Éxodo 26:11 - Dios Iwene

¹¹ Ja̧danö, weköbo akwatakwawa ö̧ki̧ya̧ tjödadobö broncetjö, cincuentanö jawa ö̧ki̧ya, o̧ki̧ju̧nö tjakwatobö, do'wolataja o'wijunö dötewinö tjakwatakobetjö̧. Jejenö bakwa'woda muchekwa̧lakobe cheju wamema.

Éxodo 26:11 Referans Kwoze

Éxodo 26:6

Ja̧danö, weköbo akwatakwawa ö̧ki̧ya̧ tjödadobö orotjö, cincuentanö jawa ö̧ki̧ya, ö'dö̧wa̧do̧tjö̧ o̧ki̧ju̧nö ti̧lawa o'wiju do'wolataja o'wijunö wayobekwö ö'öbönö dötewinö tjakwatakobetjö̧. Jejenö bakwa'wo ji̧nö muchekwa̧lakobe cheju wamema.

Éxodo 26:3

Ikenama, ja̧ o'wiju do̧mu̧lataja jawa o'wijutjö bakwamu jawa 'dö̧awa o'wiju 'da̧batö bakwa̧'wokwena wayobekwö ö'öbönö tjo̧beba̧lö 'dö̧tjo, bakwa'wo jala'wo baibanö. Ja̧danö, ju'wi o'wiju, bakwamu jawa o'wiju ja̧danö wayobekwö ö'öbönö tjo̧beba̧lö 'dö̧tjo, bakwa'wo jala'wo baibanö. Jejenö ja̧li̧ o'wiju do'wolataja ja̧kobe, bakwa'wokwena bakwamu jawa 'dö̧awa o'wijutjö tjo̧beba̧lö 'dö̧awama.

Éxodo 26:10

Ja̧danö, isa̧do̧ ö'dö̧wa̧do̧tjö̧ o̧ki̧ju̧ 'wibö 'dö̧tjo, ciennö jawa o̧ki̧ju̧. Ja̧ o̧ki̧ju̧ma bakwa'wokwena wayobekwö ö'öbönö o'wijunö 'dö̧tjo, cincuentanö jawa o̧ko̧. Ja̧danö jele'wonöbi bakweminö 'dö̧tjo, ja̧ o'wijuma bakwainö tjakwatakobetjö̧.

Éxodo 26:12

Ja̧danö, ja̧ chi̧wo̧dö tjöwö'yetjö ti̧lawa o'wiju cheju o̧pekwöchobe ösada̧linö muchekwa̧lakobe, un metro jenanö.