Éxodo 24:18 - Dios Iwene

¹⁸ Jwöökwe ja'wo ojwiyo'wo okwa tebachibijetö Moisésma, mö'ösa'o wa̧pekwa'o la̧'wo okwa. Jobema cuarenta möle, cuarenta yö̧te ji̧jetö Moisésma.

Éxodo 24:18 Referans Kwoze

Deuteronomio 9:9

Jau chömöledö, jobe Sinai mösa'otjö Isabenö Jo̧ma ökwödönö weinobe domulataja jawa ja̧bö kwö̧jaduwobö wei̧ma, ja̧danö webajo̧, inaba döbalatajanö i̧wȩyudinobe, jö̧tö? Ja̧danö ötjöma mösa'o chönöchijatö, Dios iyakwa̧ wȩyukwaba chemobö, ja̧danö nöchajo̧, jobe mösa'onö Dioskwö chö̧jijatö, cuarenta möle baledibanö kwakwawabi kwökönö, ojwiyobi owökönö, jobe mösa'onö Dioskwö chö̧jijatö, jö̧tö?

Deuteronomio 10:10

Tupakwö yöawinobe Moisesma, israel jojodönö: —Ja̧danö chömöledö, ja̧ möle mösa'onö yemidanö chö̧jenama, ajayinö chö̧jenadanö yemidanö cuarenta mölebi, yötebi jobe Isabenö Jo̧kwö chö̧jijatö. Ja̧danö, jobe ja̧nö, yemidanö Isabenö Jo̧nö atebijatö, ökwödönö lȩlöinö edobö, ja̧danö yemidanö atebi̧ a̧ja̧kwinobe Isabenö Jo̧ma, –Israel jojodönö söbebö lotökakwo̧sa, –jö̧ba̧lö.

Éxodo 34:28

Ja̧danö, Moisésma jobe mö'ösa'o wa̧pekwa'o ji̧jetö Isabenö Jo̧kwö cuarenta mölȩ, cuarenta yö̧te baledibanö. Jo̧be ja̧nö kwanöbi kwijökötö, ja̧danö, owöbi owijökötö. Ja̧danö, inabiyanö 'dȩbö wȩyudijetö Isabenö Jo̧ wei̧ma, iteda yöbawö junö iwene, dötölataja weawa jawama.

Deuteronomio 9:25

—Jau chömöledö, sulabenö ja̧köbaduwiökwe, Isabenö Jo̧ ökwödönö söbebö loobö jö̧a̧linobe, jo̧kwajabetjö̧ cuarenta mölebi yö̧tebi jo̧ba öba a'o ba̧nö ateba̧lijatö ökwödönö. Ja̧ ateba̧lina jawa baikwö yötawaduwakwö chömöledö:

Deuteronomio 9:18

—Jemi ikenama ajayinö Isabenö Jo̧ öba a'o chöbamatinadanö, yemidanö chöba nijakwö Isabenö Jo̧ öba a'o bamatö chö̧bijatö. Kwakwawa kwökönö, ja̧danö ojwiyo owökönö, jobe cuarenta mölebi, cuarenta yö̧tebi chö̧bijatö, Diosnö abeba̧lö. Jau chömöledö, ökwödöma isabenö nöinö sulabenö ja̧köbinaduwobe. Isabenö Jo̧ inesö öpöjödi̧ jawa sulabenö ja̧bö, ökwödönö ödameakwobö ja̧köbinaduwobe, ja̧danö jejenö ja̧köbinaduwi̧tjö̧,

Lucas 4:2

Ja̧danö, jobe cuarenta möle baledibanö Awetjama Jesúsnö edö ja̧inobe, Jesús sulabenö ja̧ojobö otiwanö ja̧ojobö jö̧ba̧lö. Jobe ja̧nö cuarenta möle baledibanö Jesúsma ja'yubebi kwakwawa ukwinokobe, ja̧danö cuarenta möle kwökönö baledajo̧, jwiinö a̧wi̧chi̧ lö̧jinobe Jesúsnö.

Marcos 1:13

Jesúsma jobe jojodö deobe ichibö cuarentanö möle ji̧jetö. Cuarentanö möle ö̧jena Awetjama o̧'wo̧ sulinö edö webijetö Jesúsnö, sulabenö omukwatö ja̧ojobö, jö̧ba̧lö. Tebo luwabi ju̧kwijadötö jobema. Ja̧danö, Dios weajawö̧ ángelesdöma te'ada̧lijadötö Jesúsnöma, jobe ö̧jobema.

Mateo 4:2

Jobe ja̧nö, cuarenta mölebi, yö̧tebi ö̧tö̧chö kwakwawa kwökönö ö̧jinobe Jesúsma, ja̧danö jejenö ö̧tö̧chö ö̧jobetjö̧ jwiinö a̧wi̧chi̧lö̧jinobe Jesúsnö.

1 Reyes 19:8

Weökwe, a̧la̧ibö ukwinobe, ja̧danö owinobe. Kwajo̧, ujuluwachibinobe, ja̧danö ja̧ ukwaja̧ jwiinö ujuluwachibanö pjaatobetjö̧, ja̧da kwajo̧ cuarenta mölebi, cuarenta yötebi baledibanö kweachinobe, Sinai mösa'o, Dios itea'o mösa'o ötjaba'obe ichibenanö kabatö.

Éxodo 19:20

Ja̧danö, Isabenö Jo̧ma jwibachibö ja̧matijetö mö'ösa'o wa̧pekwa'onö. Yutubajö jwöbijetö Moisésnö, chö̧jobekwö nöchi, jö̧ba̧lö. Jwöökwe nöchijetö Moisésma, Isabenö Jo̧ ö̧jobekwö.

Éxodo 9:33

Ja̧danö, Moisés faraón ö̧jelö labebö jemi comunidadtjö labebijetö. Lababajo̧ ömamiju mölejebekwö kabebö i̧seba̧lö Isabenö Jo̧nö abebijetö böbanö, inawiyadanö ichejekwi̧ tjoduwi̧ weokobö. Jejenö aebemi böbabi, inawiyadanö ichekwi̧ tjoduwi̧bi jwiinö baibijetö. Ojwiyo o̧bi̧bi o̧bijökötö jobema.

Éxodo 9:29

Jejenö jö̧a̧lökwe jöba̧lijetö Moisésma: —Jao kwatjö̧ma, bemi comunidadtjö atebena chömamiju mölejebekwö kabebö Isabenö Jo̧nö atebocha. Ikenama böba kwaawökönöbi, ja̧danö, inawi̧ya̧ tjoduwökönöbi baibakobe. Jejenö baibena kwöwaisachibakobe: Bö̧jenö baledi̧ma Isabenö Jo̧ Diosda wei̧, jojodö ösödö wetji̧makö, jö̧ba̧lö.

Proverbios 28:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Sulabenö ja̧bö ju̧kwadöma yebabinö döbibajadö, ökwödönö do̧batö tjicha, jö̧ba̧lö. Jobadönö do̧tjatobö ichadö deijayonö, tjicha döbibajo, jö̧ba̧lö yebabinö döbibajadö. Jobekwö yetjabokobe Dios wei̧ a̧ja̧kwadöma. Yebaböködö. Didiba möayo̧ juluwo̧ didibadanö yebaböködö.

Éxodo 25:1

Ja̧danö, Isabenö Jo̧ma Moisésnö, ojwiyo'wo okwa tebachajo̧nö webijetö baikwö:

Éxodo 32:1

Moisésma mö'ösa'onö lekwe yutubajökönö ö̧jiawö̧ Israel jojodöma Aarón ö̧jobekwö 'ya̧wibö abebijadötö: —Moisés, ökwödönö Egiptotjö labebö öbibajinama dea. Taji waekwinajö wajwida. Jo̧kwaobetjö̧ do̧'wo̧ jawa juluwanö kwotido dökömanö öbibö 'yo̧nö— abebijadötö Israel jojodöma Aarónnö.

1 Reyes 19:11

Atadökwe, Isabenö Jo̧ma Eliasnö weinobe, —Böla ötölatjö labebö, mösa'onö ja̧wi, jobe kwöba a'o chöbaledakobetjö̧ —jö̧ba̧lö. Weökwe, labebö mösa'önö ja̧nö edinobe Eliasma, jadanö Isabenö Jo̧ma iteda ujulunö, Elias öba a'o öbaledinobe. Isabenö Jo̧ abönö, jwa̧le'epjo jwiinö labinö jwa̧lȩ'ewinobe, mösa'o pjolachibenanö, ja̧danö inawiya 'dabö loenanö. Jo̧kwaijayonö, ja̧ inesö juluwapjo jwa̧le'epjoma, sule Isabenö Jo̧ i̧'yakwa̧ abönö jwa̧lȩ'epjo, iteda ö̧jima jwa̧lȩ'epjo okwa ö̧jinokobe. Jwa̧le'ewaja̧ ikenama, niji tjö̧awinobe, jo̧kwaijayonö ja̧ niji tjö̧awi̧bi, Isabenö Jo̧ inesö ö̧ji̧ma, niji tjö̧awi̧ okwa ö̧jinokobe.

Deuteronomio 5:31

Jo̧kwaijayonö jobadö tjȩwa̧jonö, ökwöda ötjökwö ji̧bi, ja̧danö ökwönöda yötawocha israel jojodönö weti̧ma, ja̧bö tjö̧jo jö̧ba̧lö jobadönö weti̧ma. Ja̧danö, yötawaja̧ma, ökwöma jobadönö kwö̧ba̧ja̧dakwo̧ja, jobadönö chiyakwa̧ nijinö ja̧nö, wetaja̧danö ja̧bö tjö̧jakobetjö̧, –jö̧ba̧lö yöa̧linobe.