Éxodo 29:5 - Dios Iwene

⁵ Ikenama kamisi, wainö ji̧ 'duaawakwa̧di̧ju̧ma 'dukato Aarónnö. Okwasa̧do̧ ödöado̧, möakwönönö la̧do̧, ja'önönö la̧do̧, omukosado̧, ja̧danö di̧atakwawado̧ 'dukato Aarónnö.

Éxodo 29:5 Referans Kwoze

Éxodo 28:15

Ina webijetö Isabenö Jo̧ma: —Moisés weköbo bakwo̧ 'dö̧awa waiso̧nöma la'aka pjabato̧ 'duawakwa̧do wame omukosado̧ 'dö̧tjo, melebö. Ja̧do̧ma wanekwachakobe, Dios wei̧ i̧sebö la̧do̧, jö̧ba̧lö, tu̧da'wo okwa inawiya ikwawö alewakwawa öwiya a̧jobetjö̧, Dios wei̧ tjöwaisobö alewakwawa öwiyama. Ja̧do̧ma, ja'önönö la̧do̧danö tjiti̧lo, orotjö otikwa opjiyatjö, ö̧'dö̧wi̧ opjiyatjö, duwayuwi̧ opjiyatjö, duwi̧ opjiyatjö, linotjö otikwa opjiyatjö luledö.

Éxodo 28:31

Ina webijetö Isabenö Jo̧ma Moisésnö: — Ötjötjö jojodötjö dö'da̧de la'aka pjabato̧ akwaa̧linö la̧kwa̧do̧ teebesado̧, möakwönönö la̧do̧ma ö'dö̧wi̧sado̧tjö dö̧tjo, okobe jwiinö.

Éxodo 28:39

Ja̧danö, abönö 'duawakwa̧do̧, ödöado̧, okwasa̧do̧ma jwiinö otiwi̧ lino mikwi̧ opjiyatjö tji̧tilo. Ja̧danö, ubutjawa'wobi jwiinö otiwa jawa linotjö otikwa opjiyatjö tjiti̧lo. Ja̧danö, diatakwawado̧nö 'dö̧awa jwiinö waisadöma ju'wi jawa, ju'wi jawabi jwiinö otiwi̧ jawama 'dö̧tjo— webijetö Isabenö Jo̧ma Moisésnöma.