilitjo i̧so̧pja̧. Ja̧pja̧, wainöda ja̧aso̧pja̧, jö̧ba̧lö, kwomukwataduwobö jo̧be.

Génesis 14:13

Jejenö baledonö Abram, hebreo jojoma amorreo jojo Mamre mikwo itebonö, towibiya owiawi̧ ju̧kwena ji̧jetö. Jo̧ba Mamrema Escol, Aner tjöpöe. Jobadöma ajayinöma Abramkwö tjiwene yöbawö junijadötö, Ju'wedö baikwö ölakwabikwawö tjujuluwotö jö̧ba̧lö tjichitjö̧ma ökwödöma pjabatakwawö dölakwabikwawo, jö̧ba̧lö. Abramma jobadö amoreo jojodö tjitebonö ji̧jetö, la'aka luwedö tjömöayedö guardiakwö ölakwabikwawonö. Ja̧danö, jelo̧ ichibijetö Abram ö̧jobema, juluwadötjö döbibajo̧ma. Ichibö Abramnö yöbawijetö, Juluwadöma kwömöledöso̧ Lotnö do̧batibö tje'ewajabe, jö̧ba̧lö.

Éxodo 4:1

Ja̧danö, Isabenö Jo̧ma jejenö yöa̧liökwe atadijetö Moisésma: — ¡Tjöpöjödena! Chömöledöma ötjö yötawi̧ a̧ja̧kwö, Omöna yöka̧la, jö̧ba̧lö, tja̧ja̧kwökena weköbi̧ yötawi̧ma. Yötja̧lena, Isabenö Jo̧ma öwawachinökena ökwönöma, jö̧ba̧lö.

Éxodo 5:1

Ikenama Moisés, Aarón Egipto inesö la'aka luwo̧ faraón ö̧jobekwö 'ya̧jadö tebachö jobadötjö bakwo̧ yöba̧lijetö: —Duluwo̧, Israel jojodö tjösödökwe Diosma ökwönö weatö baikwö: Chömöledönö kakatakwawo jojodö deobekwö tji̧'yo ba'ali kwanö— jejenö yöa̧lökwe:

Éxodo 5:3

Jejenö yöa̧lawö̧: —Ökwödö Hebreo jojodö dösödökwe Diosma ökwödönö öwawachö yöawijatö ökwönö yödawakwa̧. Jo̧kwaobetjö̧ adebakwö: Jojodö deobekwö di̧'yobö weköbo wa̧pötakwa möle kwebachö Isabenö Jo̧nö juwö diyobö, dösödökwe Diosnöma. Ökwödönö di̧'yobö weköbo Diosma dö'wöchi̧ jawatjöbi, ja̧danö, döpöjojodö ökwödönö tibatö lotjitjö̧bi weapji jö̧ba̧lö— yöba̧lijadötö.

Éxodo 8:1

Ikenama Isabenö Jo̧ma Moisésnö webijetö: —Moisés, faraón ö̧bobekwö 'ya̧wi yökawo ötjö jo̧banö weti̧ma, baikwö: Isabenö Jo̧ma ökwönö baikwö weobe: Chömöledönö kabatakwawi ötjönö ösödö iyö tji̧'yo.

Éxodo 8:20

Ikenama Isabenö Jo̧ma webijetö Moisésnö: —Moisés, itekwai yȩayi wilubö kwi̧'yo Nilo ojwebe faraónnö te'ada̧lö, ojwebe ichenanö. Ichibo̧nö yöka̧lo: Isabenö Jo̧ma ökwönö weobe baikwö: Chömöledönö kabatakwawi jojodö deobekwö tji̧'yo ötjönö ösödö.

Éxodo 17:5

aebiökwe: —Jobadötjö ju'wedönö, la'aka luwedönö öbibö 'ya̧wi jojodö tja̧bönö mö'ösa'o jo̧bekwö. Kwotokwa'o do̧ba̧lö kwi̧'yo, Nilo ojwe wame i̧sebö kwaköbina'oma.

Éxodo 4:23

Jobadönö kakatakwawobö wetakwö, ötjönö ösödö tji̧'yobö. Jobadönö kakatakwawökötjö̧ma ¡a̧ja̧kwitjö! kwitji̧ abönö pöenö kwabö lotakwo̧sa, jö̧ba̧lö. Jejenö yöa̧lobe Isabenö Jo̧ma ökwönöma, faraón. Moisés, jejenö yökawo faraónnö— jejenö webijetö Isabenö Jo̧ma Moisesnö.

Éxodo 8:23

Ja̧danö, jejenö i̧sebö, Ökwö kwömöledönö lȩtebijayonö ötjö chömöledönö wainö chujunocha, ja̧ lȩtebi̧tjö tjö̧jibinö pjabatö. Faraón itekwayi ja̧ chujulu chi̧sebi baledobe kwedakobe. Moisés, jejenö yökawo faraónnö— webijetö Isabenö Jo̧ma Moisésnö.