Éxodo 25:31 - Dios Iwene

^31-35 Ina webijetö Isabenö Jo̧ma: —Moisés jojodönö weköbo dȩju̧wa'yu o̧'di̧ju̧ ja̧ka tjödadobö, bakwai orotjö. Ja̧danö, dȩju̧wa'yu o̧'di̧ju̧ ja̧kama baikwö ichejekwinö tjödado: Bakwai orotjö 'dobö la'aka isa'o tjödado, ja̧danö, bakwainö la'aka isa'otjö dötewanö okwi'o ji̧nö tjödado, bakwai orotjö 'dobö. Ja̧danö, ja'otjöda dötewinö tjödado o̧bu̧bi̧ya̧danö ichejekwinö, almendra mikwi̧ i̧sa̧bu̧danö ichejekwinö. Ö'wejemu jawa o̧bu̧bi̧ya̧danö ichejekwinö tjödado. O̧bubi̧ya la'aka ji̧nöbi, o̧bubi̧ya̧ ji̧nöbi tjödado, dȩju̧wa'yu okwi'otjö bakobe 'diinö dötewanö. Ja̧danö, abönö wa̧pöbukwa o̧bubi̧yatjö bakwabukwenatjö̧ öjabi̧ya ji̧nö tjödado, o̧bu̧tjö laebi̧danö öjabiyama, isa'o bakwachakwadanö wa̧pöjakwa möakwö wi̧so̧inö. Ja̧danö, öjabi̧ya bakwöjakwenanö almendra o̧bu̧bi̧ya ji̧nö wa̧pöbukwa o̧bubi̧ya ji̧nö tjödado, o̧bubiya la'aka ji̧nöbi o̧bubi̧ya̧ ji̧nöbi. Öjabiya isa'o bakwachakwadanö laebi̧ öjabiyatjö tjödado o̧bubiya ji̧nö wa̧pöbukwa bakwöjakwena.

Éxodo 25:31 Referans Kwoze

1 Reyes 7:49

dȩju̧wa'yu o̧'di̧ju̧ ja̧ka okwasȩko̧ badeibö tjöwaisobekwöchobe ji̧ bakwamu jawa ökiyabi, wajwitjobekwö ji̧ bakwamu jawa ökiyabi. Jadanö o̧bubiya o̧'wo jawabi, dȩju̧wa'yubiyabi, isa̧wu̧ ubaja̧wu̧ pji̧bebö loawakabi,

Apocalipsis 1:12

Ja̧danö, ötjönö yöba̧lajo̧nö chedotö jö̧ba̧lö jalachibö chedemi la̧pa̧la̧yu̧bi̧ya junawa o'di̧ju chedijatö, jelemutjö do'do̧latajanö ju̧kwi̧, orotjö otikwa o'di̧ju.

Hebreos 9:2

Ja̧danö jejuma, okwi'iju junabinö, isa̧di̧ju debatö tjotidineju. Ja̧danö, dȩko̧lataja ji̧nö tjöekwineju. Ajayisȩko̧, Inesösȩko̧, jö̧ba̧lö, ötjabinȩko̧. Jȩko̧nö la̧pa̧la̧yu̧ junawa ji̧nobe. Ja̧danö, mesasötebi ji̧nobe, pan ö̧pji̧ya tjöwanöte, Diosnö tjiyi̧ pan. Jȩko̧, inesösȩko̧nöma okobe deinö teachakwawökȩko̧. Sule Diostjö jojodötjö ö'weje pjabatadöda tebachiatjinobe.

Apocalipsis 4:5

Ja̧danö, ö̧belöma böba kwawijatö, nekakanö dejö. Böbama labinö ökwödijatö. Ja̧danö, ö̧bemi badeibö dejuwa'yiju, jelemutjö do'yulatajanö ubijatö. Ja̧ o'yubiyama Dios O̧'wo̧ Luwo̧ ujulu i̧sebi̧, jelemutjö dötölataja ujulu ujuna̧li̧ wanekwachi̧.

Apocalipsis 1:20

Ja̧danö, biya̧ babeda wajwiköbi̧ kwedi̧ma labebö lotakwö, kwöwaisachibanö: Bidö si̧li̧'i̧dönö jelemutjö du̧ju̧tajanö chömamunö do̧ta̧lawö̧ma, jelemutjö du̧ju̧tajanö Dios ömöledö babibinadötjö la'aka luwedönö wanekwachobe, jelemutjö dötölatajanö tjuju̧kwitenia ju̧kwadönö. Ja̧danö, biya̧ jelemutjö do'do̧latajanö la̧pa̧la̧yu̧bi̧ya junawa o'di̧juma wanekwachobe ötjönö ösödadönö, jelemutjö dötölatajanö ko̧ko̧kwa̧lö ba̧nö tjuju̧kwitenia ju̧kwadönö— chedökwema jejenö yöawijatö ötjönöma.

1 Reyes 7:24

Ja̧pa̧ ösö'bö teebe, moli'i ja̧ye o̧'wo jawa isa'banö söpödö otidinobe, metrokwena veinte moli'i jawa ji̧nö. Ja̧ moli'i i̧chejekwi̧ jawa otidinama, ikena otidinokobe. Dȩja̧pa otikwemi ajayinö dadö otidenama, moli'i ichejekwi̧ o̧'wo jawabi dadö otidinobe, tubinö tobebajo̧ otidenama, ida̧ökö dȩja̧pa̧bi, moli'i o̧'wo jawabi pöaibakobetjö̧.

1 Reyes 6:18

Okobe jwiinö Dios eju okwama, o̧do inawiya öwawökönö cedro ötebiya öpöchinobe. Ja̧danö, otiwachibanö, ju'wibi o̧bubiya ichejekwi̧ jawa cedro ötebiyatjö 'dȩbö tjotidinobe, ja̧danö moli'ija̧ye opobiya ichekwi̧ jawa 'dȩbö tjotidinobe. Jobe okwama, okobe jwiinö bakwainö cedro ötebiyatjö tjotidinobe, inawiyama ja'yubebi öwawökönö.

Éxodo 35:14

Ja̧danö, dȩju̧wa'yu o̧'di̧ju̧ ja̧ka o̧tesobu ubinö dejatakwawayuma dadö kwotidaduwo. Ja̧danö, okobe jwiinö ja̧ka tjotidakwa̧ jawabi kwotidaduwo. Ja̧danö, dȩju̧wa'yuka o̧tesobu a̧ja̧sa̧'di̧jubi dadö kwotidaduwo. Ja̧danö, oliva towi ödebiyatjö 'do'dobö, molö dȩju̧wa'yuka 'dö̧ekwa o̧tesobu kwotidaduwo.

Apocalipsis 2:5

Ja̧danö chömöledö, babe kwomukwataduwi̧ kabatibö balewachaduwi, ajayi otiwanö omukwatö kwö̧jinaduwadanö, ötjönö jwiinö ile nibebö kwö̧jaduwo. Jejenö kwomukwataduwi̧ kwöbalewachaduwökötjö̧ma ötjöma kwö̧jaduwobekwö ichö, la̧pa̧la̧yu̧ junawa'do̧ma emibö tje'ewi̧danö che'ewakwo̧sa, ökwödönö lȩbebö.

Éxodo 25:36

Ja̧danö, okobe jwiinö dȩju̧wa'yu o̧'di̧ju̧ ja̧kama bakwai orotjö 'dobö bakobe dötewinö tjödado, o̧bu̧bi̧ya la'aka ji̧nabi, ö̧jabiya ji̧nabi.

1 Samuel 3:3

Yö̧te, ina Dios eju jawa dejuwa'yu ina ubayi, Samuelma Isabenö Jo̧ ejunö ö̧binobe, isapjo Dios iteapjo jȩna.

1 Crónicas 28:15

ja̧danö dȩju̧wa'yu o̧'di̧ju̧ ja̧kabi, dȩju̧wa'yu̧bi kwotidenama, bejenö ömökinö orotjö kwotido, ja̧danö bejenö ömökinö platatjö kwotido. Ju'wi jawa dȩju̧wa'yu bejenö, ju'wi jawa dȩju̧wa'yu bejenö, jö̧ba̧lö.

Éxodo 31:8

Ja̧danö, mesasöte, ja̧danö mesasötenö wa̧ji̧kwö, ja̧danö deju̧wa'yu o̧'di̧ju̧ ja̧ka bakwai̧ orotjö otikwaka okobe jwiinö ja̧kanö ju̧kwi̧kwö, ja̧danö isapjo söinö 'dö̧ekwi̧ juwawapjo.

Éxodo 39:37

Ja̧danö, dȩju̧wa'yu o̧'di̧ju̧ ja̧ka, bakwai̧ orotjö tjotidinaka, ja̧ka o̧tesobu a̧ja̧sa̧'do̧, okobe jwiinö ja̧ka otikwa jawa, okobe jwiinö 'dö̧tedakwawa o̧tesobu ichejebijadötö.