Éxodo 27:20 - Dios Iwene

²⁰ Ina webijetö Isabenö Jo̧ma Moisésnöma: —Moisés, Israel jojodönö weköbo oliva towi ödebiyatjö jwiinö otiwi̧ jawa o̧tesobu baibanö 'do'dobö, molö tjotidobö weköbo. Ja̧ o̧tesobu, cheju okwa dȩju̧wa'yu o̧'di̧ju̧ ja̧ka nötekwakwa̧ tjichejebobö weköbo. Ja̧danö, dȩju̧wa'yu o̧'di̧ju̧ma ba̧kwȩlö̧jatebö ubinö dejatakobetjö̧ oliva o̧tesobu tjichejebobö weköbo.

Éxodo 27:20 Referans Kwoze

Jueces 9:9

—Yötja̧lökwe, Olivo towima atadinobe, –Ja̧maökö, ötjöma otiwobu o̧tesobu otikwasowisa, ja̧danö ja̧ o̧tema diosbedönöbi, jojodönöbi otiwanö tjomukwatobö pjaatobu. Ja̧ o̧te otikwa katatenaji̧, ökwödö towibiyatjö inesö la'aka towi chö̧joböma? Katatökö, –jö̧ba̧lö.

Éxodo 39:37

Ja̧danö, dȩju̧wa'yu o̧'di̧ju̧ ja̧ka, bakwai̧ orotjö tjotidinaka, ja̧ka o̧tesobu a̧ja̧sa̧'do̧, okobe jwiinö ja̧ka otikwa jawa, okobe jwiinö 'dö̧tedakwawa o̧tesobu ichejebijadötö.

Apocalipsis 11:4

Jobadöma, Dios yöawi̧ yöbawadöma, Duluwo̧ Dios öba a'o tjö̧jobe, böjȩ okobe jwiinö La'aka Luwo̧ Diosma. Ja̧danö, jobadöma, Olivo towibiya dowilataja owibiya, jö̧ba̧lö, ötjabiwö̧. Ja̧danö, La̧pa̧la̧yu̧ junawa o'di̧ju do'do̧lataja, jö̧ba̧lö, ötjabiwö̧.

Éxodo 25:6

Ja̧danö, oliva o̧tesobu dȩju̧wa̧'yu̧bi̧ya̧ ichejekwi̧, pjei̧ o̧'yu̧bi̧ya̧ dejatakwawa tjiyo. Ja̧danö, söinö 'dö̧ekwi̧ ösötjetjö 'döbebö, oliva o̧tesobukwö bakobe wiwodö totjebakwobu tjiyo. Towisa'betjö söinö 'dö̧ekwa'betjö tjujuwakwa̧'be tjiyo Jejenö tjiyo weköbodönö, tjomajadenö tjösödinö meitjö̧da— webijetö Isabenö Jo̧ma Moisésnöma.

Éxodo 27:19

Ja̧danö, okobe jwiinö tjotidakwa̧ma, cheju okwa jawabi, apetu jawabi orotjö otikwö̧kö̧ jawama, broncetjöda tjotido. Ja̧danö, bö'ödakwawa ö̧'i̧ya̧ma broncetjö tjotido, chejubi, cheju a̧petu tjöekwakwa̧bi 'diinö jo̧bö.

Éxodo 35:8

Ja̧danö, oliva o̧tesobu tjiyo dejuwa'yu ichejekwi̧, pjei̧ o̧yu̧biya dejatakwawa kwiyaduwo. Ja̧danö, söinö 'dö̧ekwi̧ ösötjetjö 'döbebö, oliva o̧tesobukwö bakobe wiwodö tokebaduwakwobu kwiyaduwo. Ja̧danö, towisa'betjö söinö 'dö̧ekwa'betjö kwujuwaduwakwa̧'be kwiyaduwo.

Éxodo 35:28

Ja̧danö, oliva o̧te e'ewö 'yi̧jadötö dȩju̧wa'yu nötekwa o̧tema. Ja̧danö, söinö 'dö̧ekwa̧pja̧bi ichejebijadötö, o̧tekwö pjatjatakwawakwa̧pja̧, Aarón, Aarón i̧tji̧mu̧ tjuunö Moisés toebakwa̧ o̧tema. Ja̧danö, ja̧ söinö 'dö̧ekwapja̧ söinö 'dö̧ekwa'bekwö, towitjö isa'bekwö pjaatakwawobö e'ewijadötö tjiyobö.

Éxodo 40:4

Ja̧danö, mesasöte cheju okwa abönösȩko̧nö tebatö kwujunaduwo, jötenö wa̧ji̧kwö. Ja̧danö, dȩju̧wa'yu o̧'di̧ju̧ ja̧kabi jȩko̧nö tjujuno. Ja̧ka o̧'di̧ju̧ kwöwanaduwo ja̧ka öjabiya ji̧na bajale bakwöjakwena bakwa'do̧.

1 Samuel 3:3

Yö̧te, ina Dios eju jawa dejuwa'yu ina ubayi, Samuelma Isabenö Jo̧ ejunö ö̧binobe, isapjo Dios iteapjo jȩna.